San Juan 9:28 - Bible in Tzotzil de Chenalhó with Deuterocanon

²⁸ Te lic slabanic, jech laj yalbeic: —Yu'un vo'ot xa yajchanc'opot li vinique. Li vu'uncutique ja' yajchanc'opuncutic li Moisese.

Tzotzil Zinacantan

²⁸ ―Li voꞌote achiꞌinoj xa. Li voꞌoticotique jaꞌ ta jchꞌunticotic cꞌusi yaloj ti Moisese.

Bible in Tzotzil de Chamula

²⁸ Va'i un, xi lic sjajantaique: —Vo'ot ma' ti yajts'aclivanejot ti vinic taje. Yan ti vu'uncutique ja' ta jts'acliuncutic ti Moisese.

LEQUIL ACH' C'OP

²⁸ ―Islabanic, ja' yech iyalbeic chac li'i: —Li vo'ote ja nan yajchanc'opot; yan li vo'oticotique, ja' yajchanc'opoticotic ti Moisese.

Tzotzil San Andres

²⁸ Lic snaꞌleic, jech laj yalbeic: ―Li joꞌote jaꞌ xa chatijleta li buchꞌu mu xichꞌ ta mucꞌ li Diose. Li joꞌoncutique jaꞌ ta jchꞌunbecutic li cꞌusi yaloj Moisés ta voꞌonee.

Tzotzil de Huixtán

²⁸ Hech yu'un lic slabanic. Hech lic yalbeic: ―Ho'oti yajchanc'opot jmulavil. Ho'ontutique yajchanc'opuntutic ti Moisese jcotoltutic.

San Juan 9:28 Iomraidhean Croise

Isaías 51:7

“A'yo ava'yic, vo'oxuc ti xana'ic c'usi tuq'ue, vo'oxuc li jun lumoxuc ti oy ta avo'ntonic jmantaltaque. Mu me xaxi'ic li chopolc'optael yu'un cristianoetique; mu me xchibaj avo'ntonic yu'un li na'leel chaq'uique.

San Mateo 27:39

Li boch'otic te ijelovique ep ichopolc'opojic ta stojol; la sjimulan sjolic.

San Mateo 5:11

“Li vo'oxuque cuxetuc no'ox avo'ntonic me vu'un ta jventa chachopolc'optaatic, chasoquesbat ac'oplalic, xchi'uc me ch-epalc'opojic ta atojolique.

San Juan 7:19

“¿Me mu lajuc yac'boxuc comel mantaletic li Moisese? Pero me junuc mu'yuc boch'o chch'un avu'unic. Ti ach'unojicuque, ¿c'u yu'un chac'an chamilicun? —xut.

San Juan 9:34

Jech laj yalbeic: —Li vo'ote solel pixilot ta mulil c'alal lavoc'. Pero vo'ot xa chac'an chachanubtasuncutic —xutic. Jech la sloq'uesic o ta nail tsobobbail.

Romanos 2:17

A'yo ava'yic, vo'oxuc ti abiinojic Judioe, ti ja' apatoj avo'ntonic yu'un li smantaltac Dios avich'ojique. Atuc no'ox xava'ay abaic ta stojol li Diose.

1 Corintios 4:12

Oy ep lubel chca'icutic sventa chi'abtej ta jc'ob jtucutic. Puru chopolc'optael chquich'cutic, pero li vu'uncutique puru bendición ta jc'anbecutic. Ep chquich'cutic uts'intael, pero ta jts'iccutic.

1 Corintios 6:10

li j'eleq'uetique, li boch'otic xpich'et no'ox yo'ntonique, li jyacubeletique, li boch'otic chopol chalbeic sc'oplal xchi'ilique, xchi'uc li boch'otic tslo'labeic ta mucul c'usi oy yu'un xchi'ilique.

1 Pedro 2:23

C'alal laj yich' chopolc'optaele, mu'yuc xchopolc'optavan ec. C'alal ja'o chich' tsots vocole, mu'yuc bu isibtasvan. Ja' no'ox laj yac'be sventain li Dios ti tuc' chchapanvane.