San Juan 9:34 - Bible in Tzotzil de Chenalhó with Deuterocanon

³⁴ Jech laj yalbeic: —Li vo'ote solel pixilot ta mulil c'alal lavoc'. Pero vo'ot xa chac'an chachanubtasuncutic —xutic. Jech la sloq'uesic o ta nail tsobobbail.

Tzotzil Zinacantan

³⁴ Cꞌalal iyaꞌiic chac taje, islabanic: ―Yuꞌun chopolot li voꞌote, yechꞌo ti maꞌsat laꞌayane. Pero lavie voꞌot xa chacꞌan chachanubtasoticotic ―xutic. Isnutsic loqꞌuel ta templo.

Bible in Tzotzil de Chamula

³⁴ Ti fariseoetique xi laj yalbeique: —Yu'un mu albajuc amul lavoc' talel ta banomil. ¿Bu latal ti cajal xa ave ati' ta xac'an xachanubtasuncutic ti avaloje? Laj sjipic laj staquic loq'uel ta ch'ul na.

LEQUIL ACH' C'OP

³⁴ Ja' yech iyalbeic chac li'i: —Li vo'ote mu albajuc amul ti c'alal la ayane, ¿mi vo'ot chachanubtasoticotic ti avaloje? —Xutic. Ja' o isnutsic loq'uel ta c'ox templo yo bu stsobob-bailique.

Tzotzil San Andres

³⁴ Cꞌalal jech iyaꞌiique, la snaꞌleic: ―Li joꞌote ta scoj ti toj chopolote jaꞌ yuꞌun maꞌsat lavocꞌ. Pero li avie joꞌot xa chacꞌan chachanubtasuncutic ―xutic. Jaꞌ yuꞌun la snutsic o loqꞌuel li ta schꞌulnaique.

Tzotzil de Huixtán

³⁴ Hech lic yalbeic: ―¡Bu c'amba achanubtasuntutic ho'ontutique! Yu'un pucujot ono'oxe, hech yu'un ti ma'sat c'alal na'ane ―x'utat. Hech i'albat ti j'ech'el mu stac' ch-och ti templo.

San Juan 9:34 Iomraidhean Croise

Génesis 19:9

Pero li stuquique jech la staq'uic: —¡Q'uejo aba! Mu xu' chtal spasuncutic ta mantal yanlum vinic. Vo'ot me ech'em chopol c'usi chajpasbotcutic tana; ja' me mu'yuc c'usi chopol ta jpasbecutic tana li viniquetic te oy ta anae —xutic. La snet'ic batel li Lote; inopajic tal ta ti'na yu'un tsc'an tsvoq'uic ochel li ti'nae.

2 Crónicas 25:16

C'alal laj yal jech li j'alc'ope, li ajvalile jech laj yal: —¿Me vo'ot avich'oj avabtel sventa chavalbe c'usi lec ta pasel li ajvalile? ¡Avocoluc mu xa xaval jech! ¿O me yu'un chac'an milel? —xut. Li j'alc'ope te la spajes sba, pero jech to laj yal comel: —Jna'oj lec, li Diose snopoj xa chasjinesot o ta sventa ti jech laj apase, yu'un mu xach'unbun li c'usi chacalbote —xut.

Job 14:4

¿Boch'o xu' tslecubtas li cristiano ti chopol ono'oxe? ¡Mu'yuc!

Job 25:4

¿C'u x'elan xu' chal jun vinic ti toj tuc' ta stojol li Diose? ¿C'u x'elan xu' chal mu'yuc smul ta stojol Dios li boch'o voq'uem ta jun antse?

Salmos 51:5

Li vu'une jpasmulilun ono'ox ti c'alal livoq'ue; jpasmulilun ono'ox c'alal lic xchi'inun tal li jme'e.

Éxodo 2:14

Itac'ov li hebreo vinique: —¿Boch'o laj yac'bot avabtel? ¿Me yu'un vo'ot banquilalot, me vo'ot jchapanvanejot cu'uncutic? ¿Me chac amilun ava'ay noxtoc jech chac c'u cha'al laj amil jun egipto vinique? —xi. C'alal jech laj ya'ay li Moisese, ixi'. Yu'un laj ya'ay ti vinajem xa ti la smil jun egipto vinique.

Proverbios 22:10

Taco loq'uel ta atojolic li jtoybae, jech ta xlam li c'usi chopole, jech mu'yuc xa c'op, mu'yuc xa chopolc'optael.

Proverbios 26:12

Mu'yuc bu xquiltic ti toj bij li boch'o chal ti oy lec sbijile; ja' xu' to jutuc li boch'o bole.

Proverbios 29:1

Li boch'o ta stoy sba c'alal chich' taq'uiele, ta soc o; mu xa stac' poxtael o.

Isaías 65:5

Jech chalbe li xchi'ilique: ‘Te no'ox oyanic, mu xtal apiquicun, yu'un li vu'une ts'u'iltasbilun lec ta jyalel, mu xu' chtal apiquicun’, xutic. Li cristianoetic le'e ja' jechic chca'ay jech chac c'u cha'al ch'ayil ch-och ta jni'; ja' jechic noxtoc jech chac c'u cha'al c'oc' ti scotol c'ac'al te chchic'vanic oe.

Isaías 66:5

Vo'oxuc ti avich'ojbeic ta muc' sc'op li Muc'ul Diose, a'yo ava'yic li c'usi yaloje: “Li avuts' avalalic ti chopol chayiloxuque, ti chasnutsoxuc batel ta scoj ti acuchojbicun jbie, jech chalic: ‘Ich'ic ta muc' quic li Muc'ul Diose; ta jc'an ta jq'uelcutic me chata xcuxetel avo'ntonic yu'un’, xiic. Pero ja' stuquic chyalic ta q'uexlal.

San Lucas 11:45

Te itac'ov jun li boch'o lec xchanoj smantal Diose: —Jchanubtasvanej, ti jech chavale te to nabal chopol chavalbun jc'oplalcutic ec —xi.

San Lucas 14:11

Yu'un li boch'o muc' chac' sbaique, ta sbic'tajesatic. Yan li boch'o biq'uit chac' sbaique, ja' ta x'ac'atic ta ich'el ta muc' —xi li Jesuse.

San Lucas 18:17

Jamal chacalboxuc, li boch'o mu sc'an xac' sba ta ventainel yu'un Diose, me mu jechuc yo'nton jech chac c'u cha'al li olole, mu xu' chich' ventainel o yu'un Dios —xi li Jesuse.

San Lucas 6:22

“Cuxetuc no'ox avo'ntonic me chasbajoxuc li cristianoetique, me chasnutsoxuc loq'uel, me chaxchopolc'optaoxuc, me chopol chayiloxuc ta jcoj vu'un ti Xnich'on cristiano lic'ote.

San Juan 6:37

Scotol ti c'u yepal tsc'an chiyac'bun ta jc'ob li Jtote ta xtalic ta jtojol. Li boch'otic ta xtalic ta jtojole mu'yuc ta jip loq'uel.

San Juan 8:41

Vo'oxuque ja' chapasbeic yabtel li atotique —xut. Itac'ovic: —Li vu'uncutique muc yol xnich'onuncuticuc jmulavil. Jun no'ox li jtotcutique, ja' li Diose —xiic.

San Juan 9:2

Li yajchanc'optaque jech la sjac'beic li Jesuse: —Jchanubtasvanej, ¿boch'o ta smul ti jech ma'sat ivoc' li vinic li'i? ¿Me ta scoj smul stuc, o me ta scoj smul stot sme'? —xutic.

San Juan 9:22

Ti jech laj yalic li stot sme'e, yu'un ta xi'ic yu'un li j'abteletic yu'un judioetique. Yu'un li j'abteletic yu'un judioetique xchapojic xa ti j'ech'el tsloq'uesic o ta nail tsobobbail li boch'o jamal chal ti ja' Cristo li Jesuse.

San Juan 9:35

Li Jesuse laj ya'ibe sc'oplal ti j'ech'el la snutsic o loq'uel li vinique; jech ital sa', jech laj yalbe: —Li vo'ote ¿me ach'unoj ti talem xa li boch'o Xnich'on cristiano ic'ote? —xut.

San Juan 9:40

C'alal laj ya'yic li jayib fariseoetic te xchi'inojic Jesuse, jech laj yalbeic: —¿Me yu'un ma'satuncutic acuyoj ec li vu'uncutique? —xutic.

1 Corintios 5:13

Yu'un li boch'otic mu'yuc xch'unojique ja' oy ta sventa chchapan stuc li Diose. Ja' yu'un li vo'oxuque loq'ueso me ta atojolic li boch'o toj chopol c'usi spasoje.

Gálatas 2:15

Li vu'utique judío ono'ox lijvoc'utic. Muc jpasmulil yanlum cristianouticuc.

Efesios 2:3

Ta vo'onee ja' to'ox jech la jpastic jcotoltic. Ja' no'ox la jpastic li c'usitic tsc'an, li c'usitic lec cha'ay jbec'taltique, xchi'uc li c'usitic ta jnop jtuctique. Jech sc'oplal chbat jtoj jmultic jech chac c'u cha'al li yantic cristianoetique.

1 Pedro 5:5

Jech ec li vo'oxuque queremetic, ich'ic me ta muc' li jcholc'opetique. Acotolic tsc'an talbat chavich' abaic ta muc'; biq'uit xavac' abaic, yu'un jech ts'ibabil: “Li Diose chopol chil li jtoybaetique; yan li boch'o biq'uit chac' sbaique ja' chc'uxubin”, xi ts'ibabil.

3 Juan 1:10

Ja' yu'un c'alal me litale, ta xcalbe ya'ay ti chopol c'usi tspase, yu'un chopol chalilan batel jc'oplalcutic. Mu xu' o cha'ay ti jech ta spase. Mu xic' ochel noxtoc li jch'unolajeletic te chc'otique. Li boch'otic ta xotesique ta spajes noxtoc, xchi'uc ta snutsan loq'uel ta stojol jch'unolajeletic.

3 Juan 1:9

Oy xa c'usi la jts'ibabe tal li jtsob jch'unolajeletic tee, pero li Diotrefese muc xich' ta muc', yu'un tsc'an ti ja' chcom ta banquilal stuque.

Apocalipsis 13:17

Ja' no'ox xu' chmanulajic, xu' chchonolajic li boch'otic yich'ojbeic smarcail sbi, o me snumeroal sbi li ba'yuc jti'vanej bolome.