San Juan 8:31 - Bible in Tzotzil de Chenalhó with Deuterocanon

³¹ Li Jesuse jech laj yalbe li boch'otic la xch'unique: —Me j'ech'el chach'unic o li c'usi laj calboxuque, ta melel vo'oxuc mero jch'unolajeloxuc cu'un chac'otic.

Tzotzil Zinacantan

³¹ Ti Jesuse jaꞌ yech lic yalbe ti jchiꞌiltac ta jurioale ti muchꞌutic ixchꞌunique: ―Mi mu xavicta abaic ta xchꞌunel li cꞌusi chacalbeique, jaꞌ chvinaj o ti jꞌechꞌel avichꞌojicon ta muqꞌue.

Bible in Tzotzil de Chamula

³¹ Ti Jesuse xi laj yalbe ti israeletic ti buch'utic laj xch'unique: —Mi staoj yav avo'ntonic ta xch'unel ti c'u s'elan laj calboxuque, ta j'ech'el ja' cajchanc'opoxuc.

LEQUIL ACH' C'OP

³¹ Ti Jesuse ja' yech iyalbe ti jurioetique ti much'utic xch'unojique: ― Mi j'ech'el ach'unojic o li jc'ope, ja' chvinaj o ti ta melel vo'oxuc cajchanc'opoxuque.

Tzotzil San Andres

³¹ Li Jesuse jech laj yalbe li jchiꞌiltac ta israelal ti la schꞌunic ti jaꞌ tꞌujbil yuꞌun Dios ti chventainvane: ―Mi chachꞌunic ta jꞌechꞌel li cꞌusi laj calboxuque, jech ta xvinaj ti ta melel cuꞌunoxuque.

Tzotzil de Huixtán

³¹ Hech yu'un ti Jesuse hech laj yalbe ti jchi'iltaque, ja' ti much'u xch'unojique: ―Mi j'ech'el chavac' ti avo'ntonic ti jc'ope, mero cajchanc'opoxuc chac'otic cu'un obi.

San Juan 8:31 Iomraidhean Croise

San Mateo 24:13

Pero li boch'o ta xcuch yu'un c'alal to ta slajebe ja' ta xcol.

San Juan 1:47

C'alal laj yil Jesús ti nopol xa xtal li Natanaele, jech laj yal: —Q'uelavilic, le' xa xtal li tuq'uil vinique, ja' li mero smomnich'on Israele. Le'e mu sna' xlo'lavan —xi.

San Juan 2:2

Li Jesús xchi'uc yajchanc'optaque i'ic'atic ta sq'uelel nupinel ec.

San Juan 6:55

Yu'un li jbec'tale ja' mero lequil ve'lil ta xc'ot. Li jch'ich'ale ja' mero lequil vo' ta xc'ot.

San Juan 8:36

Ja' yu'un me ja' ta sloq'uesoxuc ta mozoil stuc li Nich'onile, j'ech'el colem chacomic o.

Hechos 13:43

C'alal laj xa spuc sbaic batel li boch'otic te tsobolique, ep judioetic xchi'uc yanlumetic ti co'ol xa xch'unojic xchi'uc judioetique la xchi'inic batel li Pablo xchi'uc Bernabee. Li Pablo xchi'uc Bernabee laj yalbeic ti j'ech'el ac'o xch'unic o ti oy c'uxubinel yu'un Diose.

Hechos 14:22

Ech' stsatsubtasbeic yo'nton li jch'unolajeletique. Laj yalbeic ti j'ech'eluc ac'o xch'unic oe. Xchi'uc laj yalbeic ti tsc'an ta jts'ictic vocol ti jech xu' chij'och yo' bu chventainvan li Diose.

Hechos 26:22

Pero la scoltaun li Diose, jech li' to staoj yav jun co'nton chcalbe ya'yic sc'oplal scotol li cristianoetique, c'alal ta muc', ta biq'uit. Muc yanuc c'usi ta jchol; ja' ta jchol li c'usitic laj yalic yaj'alc'optac Dios ta vo'onee xchi'uc c'usi laj yal li Moisese, ja' ti laj yalic oy c'usi ta xc'ot ta pasele.

Romanos 11:22

Q'uelavil, toj lec yo'nton li Diose, pero jbel c'usi chal noxtoc. Yu'un jbel c'usi laj yal ta stojol li boch'otic muc xich'ic ta muq'ue. Xchi'uc toj lec yo'nton ta atojol li vo'ote, me j'ech'el chavich'be o ta muc' li slequil yo'ntone. Yan me chlic yanijuc avo'ntone, chavich' jequel loq'uel ec.

Romanos 2:7

Li boch'o ja' tspasilanic o c'usitic leque, ti ja' no'ox oy ta yo'nton tsa'ic slequilal yutsilalique xchi'uc li c'usi mu sna' xc'a'e, ja' ch-ac'batic xcuxlejalic sventa sbatel osil.

Colosenses 1:23

Ta melel ja' jech chac'otic me staoj yav lec nacal o li avo'ntonique, me jun avo'nton ach'unojic oe, me mu x'ech' avo'ntonic o ta smalael li c'usi sc'oplal chataic ta sventa ti Lequil A'yej laj ava'yique, ja' li Lequil A'yej ti laj xa yich' cholbel scotol cristianoetic li' ta banamile. Ja' cabtel o xcholel vu'un li Pabloune.

1 Timoteo 2:15

Pero ta xcoltaatic ta sventa me tspas sbaic lec ta me'ile, me jun yo'nton j'ech'el xch'unojic oe, me chc'anvanique, xchi'uc me chac' sbaic ta ventainel yu'un Diose.

1 Timoteo 4:16

Q'uelo me aba atuc, xchi'uc q'uelo me lec ti c'u x'elan chachanubtasvane. Ja' me te oyuc o ta avo'nton scotol li c'usitic laj calbote. Me jech chapase, chacol li vo'ote xchi'uc li boch'otic ta xa'ibot ac'ope.

2 Timoteo 3:14

Pero li vo'ote ja' me tamo o batel li c'usi laj achane. Yu'un xana' lec ti ja' melele, xchi'uc xana' lec c'u x'elan li boch'o la xchanubtasote.

Hebreos 3:14

Yu'un ta jchi'in jbatic jchi'uctic Cristo me j'ech'el jun co'nton jch'unojtic o c'alal to ta slajebal c'ac'al jech chac c'u cha'al lic jch'untique.

Hebreos 8:9

Mu xa co'oluc jech chac c'u cha'al la jchapan jchi'uc li smoltot syame'ic ta vo'one ti c'alal la jloq'uesic tal ta Egipto banamile. Yu'un mu j'ech'eluc la xch'unic o li c'usi la jchapan jchi'uque, jech la jcomtsanic, muc xa jtuc'ulanic o.

Santiago 1:25

Yan li boch'o mu xch'ay ta yo'nton c'usi cha'ye, ti ja' te oy o ta yo'nton li lequil mantal ti ja' chac' colcutique, xchi'uc ti chch'un o li c'usi chale, xcuxet no'ox yo'nton yu'un li c'usi ta spase.

1 Juan 2:19

Ja' li' iliquic ta jtojoltic, pero ta melel mu ja'uc ono'ox jch'unolajeletic; ti ja'uc jch'unolajeletique, li' jchi'uctic o ti jechuque. Ti jech ic'ot ta pasele ja' svinajeb ti mu ja'uc ono'ox jch'unolajeletique.

1 Juan 2:24

Li vo'oxuque, j'ech'el me te oyuc o ta avo'ntonic li sc'op Dios laj ava'yic ta sliquebale. Me j'ech'el te oy ta avo'ntonic li sc'op Dios laj ava'yic ta sliquebale, jech j'ech'el te oy o ta atojolic ec li Nich'onile xchi'uc li Totile.

2 Juan 1:9

Me oy boch'o xjelov to sna' xchanubtasvan scuyoj sbae, me mu ja'uc ta xch'un jech chac c'u cha'al ichanubtasvan li Jesucristoe, mu'yuc Dios ta stojol. Yan li boch'o ja' ta xch'un c'u x'elan ichanubtasvan li Jesucristoe, ja' oy ta yo'nton li Jtotic Diose xchi'uc li Nich'onile.

1 Samuel 12:14

Ja' yu'un li' ta orae, oy me ta aventaic ti ac'o avich'ic ta muc' li Muc'ul Diose. A'ibeic li sc'ope; ch'unbeic li c'usi chayalboxuque. Ti jayib c'ac'al cuxuloxuc li vo'oxuque xchi'uc li ajvalil avu'unique, ja' me pasic jech chac c'u cha'al tsc'an yo'nton stuc li Muc'ul Diose, jech lec chabatic.