San Juan 8:28 - Bible in Tzotzil de Chenalhó with Deuterocanon

²⁸ Ja' yu'un jech laj yalbe yan velta: —C'alal chatoyicun muyel, vu'un li Xnich'on cristiano lic'ote, ja' to te chana'ic o ti Vu'une, xchi'uc ti mu'yuc c'usi ta jpas ta jventa jtuque, ti ja' no'ox ta jpas jech chac c'u cha'al xchanubtasojun li Jtot ti la stacun tale.

Tzotzil Zinacantan

²⁸ Ti Jesuse iyal noxtoc: ―Cꞌalal chajipanicon ta cruz voꞌon ti coꞌol crixchanootique, jaꞌto chul ta ajolic ti liquemon tal ta vinajele. Chul ta ajolic noxtoc ti muc bu ijyules ta jol jtuc ti cꞌusi lacalbeique, ti jaꞌ noꞌox lacalbeic ti cꞌusi yalojbon ti Jtote.

Bible in Tzotzil de Chamula

²⁸ Xi laj yal ti Jesuse: —C'alal ti vo'oxuc ta xajipanic ta curus ti vu'un co'ol j'elantique, ja' to ta xlic avojtiquinicun Buch'uun ta melel. Scotol ti c'usi ta xcale, ma'uc ta jol jtuc, yu'un ja' ta xcal c'u s'elan lichanubtasat yu'un ti Jtote.

LEQUIL ACH' C'OP

²⁸ Yech'o ti ja' yech i'albatic yu'un ti Jesuse: ―C'alal chatoyicon muyel vo'on ti Xch'amal crixchano li c'ote, ja' to chul o ta ajolic ti Vo'on ta melel, xch'iuc ti mu c'usi ti ta jtuc no'ox ta jpase; ja' no'ox ta xcal ti yac'ojbon quil ti Jtote.

Tzotzil San Andres

²⁸ Li Jesuse jech laj yalbe nojtoc: ―Cꞌalal chajocꞌanicun ta cruz, joꞌon li coꞌol crixchanoutique, jaꞌ to te chanaꞌic o ti joꞌon Avajcoltavanejicune. Schiꞌuc chanaꞌic ti jaꞌ noꞌox laj calboxuc li cꞌu sba yalojbun li Jtote, jaꞌ ti listac talele.

Tzotzil de Huixtán

²⁸ Hech yu'un ti Jesuse hech laj yalbe: ―C'alal chajipanun ti cruz, ho'on ti co'ol crixchanoucutique, te me chana'ic ti ho'on Jcoltavanejun avu'unique. Te me chana'ic ti ja' no'ox laj calboxuc hech chaj c'u che'el albilun yu'un ti Jtote, ja' ti laj stacun talele.

San Juan 8:28 Iomraidhean Croise

Éxodo 3:14

Itac'ov li Diose: —VU'UN TI TE ONO'OX OYUN OE. Jech xavalbe li achi'iltaque: ‘VU'UN la stacun tal ta atojolic’, uto —xi.

San Mateo 24:5

Yu'un oy ep boch'o ta xalic sbiic jech chac c'u cha'al jbi vu'un. Jech ta xalic: ‘Vu'un Cristoun’, xiic. Jech ep boch'otic ta xlajic ta lo'lael.

Marcos 13:6

Yu'un oy ep boch'otic ta xalic sbiic jech chac c'u cha'al jbi vu'un. Jech ta xalic: ‘Vu'un Cristoun’, xiic. Jech ep boch'otic ta xlajic ta lo'lael.

San Lucas 21:8

Li Jesuse jech laj yal: “Q'uelo me abaic, mu me boch'o xaslo'laoxuc. Yu'un oy ep boch'o ta xlo'lavanic ta sventa jbi. ‘Vu'un Cristoun’, xiic. Oy yan jech ta xalic: ‘Ja' xa sc'ac'alil ta xtal li Cristoe’, xiic. Pero mu me chbat achi'inic.

San Juan 11:42

Li vu'une ta jna' ti scotol c'ac'al chava'ibun jc'ope. Ti jech ta xcalbote, ja' ta scoj li epal cristianoetic li' setelique, yu'un jech ac'o xch'unic ti vo'ot laj atacun tale —xi.

San Juan 13:19

Ba'yuc chacalboxuc ava'yic ti c'alal muc to chc'ot ta pasele. Yu'un c'alal chc'ot ta pasele, jech chach'unic o ti ta melel vu'une.

San Juan 16:10

Ta xac'be sna'ic ti tuc' co'ntone, yu'un chiyic'un muyel ta stojol li Jtote. Mu'yuc xa bu chiyilicun o li' ta banamil.

San Juan 18:32

Ti jech laj yalique yu'un ja' ic'ot o ti laj ono'ox yal Jesús c'u x'elan ta xmilate.

San Juan 19:18

Te la sjoc'anic ta cruz li Jesuse. Xchi'uc oy yan chib vinic te la sjoc'anic ta cruz, jun ta jujujot xocon scruzal li Jesuse; ja' ta o'lol icom li Jesuse.

San Juan 3:11

Ta melel, jamal ta xcalbot ava'ay, li vu'uncutique ja' ta xcalcutic li c'usi jna'cutique xchi'uc li c'usi quilojcutique. Pero li vo'oxuque mu xavich'ic ta muc' li c'usi ta xcalcutique.

San Juan 3:14

A'yo ava'ay, jech chac c'u cha'al la stoy muyel ta toyol sloc'obal chon ta xocol banamil li Moisés ta vo'onee, ja' jech ta xquich' toyel muyel ec, vu'un ti Xnich'on cristiano lic'ote.

San Juan 4:26

Itac'ov li Jesuse: —Vu'un ti li' ta jc'opanote —xut.

San Juan 5:19

Li Jesuse jech laj yalbe: “Jamal chacalboxuc ava'yic, vu'un li Xnich'onun Diose mu'yuc c'usi xu' cu'un ta jpas jtuc; ja' no'ox li c'usi tspas chquil li Jtote, ja' jech ta jpas ec.

San Juan 5:30

“Li vu'une mu'yuc c'usi xu' cu'un ta jpas jtuc. Ti c'u x'elan tsc'an chichapanvan li Jtote, ja' jech ta jpas. Tuc' chapanel chcac', yu'un ma'uc ta jpas c'usi lec chca'ay jtuc; ja' ta jpas c'usi oy ta yo'nton li Jtot ti la stacun tale.

San Juan 6:38

Yu'un ti liyal tal li' ta banamile, mu ja'uc tal jpas li c'usi tsc'an co'nton jtuque. Ja' tal jpasbe c'usi tsc'an li Boch'o la stacun tale.

San Juan 8:24

Ja' yu'un laj calboxuc ti te acuchoj amul chachamique, yu'un mu xach'unic ti Vu'une, jech te acuchoj o amul chachamic —xi li Jesuse.

San Juan 8:27

Muc xa'ibeic o smelol ti ja' laj yalbe sc'oplal li Dios Totile.

San Juan 8:58

Itac'ov li Jesuse: —Jamal chacalboxuc ava'yic, c'alal mu'yuc to'ox li Abrahame, te ono'ox oyun li vu'une —xi.

Hechos 2:41

Li boch'otic la xch'unic c'usi laj yal Pedroe laj yich'ic vo'. Ta sc'ac'alil le'e i'epajic o li jch'unolajeletique; ja' oxmil (3,000) la xch'unic ta jun no'ox c'ac'al.

Hechos 4:4

Pero ep boch'otic la xch'unic ti c'alal laj ya'yic li sc'op Diose; ja' vo'mil (5,000) xa ic'ot ta scotol li viniquetique.

Romanos 1:4

Pero ivinaj ti ta melel ja' Xnich'on Diose, yu'un oy svu'el, yich'ojbe stalel Dios, xchi'uc icha'cuxi loq'uel ta smuquinal.

Deuteronomio 18:18

Ta xlic jt'ujbeic loq'uel ta stojolic jun j'alc'op jech chac c'u cha'al vo'ot. Ja' jun mero xchi'ilic ta jt'ujbeic. Ja' ta x'albatic yu'un li c'usi ta jc'an ta xcalbeique, xchi'uc ja' ta svulesbat ta sjolic li c'usi calojbeique.