San Juan 8:32 - Bible in Tzotzil de Chenalhó with Deuterocanon

³² Jech chavotquinic o li c'usi melele. Ta sventa li c'usi melele chaloq'uic o ta mozoil —xi li Jesuse.

Tzotzil Zinacantan

³² Mi jꞌechꞌel avichꞌojicon ta muqꞌue, chul ta ajolic ti yech li cꞌusi chcale. Mi iyul ta ajolic ti yech li cꞌusi chcale, chaloqꞌuic ta mozoil ―xꞌutatic.

Bible in Tzotzil de Chamula

³² Ta xlic avojtiquinic ti bu ja' melele, xchi'uc ta xaspojoxuc loq'uel ta mosovil ti melele.

LEQUIL ACH' C'OP

³² Chavojtiquinic li c'usi melele, li c'usi melele chaloq'uic o ta mozoil ―x'utatic.

Tzotzil San Andres

³² Jech chanaꞌic ti jaꞌ melel li cꞌusi laj cale. Ta sventa li jcꞌop ti jaꞌ melele jech chaloqꞌuic o ta jtunel ―xi li Jesuse.

Tzotzil de Huixtán

³² Chana'ic ti c'op ti ja' melele. Ti c'op ti ja' melele, ja' chayac'oxuc ti libre ―xchi.

San Juan 8:32 Iomraidhean Croise

Salmos 119:45

Jech jun co'nton chicuxi li' ta banamil, yu'un ja' ta jch'un li tojobtaseletic avu'une.

Salmos 25:5

Beiltasun batel ta spasel li c'usi melelic avu'une; chanubtasun me, yu'un vo'ot Diosot. Vo'ot Jcoltavanejot cu'un; vo'ot no'ox jpatoj co'nton o ta atojol scotol c'ac'al.

Proverbios 1:23

La' a'yo ava'yic li taq'uiel cu'une. Ta jbusanboxuc li sbijil jol co'ntone; ta xcac'boxuc ana'ic li c'usi oy ta co'ntone.

Proverbios 1:29

yu'un laj abajic li chanubtasele; muc xac'an xavich'ic ta muc' li Muc'ul Diose.

Proverbios 4:18

Yan li sbe boch'otic tuc' yo'ntonique lec sac jaman jech chac c'u cha'al chvoc' tal yibel vinajel ta jujun sobe, jech ta c'unc'un tsacub batel ja' to c'alal sac xa o lec li osile.

Isaías 2:3

Ep cristianoetic chtalic ta jujun lum jech chalic: “La'ic, muycutic batel ta vits yu'un li Muc'ul Diose; muycutic batel ta sna li Dios yu'un Jacobe, yu'un ja' te chijyac'butic quiltic li beetic yu'une, jech chlic xanovcutic ta bic'tal be yu'un”, xiic. Yu'un ja' te ta Sión ta xloc' tal li mantaletic yu'un Muc'ul Diose; te ta Jerusalén ta xlic tal li sc'ope.

Isaías 30:21

Me oy chach'ay ta be ta bats'ic'ob o ta ts'etc'obe, ta ora chava'yic oy boch'o chasc'opanoxuc ta apatic, jech chayalboxuc: “Li' xabatique, ja' li' li lequil bee”, xayutoxuc.

Isaías 35:8

Ta xlic yich' jamel lec be te ta yut, ja' “ch'ul be” sbi chc'ot. Li boch'otic oy yi'lalique mu xu' chjelovic te; mu xu' chanovic te li boch'otic bol yo'ntonique.

Isaías 54:13

Vu'un ta jchanubtas jtuc li avalab anich'nabe; lec chbatic, jun yo'nton chcom scotolic.

Isaías 61:1

Li espíritu yu'un Cajvaltic Diose li' oy ta jtojol; laj yac'bun svu'el yu'un jech voc'bil licom ta sventa yabtel. Ja' yu'un la stacun tal sventa tal calbe ya'yic lequil a'yej li boch'otic abul sbaique; la stacun tal sventa tal jcolta li boch'otic oy svocolique, sventa tal calbe ti xu' chcolic li boch'otic mozoinbilique, xchi'uc ti xu' chloq'uic ta chuquel li boch'otic ochemic ta chuquele.

Jeremías 6:16

Li Muc'ul Diose jech chalbe noxtoc li yu'untaque: “Va'ano abaic ta be, q'uelo lec avilic. Jac'o c'u x'elan li beetic ta vo'onee; jac'o ava'yic bu li tuq'uil bee. Ja' xat'unic batel, jech cux xi avo'ntonic”, xut. Pero li stuquique jech chalic: “Mu jc'an te xibatcutic”, xiic.

Oseas 6:3

Cac'tic persa yotquinel batel li Muc'ul Diose. Ta ono'ox xtal ta jtojoltic, jech chac c'u cha'al sac osil ti chtal ono'oxe. Ta ono'ox xtal ta jtojoltic, jech chac c'u cha'al vo' ti sob chyal, xchi'uc ti ts'acal chyale.

Levítico 25:41

Xu' chacoltaic batel xchi'uc yajnil xnich'nab; ac'o sutuc batel ta yosil stot sme'ic ti bu liquem sts'unubalique.

Malaquías 4:2

Yan li vo'oxuc ti avich'ojbicun ta muc' jbie, chlic xojobanuc ta atojolic li tuq'uil chapanel cu'une, jech chac c'u cha'al c'ac'al ti lec xojobane. Li xojobale yich'oj tal lec coltael ta atojolic. Li vo'oxuque xabitic no'ox ta xcuxetel avo'ntonic jech chac c'u cha'al jcot unin vacax ti xbit no'ox c'alal chloc' ta scorale.

San Mateo 11:29

Ja' cuchic li icatsil cu'une, ja' chanic c'u x'elan co'nton yu'un toj lec co'nton, biq'uit cac'oj jba. Me jech chapasique, jech cux xi avo'ntonic.

San Juan 1:14

Li C'ope la spas sba ta cristiano. La xchi'inuncutic ta naclej. Laj quilbecutic slequilal yutsilal, ja' slequilal yutsilal li jun no'ox Xnich'on Diose.

San Juan 1:17

Li smantal Diose ta sventa Moisés laj quich'tic ac'bel. Yan li c'uxubinel xchi'uc li coltael ta melele la jtatic ta sventa Jesucristo.

San Juan 14:6

Li Jesuse jech laj yal: —Vu'un li beune, vu'un li melelune, vu'un li cuxlejalune. Mu'yuc boch'o xu' chbat ta stojol Jtot ti me mu xtal ta jtojole.

San Juan 16:13

C'alal me ital li Ch'ul Espíritu ti ja' Melele, ja' chastojobtasoxuc batel ta sventa scotol li c'usi melele. Yu'un mu ja'uc ta xal c'usi tsc'an stuc; ja' ta xal li c'usitic ta x'ac'bat sna'e. Ja' ta xac'boxuc ana'ic scotol li c'usitic ta to xc'ot ta pasele.

San Juan 17:17

Lecubtaso ta sventa li c'usi melele, yu'un li ac'ope ja' melel.

San Juan 6:45

Jech ts'ibabil comel ta svunic li j'alc'opetique: ‘Scotolic ta xchanubtasatic yu'un li Diose’, xi ono'ox sc'oplal. Ja' yu'un, scotol li boch'otic cha'ibeic sc'op li Jtote, xchi'uc ti ja' tsbijubtasatic yu'une ta xtalic ta jtojol.

San Juan 7:17

Li boch'o tsc'an tspas c'usi tsc'an Diose, cha'ay me ja' sc'op Dios ti chcac' ta chanele, o me ja' no'ox chcal c'usi ta jc'an jtuc.

San Juan 8:36

Ja' yu'un me ja' ta sloq'uesoxuc ta mozoil stuc li Nich'onile, j'ech'el colem chacomic o.

Romanos 6:22

Pero li' ta orae colemoxuc xa ta mozoil ta sventa li c'usitic chopole; ja' xa yajtuneloxuc li Diose. Jech ja' xa chataic li c'usitic leque, ja' ti yantic chalecubic batele. Le'e ja' chac' acuxlejalic sventa sbatel osil.

Romanos 8:15

Yu'un ti laj avich'ic Ch'ul Espiritue ma'uc sventa chtic'van ta mozoil yu'un ac'o oyuc xi'el chava'yic yan velta jech chac c'u cha'al ta vo'onee. Laj avich'ic Espíritu sventa chac' c'otanic ta Xnich'on Dios, ja' yu'un ja' ta sventa ti “Tati” xcutic xa li Diose.

Romanos 8:2

Yu'un li mantal yu'un Espíritu ti chac' jcuxlejaltic ta sventa li Cristo Jesuse, ja' la scoltautic loq'uel ta sventa li mantal yu'un mulil xchi'uc lajele.

1 Corintios 7:22

Yu'un li boch'o tiq'uil ta mozoil c'alal i'ic'at yu'un Cajvaltique, colem xa ta sventa li Cajvaltique. Yan li boch'o mu'yuc ochem mozoil c'alal i'ic'at yu'un Cajvaltique, ja' xa ta smozo Cristo ic'ot.

Gálatas 5:1

Ja' yu'un j'ech'el me ch'unic o ti colemoxuc xae, yu'un laj xa scoltaoxuc li Cristoe. Mu me xatic' abaic ta mozoil yan velta yu'un li mantaletique.

Gálatas 5:13

Yu'un li vo'oxuque, quermanotac, la'ic'atic yu'un Dios, yu'un colem ac'o comanic o. Pero ta sventa ti colemoxuc xae, ma'uc yu'un xu' xa chapasic c'usiuc no'ox tsc'an li abec'talique. Ja' sventa ac'o acolta abaic, yu'un jech chac'anan abaic ta jujuntal.

2 Timoteo 3:7

Ja' chac' o ta yo'ntonic xchanel li c'usi ch-albatique, jech mu baq'uin xlic yotquinic o li c'usi melele.

Santiago 1:25

Yan li boch'o mu xch'ay ta yo'nton c'usi cha'ye, ti ja' te oy o ta yo'nton li lequil mantal ti ja' chac' colcutique, xchi'uc ti chch'un o li c'usi chale, xcuxet no'ox yo'nton yu'un li c'usi ta spase.

Santiago 2:12

Ja' yu'un tsc'an lec c'usi chavalic; tsc'an lec c'usi chapasic ta stojol li Diose, yu'un ja' chixchapanutic ta sventa li mantal ti laj yac' colem lijc'ote.

1 Pedro 2:16

Aq'uic ta ilel ti colemoxuc xae. Ti jech colemoxuque, mu me xanopic ti xu' xa chbat apasic c'usitic chopole. Ja' tsc'an chac'otic ta yajtunel Dios.

2 Juan 1:1

Vu'un jcholc'opun, ta jc'opanot tal achi'uc li avalabe, vo'oxuc ti t'ujbiloxuc yu'un Diose. Ta melel lec jc'anojoxuc. Ma'uc no'ox vu'un ti lec jc'anojoxuque. Ja' jech sc'anojoxuc noxtoc li boch'otic laj xa xch'unic li sc'op Dios ti ja' melele.