San Juan 9:39 - Bible in Tzotzil de Chenalhó with Deuterocanon

³⁹ Li Jesuse jech laj yalbe: —Ti lital li' ta banamile ja' sventa tal cac' vinajuc c'u x'elan stalel li cristianoetique. Yu'un jech ac'o yilic osil li boch'otic mu xilic osile, xchi'uc jech ac'o comicuc o ta ma'sat li boch'otic xilic osil scuyojique —xi.

Tzotzil Zinacantan

³⁹ ―Ti lital liꞌ ta sba balamile, jaꞌ yoꞌ xvinaj o cꞌu xꞌelan yoꞌon li crixchanoetique. Ti muchꞌutic mu snaꞌic ti cꞌuxi chcuxiic ta sbatel osile, ti snaꞌojic ti chopol sjolique, ta onox xꞌacꞌbat xchꞌunic yuꞌun ti Rioxe ti voꞌon chcacꞌbe scuxlejalique. Coꞌol xchiꞌuc chjambat yaꞌel li satique. Yan ti muchꞌutic lec cꞌusitic tspasic ti yalojique, ti jaꞌ chcuxiic o ta sbatel osil ti yalojique, mu xꞌacꞌbat xchꞌunic ti voꞌon chcacꞌbe scuxlejalic ta sbatel osile. Coꞌol xchiꞌuc tspasatic ta maꞌsat yaꞌel ―xꞌutat yuꞌun ti Jesuse.

Bible in Tzotzil de Chamula

³⁹ Xi laj yal ti Jesuse: —Ti lital li' ta banomile, tal jvinajesbe c'u s'elan yo'nton ti jnaclejetique yo' jech ta xjam sat ti ma'satetique, yo' jech ti buch'u xilic ti osil yalojique, ta xjoybijic ta ma'sat.

LEQUIL ACH' C'OP

³⁹ Ti Jesuse ja' yech iyal chac li'i: —Ti lital li' ta sba balamile, ja' ta scuenta yo' xcac' vinajuc o c'u x'elan yo'on li crixchanoetique, yo' xjam o sat li ma'satetique, yo' spasic o ta ma'sat ti much'utic jamal satique. —X'utatic.

Tzotzil San Andres

³⁹ Li Jesuse jech laj yalbe li vinique: ―Lital liꞌ ta balumile yoꞌ acꞌo vinajuc o li cꞌu sba yoꞌonic li crixchanoetique. Li buchꞌutic ta scꞌan onoꞌox xojtaquinic li Diose, jaꞌ ta xjambat satic yaꞌel yuꞌun ta xojtaquinic. Yan li buchꞌutic xojtaquinic Dios ti yalojique, jaꞌ ta spasic ta maꞌsat yaꞌel yuꞌun mu xuꞌ chojtaquinic o ―xi.

Tzotzil de Huixtán

³⁹ Ti Jesuse hech laj yalbe: ―Nital li' ti balumile, tal chapanvanucun. Tal cac'be yojtiquinic ti Diose ti much'utic tsc'an chojtiquinic ti Diose. Hech ma'sat chcomic ti much'utic ti chojtiquinic ti Diose ti scuyojique ―xchi.

San Juan 9:39 Iomraidhean Croise

Isaías 29:10

Yu'un li Muc'ul Diose stacojboxuc tal vayel ti toj pim chbate, smacojbe sat li j'alc'opetic avu'unique; xpixojbe ta poc' sat li boch'otic oy c'usi chil scuyojique.

Isaías 44:18

Mu sna'be smelol c'usi tspas li vinique. Solel macal sat, macal sjol yo'nton; mu xa'ibe o smelol.

Isaías 6:9

Jech laj yalbun: “Batan cha'e, jech xbat avalbe li cristianoetic le'e: ‘Chava'yilan ta achiquinic, pero mu xc'ot ta avo'ntonic; chavililan ta asatic, pero mu xava'ibeic smelol’, uto.

Ezequiel 12:2

“Xnich'on cristiano, vo'ote te nacalot ta stojol li jtoyba cristianoetique. Oy satic pero mu xilic, oy xchiquinic pero mu xa'ibeic smelol, yu'un ja' bats'i jtoyba cristianoetic.

San Mateo 11:5

Li ma'satetique ta xilic xa osil. Li coxoetique ta xanovic xa. Li jc'a'el chameletique icolic xa. Li boch'otic macal to'ox xchiquinique ijam xa xchiquinic. Li animaetique icha'cuxiic xa. Li me'onetique icholbat xa ya'yic li Lequil A'yeje.

San Mateo 15:14

Mu xatuc'ulanic. Ja' ma'satetic ti tsc'an chac'beic yil be li xchi'ilic ta ma'satile. Pero me co'ol ma'satetic ta xic' sbaic batele, co'ol chbalch'ujic ochel ta vomlum —xut.

San Mateo 6:23

Pero me mu'yuc lec li asatique, scotol abec'talic oy ta ic' osil. Ja' yu'un me ta ic' osil oy li asate, yolbaj ta x'epaj o tal li ic' osile.

San Lucas 1:79

Yu'un jech ac'o sacubuc osil chilic li boch'otic oyic ta ic' osile, xchi'uc ti oyic ta sventa lajele, xchi'uc jech chisbeiltasutic batel ta sbelal ti bu ta jtatic jun co'ntontique”, xi li Zacariase.

San Lucas 13:30

A'yo ava'yic, oy boch'otic ts'acalpat oyic li' ta ora ti ja' ba'yucbe ta xc'otique. Oy boch'otic ba'yucbeic li' ta ora ti ja' ts'acalpat ta xc'otique —xi li Jesuse.

San Lucas 2:34

Li Simeone la sc'anbe bendición ta stojolic, jech laj yalbe li Mariae, ja' li sme' unin olole: —A'yo ava'ay tseb, ta sventa li avol li'i, ep jchi'iltactic li' ta Israel ta xyalic ta lum, xchi'uc ep jchi'iltactic ta xva'iic ta sventa noxtoc. Ja' svinajeb ti li' xa oy li tojobtasel yu'un Diose, pero mu x'ich'at ta muc'.

San Lucas 4:18

“Li Espíritu yu'un Diose li' oy ta jtojol. Ja' yu'un la st'ujun, jech voc'bil licom ta sventa yabtel. Jech tal calbe ya'yic Lequil A'yej li boch'otic abul sbaique. Tacbilun tal ta yalel ti xu' chcolic li boch'otic ochemic ta chuquele, xchi'uc tal jambe satic li ma'satetique, xchi'uc tal jcolta li boch'otic uts'intabilique.

San Lucas 7:21

C'alal ic'otique, ja'o la scolta ep jchameletic xchi'uc boch'otic ep svocolic xchi'uc boch'o ochem pucuj ta yo'ntonic, xchi'uc la sjambe sat ep ma'satetic.

San Juan 12:31

Li' ta orae ta xa xich' chapanel li cristianoetic li' ta banamile. Li' ta orae ta xa xich' jipel loq'uel li banquilal jpasmantal li' ta banamile.

San Juan 12:46

Vu'un luz c'otemun li' ta banamil. Scotol li boch'o ta xch'unicune mu xanovic ta ic' osil.

San Juan 3:17

Ti la stac tal li' ta banamil Xnich'on li Diose, mu yu'unuc tal yac'be stoj smul li cristianoetique. Ja' tal scolta.

San Juan 3:19

Chbat stoj smulic yu'un ital xa li' ta banamil li luze. Pero li cristianoetique ja' la sc'anic o li ic' osile. Ja' muc sc'anic li luze, yu'un puru chopol li yabtelique.

San Juan 8:12

Li Jesuse la sc'opan yan velta li cristianoetique, jech laj yalbe: —Vu'un luz c'otemun li' ta banamil. Li boch'o ta xtal ta jtojole mu'yuc xa ta xanov ta ic' osil. Oy xa ta sac osil sventa cuxlejal —xi.

San Juan 8:15

Li vo'oxuque chatiq'uic mulil ta sventa no'ox stalel cristiano. Li vu'une mu'yuc boch'o ta jtic'be smul.

San Juan 9:25

Itac'ov li vinique: —Mu jna' me ja' jpasmulil li vinique. Jun no'ox li c'usi lec jna'oje, ja' ti ta melel vu'un ma'satun to'oxe, pero ta xquil xa osil —xi.

Hechos 26:18

Vo'ot chc'ot avic'be satic, yu'un jech xu' chtalic ta sac osil, jech xu' tscomtsanic li ic' osile. Jech xu' ta xloq'uic ta sc'ob li Banquilal Pucuje; ja' chlic ochicuc ta sc'ob li Diose. Jech xu' ta xlic xch'unicun, jech ta spasbatic perdón yu'un smulic. Jech xu' chich'ic ec li c'usi sc'oplal chich'ic li boch'otic voc'bilic xa cu'une’, xiyutun li Cajvaltique.

2 Corintios 2:16

Li boch'otic ch'ayel chbatique ja' xa sventa lajel chamel cha'yic ti c'alal cha'ibeic yiq'ue. Yan li boch'otic chcolique ja' xa sventa xcuxlejal cha'yic o ti c'alal cha'ibeic yiq'ue. Mu'yuc boch'o xu' yu'un spasel ta stuc no'ox jech chac le'e.

Efesios 5:14

Ja' yu'un chc'ot ta pasel ti jech albil sc'oplale: “Lican, vo'ot ti vayemote; totsan tal ta stojol li animaetique, jech chlic yac' xojobal ta atojol li Cristoe”, xi.

2 Tesalonicenses 2:10

Ta sventa ti ep ta chop chopol lo'lavanej ta spase, jech ta xlajic o ta lo'lael li boch'otic ch'ayel ta xbatique. Yu'un la sbajic li c'usi melele, ti ja' sventa xu' chcolic oe.

1 Pedro 2:9

Pero li vo'oxuque sts'unubaloxuc xa li boch'o t'ujbil yu'un Diose, bats'i pale xa c'otemoxuc ta stojol Dios, ch'ul muc'ta lum xa c'otemoxuc, yu'uninojoxuc xa li Diose. Yu'un jech ac'o apucbeic batel li c'usitic toj lec la spas Diose, ti laj yic'oxuc loq'uel ta ic'al osile, ti laj yac'oxuc ta sac osil ti toj jun yutsile.

1 Juan 2:11

Yan li boch'o xti'et yo'nton yu'un xchi'ile, te to oy ta ic' osil. Te to chanov ta ic' osil, jech mu sna' bu chbat, yu'un ma'sat c'otem yu'un li ic' osile.