San Juan 9:22 - Bible in Tzotzil de Chenalhó with Deuterocanon

²² Ti jech laj yalic li stot sme'e, yu'un ta xi'ic yu'un li j'abteletic yu'un judioetique. Yu'un li j'abteletic yu'un judioetique xchapojic xa ti j'ech'el tsloq'uesic o ta nail tsobobbail li boch'o jamal chal ti ja' Cristo li Jesuse.

Tzotzil Zinacantan

²² Ti xꞌelan iyal ti stot smeꞌe, yuꞌun xiꞌemic o ti cajmeltsanejcꞌopticotique. Yuꞌun ti jmeltsanejcꞌopetique yalojic xa ti mu xuꞌ ch-ochic ta junuc templo ti muchꞌutic jamal chalbe scꞌoplal ti Jesuse ti jaꞌ ti muchꞌu scꞌoplal onox chtal spasoticotic ta mantale.

Bible in Tzotzil de Chamula

²² Ti jech laj yal ti stot sme'e ta scoj xi'el. Yu'un ti j'abteletic yu'un ti israeletique laj xa scomonop sc'opic ti buch'uuc no'ox ta xal ja' Cristo ti Jesuse, ta xtenat loq'uel ta ch'ulna yu'unic.

LEQUIL ACH' C'OP

²² Ti x'elan iyal ti stot sme'e, ta sc'oj xi'el, yu'un ti jurioetique yalojic xa ti ta sloq'uesic ta templo ti much'u chal ti ja' tacbil tal yu'un Riox ti Jesuse.

Tzotzil San Andres

²² Ti jech laj yalic li stot smeꞌe, yuꞌun ta xiꞌic o li ta jꞌabteletic cuꞌuncutique. Yuꞌun li jꞌabteletic cuꞌuncutique smeltsanojbeic xa scꞌoplal ti ta jꞌechꞌel mu xuꞌ ta xꞌochic ta chꞌulna li buchꞌu jamal ta xalbeic scꞌoplal li Jesuse ti jaꞌ xa li buchꞌu scꞌoplal onoꞌox chtal ventainvanuque.

Tzotzil de Huixtán

²² Yu'un ti hech laj yalic ti stot sme'e, yu'un ixi' yu'un ti totiletic cu'untutique. Yu'un ti totiletique xchapoj xa sc'opic ti j'ech'el mu stac' ch-och ti templo ti much'u jamal chal ti ja' ti Jcoltavaneje ti Jesuse.

San Juan 9:22 Iomraidhean Croise

Proverbios 29:25

Me ja' chijxi'utic yu'un li cristianoetique, ta xchucvan jech chac c'u cha'al lasu; yan me ja' ta jpat co'ntontic ta stojol li Muc'ul Diose, mu'yuc xi'el chca'itic.

Isaías 51:12

“Vu'un jtuc ta xcac'bot stsatsal avo'nton. Jech ¿c'u yu'un chaxi' yu'un li cristianoetic ti sna' xchamique, ti ja' jechic jech chac c'u cha'al ts'i'laletique?

Isaías 51:7

“A'yo ava'yic, vo'oxuc ti xana'ic c'usi tuq'ue, vo'oxuc li jun lumoxuc ti oy ta avo'ntonic jmantaltaque. Mu me xaxi'ic li chopolc'optael yu'un cristianoetique; mu me xchibaj avo'ntonic yu'un li na'leel chaq'uique.

Isaías 57:11

“¿C'usi svu'el li yantic diosetic ti ja' laj avich' ta muc', ti laj aquejan aba ta stojole? Vu'un xa muc xavich'un o ta muc'; mu junuc avo'nton ta jtojol. ¿Me ja' yu'un ti te no'ox ch'anxichi, ti mu'yuc c'usi laj cal ta vo'one ti jech mu xavich'un ta muq'ue?

San Lucas 6:22

“Cuxetuc no'ox avo'ntonic me chasbajoxuc li cristianoetique, me chasnutsoxuc loq'uel, me chaxchopolc'optaoxuc, me chopol chayiloxuc ta jcoj vu'un ti Xnich'on cristiano lic'ote.

San Juan 1:19

Li j'abteletic yu'un judioetique la staquic batel jayibuc paleetic xchi'uc levietic ta stojol li Juane, jech c'ot sjac'beic: —¿Boch'oot li vo'ote? —xutic.

San Juan 16:2

Yu'un ta to snutsoxuc loq'uel ta nail tsobobbailetic. Ta to sta yorail ti oy ta smiloxuque, yu'un tsnopic ti ja' jech tspasbeic yabtel li Diose.

San Juan 19:38

C'alal jech ic'ot ta pasel scotole, oy jun vinic liquem tal ta lum Arimatea, José sbi. Ta mucul no'ox xch'unoj li Jesuse, yu'un ta xi' yu'un li xchi'iltac ta abtele. Ja' i'och sc'anbe vocol Pilato ti ac'o ac'batuc syales ta cruz sbec'tal li Jesuse. Li Pilatoe laj yal ti xu'e, jech bat syalesbe ta cruz sbec'tal li Jesuse.

San Juan 20:19

C'alal i'ic'ub osil te no'ox ta sba c'ac'al xemunae, te smacoj sbaic ta na yo' bu ono'ox tsobolic li yajchanc'optac Jesuse, yu'un ta xi'ic yu'un li j'abteletic yu'un judioetique. Li Jesuse ta ora no'ox ivinaj ta o'lol yut na ti bu tsobolique, jech laj yal: —Junuc avo'ntonic —xi.

San Juan 7:13

Pero me junuc mu'yuc boch'o tsots laj yal, yu'un ta xi'ic yu'un li j'abteletic yu'un judioetique.

San Juan 9:18

Li judioetique muc xch'unic ti ja' li ma'sat to'oxe. Ja' to ti c'alal bat yic'beic tal stot sme'e.

San Juan 9:21

Pero mu jna'cutic c'uxi bat yil osil. Mu jna'cutic boch'o ijambunuc li sate. Jac'bo ava'yic, yu'un vinic xa, xu' chal stuc —xiic.

San Juan 9:34

Jech laj yalbeic: —Li vo'ote solel pixilot ta mulil c'alal lavoc'. Pero vo'ot xa chac'an chachanubtasuncutic —xutic. Jech la sloq'uesic o ta nail tsobobbail.

San Juan 9:35

Li Jesuse laj ya'ibe sc'oplal ti j'ech'el la snutsic o loq'uel li vinique; jech ital sa', jech laj yalbe: —Li vo'ote ¿me ach'unoj ti talem xa li boch'o Xnich'on cristiano ic'ote? —xut.

Hechos 4:18

Jech laj yiq'uic ochel yan velta li Pedro xchi'uc Juane; tsots laj yalbeic ti mu xa me xalbeic sc'oplal, ti mu xa me xchanubtasvanic ta sventa li Jesuse.

Hechos 5:13

Pero li yantique me junuc mu xa sc'an xbat stsob sba xchi'uc li jch'unolajeletique, pero lec i'albat sc'oplalic yu'un scotol li cristianoetique.

Hechos 5:40

Lec laj ya'yic li c'usi laj yale, jech laj yiq'uic ochel li yajtacbolaltac Jesuse; ja' no'ox laj yac'beic nucul. Tsots laj yalbeic mantal ti mu xa me xalbeic batel sc'oplal li Jesuse. Jech la scoltaic batel.

Apocalipsis 21:8

Yan li me' jxi'eletique, li boch'otic mu xiyich'icun ta muq'ue, li boch'otic toj chopol c'usitic tspasique, li jmilvanejetique, li jmulaviletique, li j'ac'chameletique, li boch'otic chich'ic ta muc' c'usitic mu ja'uc Diose, xchi'uc scotol li j'epalc'opetique, ja' chjipatic ochel ta muc'ta c'oc' tsanbil ta azufre. Le'e ja' xchibal velta lajel”, xiyutun.