San Juan 9:31 - Bible in Tzotzil de Chenalhó with Deuterocanon

³¹ Yu'un ta jna'tic ti mu stuc'ulanbe sc'op jpasmulil li Diose. Yan li boch'o chich' ta muc' Diose, ti tspasbe c'usi tsc'ane, ta xa'ibe sc'op.

Tzotzil Zinacantan

³¹ Ti Rioxe jnaꞌojtic ti mu xichꞌbe ta mucꞌ cꞌusi chalic ti muchꞌutic mu xꞌichꞌon o ta muqꞌue. Yan ti muchꞌutic ch-ichꞌon ta muqꞌue, ti tspasbeic cꞌusi tscꞌane, chichꞌbe ta mucꞌ li cꞌusi chalique.

Bible in Tzotzil de Chamula

³¹ Jna'tic lec, ti jun jsa'mulile mu x'a'yibat sc'op yu'un ti Diose. Ja' no'ox ta xa'ibe sc'op ti buch'u ta xich'ic ta muq'ue, xchi'uc ti ta spasic ti c'usi lec ta xil ti stuque.

LEQUIL ACH' C'OP

³¹ Jna'ojtic ti mu xich'be ta muc' c'usi chal jmulaviletic ti Rioxe; ja' no'ox cha'ibe sc'op ti much'utic chich' ta muq'ue, xchi'uc ti much'utic tspasic ti c'usitic tsc'ane.

Tzotzil San Andres

³¹ Jnaꞌojtic ti mu xꞌacꞌbat ta venta scꞌop yuꞌun Dios li buchꞌutic mu xichꞌic ta muqꞌue. Li buchꞌu ta xichꞌ ta mucꞌ li Diose, ti ta spasbe li cꞌusi ta scꞌane, ta xꞌaꞌibat scꞌop yuꞌun li Diose.

Tzotzil de Huixtán

³¹ Ti jna'tic ti mu stsacbe sc'op jmulaviletic ti Diose. Ti much'u chi' ti Diose, ti tspasbe ti c'usi tsc'an ti yo'ntone, ja' tstsacbat sc'op yu'un ti Diose.

San Juan 9:31 Iomraidhean Croise

Génesis 19:29

Ac'o me la slajes Dios li lumetic te ta stenlejaltic yo' bu to'ox nacal li Lote, pero muc xch'ay ta yo'nton c'usi yalojbe li Abrahame, jech c'alal ital li tsatsal tojol mulile la sloq'ues batel li Lote.

Génesis 20:7

Ja' yu'un li' ta orae ac'bo sutel yajnil li vinique, yu'un li stuque ja' jun j'alc'op. Ja' ta sc'an vocol ta atojol, yu'un ac'o to cuxian. Pero me mu xasutesbe li yajnile, ta me xacham achi'uc scotol li boch'otic oy avu'une”, x'utat.

Job 35:12

Ac'o me ch-avanic, pero mu xtac'batic yu'un li Diose, yu'un chopol yo'ntonic, xchi'uc jtoybaetic.

Job 35:13

Li Diose mu xich' ta muc' li c'usi mu'yuc stue; li Boch'o ech'em svu'ele li c'usi mu'yuc stue mu sc'an sq'uel, mu sc'an xa'ay.

Job 42:8

Ja' yu'un, bat tsaco vuccotuc tot vacax xchi'uc vuccot tot chij; batanic ta stojol li cajtunel Jobe. Chiq'uic ta jtojol scotol li matanale; ja' sventa amulic. Ja' chisc'anbun vocol ta atojolic li cajtunel Jobe, yu'un ja' ta xca'ibe li sc'ope yu'un jech mu xcac' atojic ti mu'yuc tuc' lac'opojic ta jtojol jech chac c'u cha'al li cajtunel Jobe —xut.

Salmos 106:23

Li Diose laj yal ti chules ox scotolique, pero li Moisés ti t'ujbil yu'un Diose, ja' la sva'an sba ta stojol li Diose, la smac li xchi'iltaque, jech te ilamaj sc'ac'al yo'nton li Diose, mu'yuc bu laj yules o.

Salmos 143:10

Chanubtasun ta spasel li c'usi tsc'an avo'ntone, yu'un vo'ot Diosot cu'un; ja' ac'o yic'un batel ta tuq'uil be li lequil jtojobtasel avu'une.

Salmos 145:19

Ta xac'be c'usi tsc'anic li boch'otic chich'ic ta muq'ue; cha'ibe li sc'opic c'alal xvocoletique, jech ta scolta.

Salmos 18:41

I'avanic to, pero mu'yuc boch'o xcoltaatic yu'un; laj to sc'anbeic vocol li Muc'ul Diose, pero muc xtuc'ulanbat sc'opic.

Salmos 40:8

Dios cu'un, ja' lec chavil ti ta jpas c'usi chac'ane, ti oy ta co'nton ta jch'un li amantale”, xichi.

Salmos 99:6

Li Moisés xchi'uc Aarone ja' no'ox i'abtejic ta paleal yu'un Dios; li Samuele ja' no'ox ic'opoj ta stojol Dios. C'alal la sc'anbeic vocol li Muc'ul Diose, itac'bat li sc'opique.

Proverbios 15:29

Li Muc'ul Diose nom oy ta stojolic li boch'otic chopolique; yan li boch'otic tuc' yo'ntonique cha'ibe sc'op ti c'alal chc'opanate.

Proverbios 21:13

Li boch'o mu stuc'ulanbe sc'op me'one ja' no'ox jech mu xtuc'ulanbat sc'op ec ti c'alal tsc'an vocole.

Proverbios 28:9

Li boch'o mu sc'an xa'ibe smantal Diose ja' no'ox jech mu x'aybat sc'op yu'un Dios ec ti c'alal tsc'opane.

Isaías 1:15

C'alal chatoy ac'obic ta jtojole, li vu'une ta jnac' jsat ta atojolic. C'alal ep chac'opanicune, mu'yuc ta jtuc'ulanboxuc, yu'un nojem ta ch'ich' chquil li ac'obique.

Isaías 58:9

C'alal chac'anbicun vocole, ta xca'ay li ac'opique; c'alal xavocoletic ta jtojole, ‘Li' oyune, ¿c'usi chac'anic?’, xacutoxuc. Me chalajesbeic sc'oplal scotol li uts'intaele, me mu'yuc xa chabechc'optaic li boch'o chopol chavilique, me mu'yuc xa chavalic li c'usi mu'yuc stue,

Jeremías 11:11

Ja' yu'un ta jtacbe tal tsots vocol ta stojolic; mu c'u xut tspoj sbaic o loq'uel. Ac'o me ta sc'anbicun to vocol, pero mu'yuc chca'ibe sc'opic.

Jeremías 14:12

Ac'o me chicta yiximic, pero mu'yuc ta xca'ibe sc'opic. Ac'o me chac'bicun ep chic'bil matanal xchi'uc yantic jmoton, mu'yuc ta jtsacbeic. Yo'to chcaq'uic ta milel ta espada, ta vi'nal, xchi'uc ta tsatsal chamel”, xi li Muc'ul Diose.

Jeremías 15:1

Jech laj yalbun noxtoc li Muc'ul Diose: “Ac'o me ja' chtal sva'an sbaic ta jtojol li Moisés xchi'uc Samuele, mu'yuc ono'ox ta xlecub co'nton ta stojol li achi'iltac li'i. Ac'o loq'uicuc o ta jtojol, ac'o baticuc o.

Ezequiel 8:18

Lec oy ti jech tspasique. Ta jpas cabtel jchi'uc sc'ac'al co'nton ec. Mu'yuc ta jpasbeic o perdón; mu'yuc chc'uxubajic ta co'nton. Ac'o me tsots ch-avanic ta jchiquin, mu'yuc ta jtuc'ulanbeic o”, xiyutun li Diose.

Miqueas 3:4

Ta to xa'avanic ta sc'opanel li Muc'ul Diose, pero mu'yuc chastac'boxuc. Ta sc'ac'alil le'e, ta snac' sat ta atojolic ta scoj ti toj chopol li avabtelique.

Zacarías 7:13

jech laj yal: “C'alal lic'opoje, muc xa'ibicun jc'op. Ja' no'ox jech ti c'alal la sc'anbicun vocol ta jtojole, muc xca'ibe sc'opic ec.

San Juan 11:22

Pero jna'oj noxtoc, scotol c'usi chac'anbe li Diose ta xac'bot —xi.

San Juan 15:16

Muc vo'ocoxuc laj at'ujicun. Vu'un la jt'ujoxuc. Laj cac'boxuc avabtelic, yu'un ac'o satinanic. Li asat chavaq'uique mu xlaj sc'oplal o. Jech chayac'boxuc Jtot scotol li c'usiuc no'ox chac'anbeic ta jventae.

San Juan 4:34

Li Jesuse jech laj yal: —Li jve'ele ja' ti ta jpasbe c'usi tsc'an li Boch'o la stacun tale, xchi'uc ti ac'o jvu'esbe li yabtele.

San Juan 7:17

Li boch'o tsc'an tspas c'usi tsc'an Diose, cha'ay me ja' sc'op Dios ti chcac' ta chanele, o me ja' no'ox chcal c'usi ta jc'an jtuc.

San Juan 9:30

Itac'ov li vinique: —Chch'ay co'nton avu'unic chca'ay ti mu xana'ic bu liquem tal chavalique, yu'un chavilic ti ja' la sjambun jsate.

San Juan 9:32

C'alal ilic tal banamile, mu'yuc bu xca'itic ti oy boch'o xu' yu'un ta sjambe sat li boch'o ma'sat ono'ox c'alal ivoq'ue.

Deuteronomio 1:45

Jech te lasutic o tal. Ep vul avoc'ta abaic ta stojol li Muc'ul Diose. Pero li Muc'ul Diose muc stuc'ulanboxuc li ac'opique.

Hebreos 10:7

Ja' yu'un jech laj cal: ‘Li' oyune, Dios cu'un, yu'un jech ono'ox ts'ibabil jc'oplal ta balbil vun ti ta jpas c'usi tsc'an avo'ntone’, xacutot”, xi li Cristoe.