San Juan 8:39 - Bible in Tzotzil de Chenalhó with Deuterocanon

³⁹ Itac'ovic: —Ja' jtotcutic li Abrahame —xiic. Li Jesuse jech laj yalbe: —Ti ja'uc atotic li Abrahame, ja' chapasic jech chac c'u cha'al la spas ti jechuque.

Tzotzil Zinacantan

³⁹ ―Jaꞌ jtoticotic ti Abraame ―xiic. ―Ti jaꞌuc atotic ti Abraame, jaꞌ chapasic chac cꞌu chaꞌal ispas ti yechuque.

Bible in Tzotzil de Chamula

³⁹ Xi tac'avique: —Ti jtotcutique, ja' ti Abrahame. Xi laj yal ti Jesuse: —Ti xnich'nabucoxuc ti Abrahame, jech ta xapasic jech c'u cha'al laj spas ti stuque.

LEQUIL ACH' C'OP

³⁹ ―Istac'beic ti Jesuse: —¡Ja' jtoticotic ti Abraame! ―Xiic. Itac'av ti Jesuse: ―Ti ta melel ja'uc xch'amaloxuc ti Abraame, ja' chapasic chac c'u cha'al ispas ti yechuque.

Tzotzil San Andres

³⁹ Itacꞌavic: ―Jaꞌ coꞌol jchꞌunojcutic jech chac cꞌu chaꞌal li jnitilulcutic Abrahame ―xiic. Li Jesuse jech laj yalbe: ―Ti jechuc achꞌunojic jech chac cꞌu chaꞌal li Abrahame, chapasic jech chac cꞌu chaꞌal la spas li Abraham ti jechuque.

Tzotzil de Huixtán

³⁹ Hech itac'avic: ―Ja' jtotutic ti Abrahame ―xchiic. Ti Jesuse hech laj yalbe: ―Ti ja'uc yelnich'onoxuc ti Abrahame, hech chapasic hech chaj c'u che'el laj spas ti Abrahame ti hechuque.

San Juan 8:39 Iomraidhean Croise

San Mateo 3:9

Mu me jechuc xanop ta avo'ntonic: ‘Ja' jmoltotic li Abrahame’, mu me xachiic. Chacalboxuc ava'yic, li Diose xu' yu'un ta sc'atajesbe ta smomnich'nab Abraham li tonetic li'i.

San Mateo 5:45

Yu'un jech ta xvinaj o ti vo'oxuc xnich'naboxuc li Jtotic Dios ta vinajele. Yu'un li Diose co'ol ta xac' q'uepuc ta stojol li boch'otic chopolique xchi'uc li boch'otic lequique. Co'ol chac'be vo' li boch'otic tuc' yo'ntonique xchi'uc li boch'otic muc tuc'uc yo'ntonique.

San Juan 8:33

Itac'ovic: —Vu'uncutic smomnich'onuncutic li Abrahame. Me junuc mu'yuc boch'o ochem ta mozoil cu'uncutic. ¿C'u yu'un jech chaval li vo'ote: ‘Jech chaloq'uic o ta mozoil’, xachi? —xutic.

San Juan 8:37

Jna'oj ti vo'oxuc smomnich'onoxuc li Abrahame, pero chac'an chamilicun. Ja' ta scoj ti me jutuc mu xc'ot ta avo'ntonic li jc'ope.

San Juan 8:43

¿C'u yu'un mu xava'ibeic smelol li c'usi chacalboxuque? Ja' ti yu'un ono'ox mu xac'an xava'yic c'usi chcale.

San Juan 8:56

Li amoltotic Abraham chavalique xcuxet no'ox yo'nton, yu'un ya'yojbun jc'oplal ti ta to xitale. Laj yil, jech xcuxet no'ox yo'nton —xi li Jesuse.

Romanos 4:12

Jech noxtoc ja' stotic chc'ot ec li boch'otic yich'ojic circuncisión me mu ja'uc no'ox spatoj yo'ntonic yu'un li circuncisión yich'ojique, me ja' jech oy xch'unojel yo'ntonic jech chac c'u cha'al li Abraham ti c'alal mu'yuc to'ox chich' circuncisione.

Romanos 4:16

Ja' yu'un li smomnich'nab Abrahame ta sventa no'ox xch'unojel yo'ntonic xu' chc'ot ta pasel chich'ic li c'usi yaloj ono'ox Diose, yu'un jech ac'o vinajuc ti ta slequil no'ox yo'nton chac' li Diose. Ma'uc no'ox xu' chich'ic li boch'otic yich'ojbeic smantaltac Diose; ja' jech xu' chich'ic ec li boch'otic jech xch'unojic jech chac c'u cha'al li Abrahame, yu'un ja' totil ic'ot cu'untic jcotoltic.

Romanos 9:7

Jech noxtoc mu scotoluc smomnich'nab Abraham ti ja' mero smomnich'nab Abraham chc'otique. Yu'un jech ono'ox i'albat yu'un Dios li Abrahame: “Li xnich'nab Isaaque ja' amomnich'nab chquil”, x'utat.

Gálatas 3:29

Ja' yu'un, me ta melel vo'oxuc yu'unoxuc xa li Cristoe, mero smomnich'naboxuc xa Abraham lac'otic o. Jech ta ono'ox xavich'ic c'usi albil yu'un Dios li Abrahame.

Gálatas 3:7

Ja' yu'un, li boch'otic jech ta xch'unic eq'ue, ja' mero smomnich'nab Abraham chc'otic.