San Juan 8:44 - Bible in Tzotzil de Chenalhó with Deuterocanon

⁴⁴ Li vo'oxuque ja' atotic li pucuje, ja' yu'un ja' chac'an chapasic li c'usi oy ta yo'nton stuque. Yu'un li stuque jmilvanej ono'ox ta sliquebal. Mu ono'ox sc'an o li c'usi melele; mu'yuc c'usi melel oy ta yo'nton. C'alal me chal c'usi mu meleluque, yu'un ja' tspas li c'usi stalele, yu'un ja' j'epalc'op o, ja' mero sme' j'epalc'op.

Tzotzil Zinacantan

⁴⁴ Li voꞌoxuque jaꞌ atotic ti pucuje yuꞌun jaꞌ noꞌox ta avoꞌonic spasulanel li cꞌusitic tscꞌane. Ti pucuje jmilvanej onox ta spasel balamil, yech o cꞌal tana. Ti cꞌusitic ta syules ta ajolique naca maꞌuc yech, naca nopbil cꞌop. Jaꞌ totil jnopcꞌop.

Bible in Tzotzil de Chamula

⁴⁴ Yu'un ti atotique, ja' ti pucuje. Yu'un ja' yu'unoxuc. Ja' ta xapas ava'iic jech c'u cha'al ta sc'an ti stuque. Ta sliquebal ono'ox, ja' jun jmilvanej ti pucuje. Mu xac' ta venta ti bu ja' melele. Mu no'ox meleluc sna' xal. Ti buch'u naca jutbil ti c'usi ta xale, jech ta xal jech c'u cha'al ti stuque. Yu'un jutc'op ono'ox ta j'ech'el, ja' jun totil jutc'op.

LEQUIL ACH' C'OP

⁴⁴ La totic li vo'oxuque, ja' ti pucuje; yu'un ja' yu'unoxuc, ja' chapasbeic ti c'usi tsc'ane. Ti pucuje jmilvanej onox ta spasel balamil, mu ono'ox sc'an li c'usitic melele, mu ono'ox meleluc sna' xc'opoj. Ti c'alal tsnop c'ope, yu'un ja' yech tspas ti c'u ono'ox x'elan li stalele; yu'un jnop c'op, ja' totil jnopc'op.

Tzotzil San Andres

⁴⁴ Li joꞌoxuque jaꞌ atotic li pucuje. Jaꞌ noꞌox batem ta avoꞌonic chapasic li cꞌustic ta scꞌan li pucuje. Yuꞌun li stuque jmilvanej onoꞌox li cꞌalal ilic li balumile, jaꞌ jech cꞌalal tana. Mu scꞌan li cꞌusi melele yuꞌun chopol onoꞌox li yoꞌone. Stalel onoꞌox ti jutcꞌope. Jaꞌ banquilal jutcꞌop o.

Tzotzil de Huixtán

⁴⁴ Ho'oxuque ja' atotic ti pucuje. Hech oy ti avo'ntonic chapasic c'usi tsc'an ti yo'ntone. Stalel jmilvanej c'alal ti sliqueb ti balumile hech ti ora to. Mu sc'an ti c'usi melele yu'un mu'yuc c'usi melel ti yo'nton. Mi tsnop c'op, stalel ono'ox. Ja' mero jnopc'op. Ja' chac' ti chanel ti nopc'ope.

San Juan 8:44 Iomraidhean Croise

Génesis 3:15

Ta xcac' ti acontra abaic chacom o achi'uc li antse. Jech ta xcom o c'alal ta avalab anich'nab xchi'uc syal'alabtac li antse. Li syal'ole ta to xlic xvoch'bot ajol; yan li vo'ote ja' no'ox chati'be xchac yacan —xut.

1 Reyes 22:22

Itac'ov: “Chiloc' batel; vu'un chbat cac'be epalc'op ta yeic li j'alc'opetic yu'un ajvalil Acabe”, xi. Li Muc'ul Diose jech laj yal: “Lec oy, bat paso cha'e; lec xu' avu'un”, xut.

1 Crónicas 21:1

Pero li Satanase lic scontrain li israeletique, lic yac'be sna' David ti ac'o spas tsactsacvun ta stojol li xchi'iltaque.

Job 1:11

Pero me chapojbe scotol li c'usi oy yu'une, te chavil me mu xlic chopolc'opojuc ta atojol —xut.

San Mateo 12:34

¡Ja' achi'ilic orachon! ¿C'u x'elan xu' lec chac'opojic ti chopoloxuc ono'oxe? Yu'un li c'usi oy ta avo'ntonique ja' jech chloc' ta aveic.

San Mateo 13:15

Yu'un stsatsubtasoj yo'ntonic li jun lum li'i. Toj tsots ta a'yel cha'yic, smuts'oj o satic, yu'un jech mu me xilic, jech mu xa'yic ta xchiquinic, jech mu xc'ot ta yo'ntonic, jech mu sutes yo'ntonic, yu'un jech mu me xcolic o cu'un’, xi li Diose, xi ono'ox li Isaiase.

San Mateo 13:38

Li osile ja' scotol li banamile. Li bats'i trigoe ja' li xnich'nab Diose. Yan li chopol jobele ja' li xnich'nab pucuje.

San Juan 6:70

Itac'ov li Jesuse: —Vu'un la jt'ujoxuc li lajchaboxuque, pero oy jun ti ja' ventainbil yu'un pucuje —xi.

San Juan 7:17

Li boch'o tsc'an tspas c'usi tsc'an Diose, cha'ay me ja' sc'op Dios ti chcac' ta chanele, o me ja' no'ox chcal c'usi ta jc'an jtuc.

San Juan 8:38

Li vu'une ja' ta xcal li c'usi quiloj tal ta stojol Jtote. Yan li vo'oxuque ja' chapasic c'usi chaxchanubtasoxuc ec li atotique —x'utatic.

San Juan 8:41

Vo'oxuque ja' chapasbeic yabtel li atotique —xut. Itac'ovic: —Li vu'uncutique muc yol xnich'onuncuticuc jmulavil. Jun no'ox li jtotcutique, ja' li Diose —xiic.

San Juan 8:55

Pero li vo'oxuque mu xavotquinic. Li vu'une xcotquin. Me ta xcal ti mu xcotquine, j'epalc'op chic'ot ec jech chac c'u cha'al vo'oxuque. Pero ta melel xcotquin li Diose; ta jch'unbe li c'usitic chiyalbune.

Hechos 13:10

jech laj yalbe: —Li vo'ote, bats'i jlo'lavanejot, toj chopolot, xnich'onot pucuj. Ja' contra chavil li c'usi leque. Mu xacomtsan o soquesel li tuq'uil be yu'un Cajvaltique.

Hechos 24:9

Li judioetic te oyique laj yalic ti ja' melel scotol c'usi laj yal li Tertuloe.

Hechos 5:3

Li Pedroe jech laj yalbe li Ananiase: —Ananías, ¿c'u yu'un laj avac' ochuc ta avo'nton li Satanase, yu'un la'epalc'opoj ta stojol li Ch'ul Espiritue? Yu'un muc ts'acaluc laj avac' li stojol avosile.

2 Corintios 11:3

Ja' chixi' me chalo'laatic jech chac c'u cha'al ilo'laat yu'un chon li Evae, yu'un toj bij c'u x'elan ilo'lavan li chone. Jech chlic yanijuc avo'ntonic, mu xa junuc avo'ntonic ta stojol li Cristoe.

1 Pedro 5:8

Bijanic me, viq'uiluc me asatic yu'un li avajcontraique, ja' li pucuje, yu'un xjoyet no'ox jech chac c'u cha'al león ti x'avet no'ox ta sa'el li boch'o tsc'an tsti'e.

2 Pedro 2:4

Yu'un li Diose muc spasbe perdón yu'un smul li j'almantaletic ti la sa' smulic ta stojole; la sjip batel ta yutil ic'al osil. Te chucbilic o c'alal to tsta yorail chich' stojol smulic.

1 Juan 1:8

Me ta xcaltic ti mu'yuc jmultique, ta jlo'la jba jtuctic; mu'yuc to ta co'ntontic li c'usi melele.

1 Juan 2:21

Ti ta jts'ibaboxuc tal li'i, ma'uc yu'un mu to xavotquinic li c'usi melele, yu'un xavotquinic xa. Jech xana'ic ti mu xloc' epalc'op ta sventa li c'usi melele.

1 Juan 2:4

Pero me oy boch'o jech ta xal: “Vu'une xcotquin xa li Diose”, me xie, pero me mu xch'unbe smantaltaque, ja' j'epalc'op; mu'yuc ta yo'nton li c'usi melele.

1 Juan 3:12

Mu me jpastic jech chac c'u cha'al Caín ti ja' xnich'on pucuje, jech la smil li yits'ine. ¿Me xana'ic c'u yu'un ti la smil li yits'ine? Yu'un li stuque toj chopol c'usi tspas; yan li yits'ine tuc' c'usi tspas.

1 Juan 3:15

Scotol li boch'o xti'et yo'nton yu'un xchi'ile ja' jmilvanej chc'ot. Jna'ojtic ti mu xcuxi sbatel osil li jmilvaneje.

Judas 1:6

Jech noxtoc li yaj'almantaltac ti muc xich'ic ta muc' li yabtel ac'bilique, ti la scomtsanic li yavil ac'bilique, li Diose la xchuc ta ic' osil sbatel osil c'alal to tsta yorail chich'ic chapanbel smulic.

Apocalipsis 12:9

Jech ijipat o yalel tal li dragone, ja' li chon ta vo'onee, ja' li banquilal pucuje, ja' li Satanase. Ja' li boch'o tslo'la scotol cristianoetic ta sbejel banamile. J'ech'el ijipatic o yalel tal ta banamil xchi'uc li j'almantaletic yu'une.

Apocalipsis 13:14

Ta sventa li muc'tic sq'uelubiltac stsatsal i'ac'bat spas ta svu'el li ba'yuc jti'vanej bolome, jech la slo'la o li jnaclumetic ta banamile. Jech lic spas ta mantal scotol cristianoetic ta banamil ti ac'o spasbeic sloc'obal li ba'yuc jti'vanej bolom ti i'ac'bat espada ta jbej sjole, ti icha'cuxie.

Apocalipsis 2:10

Mu me xaxi'ic yu'un li vocol chtal ta atojolique. A'yo ava'yic, li pucuje ta stic'oxuc jayibuc ta chuquel, yu'un ta sq'uelboxuc avo'ntonic. Chavich'ic tsots vocol lajunebuc c'ac'al. Junuc me avo'ntonic ta jtojol ac'o me te chachamic o, jech chacac'boxuc acoronaic sventa cuxlejal sbatel osil.

Apocalipsis 21:8

Yan li me' jxi'eletique, li boch'otic mu xiyich'icun ta muq'ue, li boch'otic toj chopol c'usitic tspasique, li jmilvanejetique, li jmulaviletique, li j'ac'chameletique, li boch'otic chich'ic ta muc' c'usitic mu ja'uc Diose, xchi'uc scotol li j'epalc'opetique, ja' chjipatic ochel ta muc'ta c'oc' tsanbil ta azufre. Le'e ja' xchibal velta lajel”, xiyutun.

Apocalipsis 22:15

Yan li boch'o toj chopolique, li j'ac'chameletic jtuch'-oraetique, li jmulaviletique, li jmilvanejetique, xchi'uc li boch'otic chich'ic ta muc' c'usitic mu ja'uc Diose, xchi'uc scotol li boch'otic lec cha'yic puru epalc'ope, mu xu' ch-ochic ta lum.

Apocalipsis 9:11

Li c'ulubetique ja' ajvalil yu'unic li j'almantal to'ox ti sventainoj xabe. Ja' Abadón sbi ta hebreo c'op; Apolión sbi ta griego c'op.