San Juan 8:47 - Bible in Tzotzil de Chenalhó with Deuterocanon

⁴⁷ Li boch'o xnich'on Dios ta melele lec cha'ibe sc'op li Diose. Yu'un ti mu xac'an xava'yic li vo'oxuque, yu'un mu xnich'onucoxuc Dios —x'utatic.

Tzotzil Zinacantan

⁴⁷ Ti muchꞌutic jaꞌ yichꞌojic ta mucꞌ ti Rioxe ta xchꞌunbeic li cꞌusitic chale. Ti mu xachꞌunique, yuꞌun maꞌuc avichꞌojic ta mucꞌ ti Rioxe ―xꞌutatic yuꞌun ti Jesuse.

Bible in Tzotzil de Chamula

⁴⁷ Ti buch'u ja' xnich'nabtac ti Diose, ta sts'etan sni' xchiquin ta ya'yiel ti c'u s'elan ta xal ti sc'op Diose. Ti vo'oxuque mu xac'an xats'etan ani' achiquin ta ya'yiel ti jc'ope, yu'un ma'uc xnich'naboxuc ti Diose —xi ti Jesuse.

LEQUIL ACH' C'OP

⁴⁷ Ti much'utic ja' xch'amaltac ti Rioxe, cha'iic li sc'op Rioxe; lavi ma'uc yu'unoxuc ti Rioxe, mu xa c'an xava'ibeic li c'usi chale. ―X'utatic yu'un ti Jesuse.

Tzotzil San Andres

⁴⁷ Li buchꞌutic snichꞌnabtac li Diose ta xichꞌbeic ta mucꞌ li scꞌop li Diose. Ti mu xavichꞌic ta mucꞌ li scꞌop Diose, yuꞌun maꞌuc snichꞌnaboxuc li Diose ―xꞌutatic yuꞌun li Jesuse.

Tzotzil de Huixtán

⁴⁷ Ti much'utic yu'un ti Diose ja' chch'umbeic sc'op ti Diose. Ja' yu'un ti mu xach'umbeic sc'op ti Diose yu'un mu yu'unucoxuc ti Diose ―xchi ti Jesuse.

San Juan 8:47 Iomraidhean Croise

Daniel 12:10

Ep boch'otic lecubenic, sacubenic, jun yutsilic chcomic. Li boch'otic chopol yo'ntonique ja' tspasic o batel li xchopolilique. Li boch'otic chopolique me junuc mu xa'ibeic o smelol li c'usi chc'ot ta pasele. Yan li boch'otic bijique cha'ibeic smelol.

San Juan 12:48

Li boch'o chisbajicune, ti mu xich'ic ta muc' li jc'ope, oy xa jchapanvanej yu'unic. Ja' jchapanvanej chc'ot yu'unic ta slajebal c'ac'al li jc'op laj calbe ya'yique.

San Juan 18:37

Li Pilatoe jech laj yalbe: —¿Yu'un ono'ox vo'ot ajvalilot cha'e? —xut. Itac'ov li Jesuse: —Vo'ot chloc' ta ave atuc ti vu'un ajvalilune. Ja' sventa ti tal voc'cune, xchi'uc ja' sventa ti lital li' ta banamile, yu'un tal cal li c'usi melele. Scotol li boch'otic oyic ta sventa li c'usi melele ja' ta xa'ibicun li jc'ope —xut.

San Juan 5:25

Jamal ta xcalboxuc ava'yic, vu'un li Nich'onilune, ta to sta yorail, ta melel ista xa yorail chiya'ibicun jc'op li boch'otic chamenique. Li boch'otic ta xa'yic jc'ope ta xcuxiic.

San Juan 6:65

Jech to laj yal li Jesuse: —Ja' yu'un laj calboxuc ava'yic ti mu'yuc boch'o xu' ta xtal ta jtojol me muc ja'uc ic'bil tal yu'un li Jtote —xiyutuncutic.

San Juan 8:37

Jna'oj ti vo'oxuc smomnich'onoxuc li Abrahame, pero chac'an chamilicun. Ja' ta scoj ti me jutuc mu xc'ot ta avo'ntonic li jc'ope.

San Juan 8:43

¿C'u yu'un mu xava'ibeic smelol li c'usi chacalboxuque? Ja' ti yu'un ono'ox mu xac'an xava'yic c'usi chcale.

San Juan 8:45

Li vu'une melel li c'usi chacalboxuque, ja' yu'un mu xac'an xach'unic.

1 Juan 3:10

Jech ta xvinaj boch'o xnich'nab Dios xchi'uc boch'o xnich'nab pucuj. Scotol li boch'o mu spasilanic c'usitic tuq'ue xchi'uc li boch'otic mu'yuc sc'anoj xchi'ile, mu ja'uc xnich'on Dios.

1 Juan 5:1

Scotol li boch'o ta xch'un ti ja' Cristo li Jesuse, ja' xa xnich'nab Dios. Li boch'o lec sc'anoj li Stote, lec sc'anojbe noxtoc li yantic xnich'nabe.

2 Juan 1:9

Me oy boch'o xjelov to sna' xchanubtasvan scuyoj sbae, me mu ja'uc ta xch'un jech chac c'u cha'al ichanubtasvan li Jesucristoe, mu'yuc Dios ta stojol. Yan li boch'o ja' ta xch'un c'u x'elan ichanubtasvan li Jesucristoe, ja' oy ta yo'nton li Jtotic Diose xchi'uc li Nich'onile.

3 Juan 1:11

Vo'ot ti lec jc'anojote, mu me ja'uc xachan li c'usi chopol ta pasele. Ja' chano li c'usi leque. Li boch'o lec c'usi ta spasique ja' xnich'nab Dios. Yan li boch'o chopol c'usi ta spase mu xotquin li Diose.