San Juan 8:51 - Bible in Tzotzil de Chenalhó with Deuterocanon

⁵¹ Jamal chacalboxuc ava'yic, li boch'otic ta xch'unic jc'ope, mu'yuc ta xchamic —xi li Jesuse.

Tzotzil Zinacantan

⁵¹ Ta melel chacalbeic, ti muchꞌutic ta xchꞌunic li cꞌusi chcale mu xchamic ―xꞌutatic yuꞌun ti Jesuse.

Bible in Tzotzil de Chamula

⁵¹ Ta xcalboxuc ava'iic ta melel, ti buch'u ta xich' ta muc' ti c'usi ta xcale, mi ja'uc ta xcham.

LEQUIL ACH' C'OP

⁵¹ Ta melel chacalbeic, ti much'utic ta xch'unic li jc'ope, mu xchamic ―x'utatic yu'un ti Jesuse.

Tzotzil San Andres

⁵¹ Melel li cꞌusi chacalbeique, li buchꞌutic ta xacꞌ ta yoꞌonic li jcꞌope jaꞌ muc bu ta xcham ―xi li Jesuse.

Tzotzil de Huixtán

⁵¹ Melel ti c'usi chacalbeique, ti much'u chixch'umbun ti jc'ope ja' mu xcham ―xchi ti Jesuse.

San Juan 8:51 Iomraidhean Croise

Salmos 89:48

Mu'yuc boch'o ti te cuxul o ti mu sna' xchame. Mu'yuc boch'o xu' yu'un tscolta sba loq'uel ta sventa li lajele.

San Mateo 16:28

Melel li c'usi chacalboxuque, oy boch'o avu'unic li'i ti mu'yuc to ta xchamique ja' to me laj yilic chlic ventainvancun, vu'un ti Xnich'on cristiano lic'ote —xut.

San Lucas 2:26

Ac'bil xa sna' yu'un Ch'ul Espíritu ti mu'yuc to chchame, ja' to me laj yil ta sat li Cristo ti tacbil tal yu'un Diose.

San Juan 14:23

Itac'ov li Jesuse: —Li boch'o chisc'anune ta xch'unbun li jc'ope. Jech ta xc'anat yu'un li Jtote. Ta xtal jchi'incutic; te chinaquicutic o ta yo'nton.

San Juan 15:20

Na'ic me ti jech ono'ox calojboxuque: ‘Li boch'o mozo no'oxe ma'uc muc' c'otem ta stojol li yajvale’, xacutoxuc ono'ox. Me laj yuts'intaicun ec li vu'une, ja' no'ox jech chayuts'intaoxuc ec. Ti lajuc yich'bicun ta muc' ec li jc'ope, chayich'boxuc ta muc' ac'opic ec ti jechuque.

San Juan 17:6

“Laj xa cac'ot ta otquinel ta stojol li viniquetic li'i ti laj avac'bune, ja' ti laj at'uj loq'uel ta stojol li cristianoetic li' ta banamile. Yu'un ja' ono'ox avu'untac, vo'ot laj avac'bun ec, jech laj xa xch'unic li ac'ope.

San Juan 5:24

“Jamal ta xcalboxuc ava'yic. Li boch'otic ta xa'ibun jc'ope, me ta xch'unic li boch'o la stacun tale, oy xcuxlejalic ta sventa sbatel osil. Mu'yuc xa chbat stoj smulic, yu'un icom xa yu'unic li lajele. Ijelovic xa ta sventa cuxlejal.

San Juan 6:50

Yan li vu'une ja' ta xcalbe sc'oplal li vaj te liquem tal ta vinajele. Li boch'otic ta sve'e mu'yuc ta xchamic o.

San Juan 8:12

Li Jesuse la sc'opan yan velta li cristianoetique, jech laj yalbe: —Vu'un luz c'otemun li' ta banamil. Li boch'o ta xtal ta jtojole mu'yuc xa ta xanov ta ic' osil. Oy xa ta sac osil sventa cuxlejal —xi.

San Juan 8:52

Li judioetique jech laj yalbeic li Jesuse: —Chvinaj xa ti ta melel ochem pucuj ta avo'ntone. Li Abrahame icham. Ichamic ec li yaj'alc'optac Diose. Li vo'ote chaval ti mu'yuc ta xcham li boch'otic ta xch'unic ac'ope.

San Juan 8:55

Pero li vo'oxuque mu xavotquinic. Li vu'une xcotquin. Me ta xcal ti mu xcotquine, j'epalc'op chic'ot ec jech chac c'u cha'al vo'oxuque. Pero ta melel xcotquin li Diose; ta jch'unbe li c'usitic chiyalbune.

Hebreos 11:5

Ta sventa xch'unojel yo'nton li Enoque, jech cuxul i'ic'at muyel ta vinajel; muc xa'ay c'u x'elan lajel. Muc staic ta t'unel, yu'un Dios laj yic' muyel. C'alal mu'yuc to'ox ch-ic'at muyele, oy ono'ox sc'oplal ti lec ilbil yu'un Diose.

Hebreos 2:9

Pero chquiltic xa ti oy yabtel, ti ich'bil ta muc' li Jesús ti ja' biq'uit icom jayibuc c'ac'al jech chac c'u cha'al li j'almantaletique. Ti jech i'ich'at ta muq'ue, ja' ta sventa ti laj yich' vocol c'alal ichame. Ta sventa ti laj ya'ay c'u x'elan milele, ja' sventa slequilal scotol, yu'un toj ep slequil yo'nton li Diose.