San Juan 8:48 - Bible in Tzotzil de Chenalhó with Deuterocanon

⁴⁸ Itac'ov li judioetique, jech laj yalbeic li Jesuse: —Ja' melel ti laj calcutic vo'ot samaria vinicote, xchi'uc ti ochem pucuj ta avo'ntone —xutic.

Tzotzil Zinacantan

⁴⁸ Ti cajmeltsanejcꞌopticotique jaꞌ yech lic yalbeic ti Jesuse: ―Yuꞌun onox yech ti cꞌusi icalticotique ti jsamariaote, ti oy pucuj ta avoꞌone ―xutic.

Bible in Tzotzil de Chamula

⁴⁸ Xi laj yalic ti israeletique: —Oy smelol ti ta xcalcutic ja' jun samaria vinicote, yu'un ach'ulelinojbe xch'ulel ti pucuje.

LEQUIL ACH' C'OP

⁴⁸ Ti jurioetique ja' yech lic yalbeic ti Jesuse: ―Yu'un onox yech ti c'usi icalticotique ti jsamariaote, ti oy pucuj ta avo'one ―xutic.

Tzotzil San Andres

⁴⁸ Itacꞌavic li jchiꞌiltac ta israelale, jech laj yalbeic li Jesuse: ―Jaꞌ melel li cꞌusi la jnopcutique. Li joꞌote jsamariail vinicot. Ochem pucuj ta avoꞌon ―xi la snaꞌleic li Jesuse.

Tzotzil de Huixtán

⁴⁸ Hech i'albat ti Jesuse yu'un ti jchi'iltaque, ho'on ti co'ol judiountutic xchi'uque: ―Hech ono'ox hech chaj c'u che'el laj jnoptutic. Ho'ot liquemot tal ti Samaria. Oy pucuj ti avo'nton ―xchiic.

San Juan 8:48 Iomraidhean Croise

Isaías 49:7

Li Muc'ul Diose, ja' li Jpojvaneje; ja' li Ch'ul Dios yu'un Israele, jech chalbe li steclumal ti solel na'lebilic oe, ti bajbilic o yu'un li yantic lumetique, ti mozoinbilic yu'un li j'uts'intavanejetique: “C'alal chayiloxuc li muc'tic ajvaliletique, tsva'an sbaic; c'alal chayiloxuc li banquilaletique, tsquejan tspatan sbaic ta atojolic. Ja' sventa chi'ich'at ta muc', vu'un li Muc'ul Diosun ti mu jna' jel jc'ope; vu'un li Ch'ul Diosun yu'un Israel ti la jt'ujoxuque”, xi.

Isaías 53:3

Solel na'lebil, bajbil yu'un li cristianoetique, ja' jun vinic ti pixil ta tsots vocole. Solel la snopes sba lec ta xcuchel scotol vocol; solel mu xa stac' q'uelel; bajbil ta j'ech'el, pero mu'yuc sc'oplal laj ca'itic.

San Mateo 10:25

Li jchanvune xu' no'ox me sta jech chac c'u cha'al li jchanubtasvanej yu'une. Jech ec li mozoe xu' no'ox me sta jech chac c'u cha'al li yajvale. Vu'un li totilun ta jbej na ya'yele, ‘Pucujot’, xi jc'oplal, ¡buuc xa vo'oxuc li jnich'naboxuque!

San Mateo 10:5

Li lajchabique (12) lic stacan batel li Jesuse, la xchanubtas lec batel, jech laj yalbe: “Mu me xa'ochic ta jxoluc sbe li yanlumetique. Mu me xa'ochic ta junuc lum yu'un li samariaetique.

San Mateo 11:18

Yu'un c'alal ital li Juane, muc xaxchi'inoxuc ta ve'el, ta uch'bajel. ‘Ochem pucuj ta yo'nton’, xachiic.

San Mateo 12:24

Pero c'alal laj ya'yic li fariseoetique, jech laj yalic: “Li vinic li'i, ta svu'el banquilal pucuj ta sloq'ues pucujetic ta yo'nton li cristianoetique”, xiic.

San Mateo 12:31

“Ja' yu'un chacalboxuc ava'yic, scotol li c'usi chopole, xchi'uc li boch'o chopol chc'opoj ta stojol Diose, oy to perdón. Yan li boch'o chopol chc'opoj ta stojol Ch'ul Espiritue mu'yuc xa perdón o.

San Mateo 15:7

Jlo'lavanejoxuc. Ja' ac'oplalic ti jech laj yal li j'alc'op Isaías ta vo'onee:

San Juan 1:19

Li j'abteletic yu'un judioetique la staquic batel jayibuc paleetic xchi'uc levietic ta stojol li Juane, jech c'ot sjac'beic: —¿Boch'oot li vo'ote? —xutic.

San Juan 10:20

Oy ep jech laj yalic: —Ochem pucuj ta yo'nton, yu'un liquem xchuvaj. ¿C'u yu'un chava'ibeic sc'op? —xiic.

San Juan 13:13

Li vo'oxuque, ‘Jchanubtasvanej, Cajval’, xavuticun. Lec ti jech chavalbicune, yu'un vu'un ta melel.

San Juan 4:9

Li samaria antse jech laj yalbe li Jesuse: —¿C'u yu'un ti chac'anbun vo' avuch'e? Yu'un li vo'ote judío vinicot; li vu'une samaria antsun —xut. Yu'un li judioetique mu'yuc ono'ox lec chil sbaic xchi'uc li samariaetique.

San Juan 7:20

Itac'ov scotol li epal cristianoetique: —Ochem pucuj ta avo'nton. ¿Boch'o ti tsc'an chasmilote? —xutic.

San Juan 8:22

Jech laj yalbe sbaic li j'abteletic yu'un judioetique: —¿Me yu'un ta smil sba stuc ti jech ta xale: ‘Ti bu chibate mu xu' chabatic te ec li vo'oxuque’, ti xijyututique? —xut sbaic.

San Juan 8:52

Li judioetique jech laj yalbeic li Jesuse: —Chvinaj xa ti ta melel ochem pucuj ta avo'ntone. Li Abrahame icham. Ichamic ec li yaj'alc'optac Diose. Li vo'ote chaval ti mu'yuc ta xcham li boch'otic ta xch'unic ac'ope.

Romanos 15:3

Yu'un li Cristoe mu ja'uc la spas li c'usi lec laj ya'ay stuque. Yu'un jech ts'ibabil ta sc'op Dios: “Vu'un la jcuch scotol li chopolc'optael chayac'bicot li jchopolc'optavanejetique”, xi.

Hebreos 13:13

Ja' yu'un ja' te xijbat. Ja' bat jtatic li Jesús te ta pat lume. Jcuchtic ec li vocol laj yich'e.

Santiago 2:19

Li vo'ote xu' no'ox chava'ay ti ach'unoj jun no'ox Dios oye; lec ti jech ach'unoje. Pero ja' jech xch'unojic ec li pucujetique, ja' yu'un oy xi'el cha'yic.