San Juan 8:55 - Bible in Tzotzil de Chenalhó with Deuterocanon

⁵⁵ Pero li vo'oxuque mu xavotquinic. Li vu'une xcotquin. Me ta xcal ti mu xcotquine, j'epalc'op chic'ot ec jech chac c'u cha'al vo'oxuque. Pero ta melel xcotquin li Diose; ta jch'unbe li c'usitic chiyalbune.

Tzotzil Zinacantan

⁵⁵ Li voꞌoxuque muc bu avilojbeic cꞌu xꞌelan yoꞌon ti Rioxe. Li voꞌone quilojbe cꞌu xꞌelan yoꞌon. Mi chcal ti muc bu quilojbe cꞌu xꞌelan yoꞌone, jnopcꞌopon chac cꞌu chaꞌal jnopcꞌopoxuque. Li voꞌone quilojbe cꞌu xꞌelan yoꞌon, ta jchꞌunbe li cꞌusi chiyalbee.

Bible in Tzotzil de Chamula

⁵⁵ Ti vo'oxuque mu xavojtiquinic. Ja'uc ti vu'une xcojtiquin. Mi ta xcal ti mu xcojtiquine, ja' jun jutc'opun ta j'ech'el jech c'u cha'al ti vo'oxuque. J'ech'el xcojtiquin ma' ti vu'une, xchi'uc ta xquich'be ta muc' ti c'usi ta xale.

LEQUIL ACH' C'OP

⁵⁵ Li vo'oxuque mu xavojtiquinic. Yan li vo'one xcojtiquin; ti mi chacalbeic ti mu xcojtiquine jnop c'op chic'ot chac c'u cha'al li vo'oxuque. Pero ta melel xcojtiquin, ta jch'unbe li c'usi chale.

Tzotzil San Andres

⁵⁵ Pero mu xavojtaquinic. Li joꞌone xcojtaquin. Mi ta xcal ti mu xcojtaquine, ta jut cꞌop jech chac cꞌu chaꞌal chajutic cꞌop li joꞌoxuque. Li joꞌone xcojtaquin li Diose, ta jchꞌunbe li cꞌustic chiyalbune.

Tzotzil de Huixtán

⁵⁵ Mu xavojtiquinic. Ho'on xcojtiquin. Mu xcojtiquin ti Diose, mi xichie, ti jnop c'op hech chaj c'u che'el ti chanopic c'op ti ho'oxuque. Ho'on xcojtiquin ti Diose. Ti jpasbe ti muc' ti sc'ope.

San Juan 8:55 Iomraidhean Croise

Jeremías 4:22

Jech chal li Muc'ul Diose: “Li jteclumale toj bolic ta jyalel, mu xiyotquinicun. Li calab jnich'nabe jeche' oyic ta banamil, mu'yuc sbijilic; mu xa'ibeic o smelol. Ja' no'ox bijic ta spasel li c'usi chopole, yan li c'usi leque ja' mu sna'ic spasel”, xi li Diose.

Jeremías 9:3

Li yoq'uique puru epalc'op tsjip loq'uel jech chac c'u cha'al st'ilesubil flecha. Muc ja'uc laj yac'beic yipal spasel li c'usi melel li' ta cosilaltique; solel isoquic o ta j'ech'el. Ja' yu'un jech chal li Muc'ul Diose: “Solel mu sc'an xiyotquinicun o”, xi.

Oseas 5:4

Mu xa x'aq'ue suticuc tal ta stojol Dios yu'unic ta scoj ti chopol c'usi tspasique, yu'un ja' ventainbilic o yu'un li stsatsal mulile, jech mu xa xotquinic o li Muc'ul Diose.

San Mateo 11:27

Jech lic yal yan velta li Jesuse: “Scotol li c'usitic oye, yac'ojbun ta jc'ob li Jtote. Mu'yuc boch'o yan sna'be c'u x'elan yo'nton li Nich'onile, ja' no'ox sna' stuc li Totile. Ja' no'ox jech ec li Totile, mu'yuc yan boch'o sna'be c'u x'elan yo'nton, ja' no'ox sna' li Nich'onile, xchi'uc ja' no'ox tsna'ic ec li boch'otic ta x'ac'bat sna'ic yu'un li Nich'onile.

San Lucas 10:22

Li Jesuse lic sc'opan yan velta li cristianoetique, jech laj yal: —Scotol li c'usitic oye, yac'ojbun ta jc'ob li Jtote. Mu'yuc boch'o sna'bun c'u x'elan co'nton vu'un li Nich'onilune. Ja' no'ox sna' stuc li Jtote. Ja' no'ox jech ec li Jtote mu'yuc boch'o sna'be c'u x'elan yo'nton. Vu'un no'ox jna', xchi'uc ta sna'ic ec li boch'otic ta xcac'be sna'ique —xi li Jesuse.

San Juan 1:18

Me junuc mu'yuc boch'o yiloj li Diose. Li jun no'ox Xnich'on Dios ti jun oyic xchi'uc Stote, ja' laj yac' cotquintic li Diose.

San Juan 10:15

Jech chac c'u cha'al xiyotquinun li jtote, jech xcotquin ec. Ja' yu'un ta xcac' jba ta milel yu'unic scotol li chijetique.

San Juan 15:10

Me chach'unbicun li jmantaltaque, j'ech'el jc'anojoxuc o. Jech chac c'u cha'al ta jch'unbe smantaltac li Jtote, jech j'ech'el sc'anojun o.

San Juan 15:21

Ti jech ta spasboxuque vu'un ta jcoj, yu'un mu xotquinic li Boch'o la stacun tale.

San Juan 16:3

Jech tspasic, yu'un mu xotquinic li Jtote, xchi'uc mu xiyotquinicun ec li vu'une.

San Juan 17:25

Tati, lec tuc' avo'nton. Li cristianoetic li' ta banamile mu xayotquinicot. Pero li vu'une xacotquinot. Ti jayib li' oyique laj xa sna'ic ec ti vo'ot laj atacun tale.

San Juan 6:46

“Mu'yuc boch'o yiloj li Diose. Jun no'ox li boch'o yiloje, ja' li boch'o te liquem tal ta stojole.

San Juan 8:19

Jech laj yalbeic li Jesuse: —¿Bu oy li atot chavale? —xutic. Itac'ov li Jesuse: —Yu'un mu xavotquinicun li vu'une, jech mu xavotquinic ec li Jtote. Ti avotquinicucune, xavotquinic xa Jtot ec ti jechuque —xut.

San Juan 8:29

Yu'un li boch'o la stacun tale, li' xchi'inojun o. Mu'yuc bu chiscomtsanun jtuc, yu'un ja' ta jpasbe scotol c'ac'al li c'usi lec chile —xi li Jesuse.

San Juan 8:44

Li vo'oxuque ja' atotic li pucuje, ja' yu'un ja' chac'an chapasic li c'usi oy ta yo'nton stuque. Yu'un li stuque jmilvanej ono'ox ta sliquebal. Mu ono'ox sc'an o li c'usi melele; mu'yuc c'usi melel oy ta yo'nton. C'alal me chal c'usi mu meleluque, yu'un ja' tspas li c'usi stalele, yu'un ja' j'epalc'op o, ja' mero sme' j'epalc'op.

San Juan 8:51

Jamal chacalboxuc ava'yic, li boch'otic ta xch'unic jc'ope, mu'yuc ta xchamic —xi li Jesuse.

San Juan 8:52

Li judioetique jech laj yalbeic li Jesuse: —Chvinaj xa ti ta melel ochem pucuj ta avo'ntone. Li Abrahame icham. Ichamic ec li yaj'alc'optac Diose. Li vo'ote chaval ti mu'yuc ta xcham li boch'otic ta xch'unic ac'ope.

Hechos 17:23

Yu'un c'alal lixanov li' ta alumalique, laj quil ti ep c'usitic chavich'ic ta muq'ue. Laj quil noxtoc jun scajleb matanal, jech ts'ibabil chac li'i: ‘JA' SCAJLEB SMOTON LI DIOS TI MU XCOTQUINTIQUE’, xi ts'ibabil. Li Dios ti chavac'beic smoton ti mu xavotquinique, ja' chacalboxuc ava'yic sc'oplal li vu'une.

2 Corintios 4:6

Yu'un li Dios ti laj yal ac'o oyuc sac osil c'alal ic' to'ox osile, ja' laj yal noxtoc ti ac'o oyuc sac osil ta co'ntontique. Yu'un jech ac'o cotquintic c'u x'elan xojobal Dios ta jtojoltic ta sventa li Jesucristoe.

1 Juan 1:6

Me ta xcaltic ti jun xa oyutic jchi'uctic Diose, pero me te to chijxanovutic ta ic' osile, chij'epalc'opojutic, yu'un mu ja'uc ta jpasilantic li c'usi melele.

1 Juan 2:22

Li boch'o j'epalc'op ta xc'ote ja' li boch'o ta xal ti mu ja'uc Cristo li Jesuse. Le'e ja' yajcontra Cristo, yu'un mu xch'unic li Totile xchi'uc li Nich'onile.

1 Juan 2:4

Pero me oy boch'o jech ta xal: “Vu'une xcotquin xa li Diose”, me xie, pero me mu xch'unbe smantaltaque, ja' j'epalc'op; mu'yuc ta yo'nton li c'usi melele.

1 Juan 5:10

Li boch'otic ta xch'un li Xnich'on Diose, yu'un oy ta yo'ntonic li sc'oplal albil ti ja' Xnich'on Dios li Jesuse. Li boch'o mu xch'un c'usi yaloj Diose ja' j'epalc'op chc'ot yu'un li Diose, yu'un mu xch'un li c'usi yaloj ta sventa Xnich'one.

Apocalipsis 3:9

Ja' yu'un a'yo ava'yic, ta xcac'boxuc ta ac'obic li nail tsobobbail yu'un banquilal pucuje, ja' li boch'otic chalic ti ja' judioetique pero ma'uc; ja' no'ox ch-epalc'opojic. Ta xcac' ti ac'o tal squejan sbaic ta atojolique, yu'un jech ac'o sna'ic ti ta melel c'anbiloxuc cu'une.