San Juan 8:26 - Bible in Tzotzil de Chenalhó with Deuterocanon

²⁶ Oy ep c'usi ta xcalboxuc ox, xchi'uc ta ox xcalboxuc c'u x'elan amulic, pero ja' no'ox ta xcal c'usi ca'yoj tal ta stojol li Jtot ti la stacun tale. Li Jtote melel scotol c'usi chal —xi li Jesuse.

Tzotzil Zinacantan

²⁶ Acꞌu mi ep cꞌusi xuꞌ chacalbeic, acꞌu mi xuꞌ chcal ti oy amulique, pero mu to bu chacalbeic scotol. Jaꞌ noꞌox chacalbeic ti cꞌusi yalojbon ti Jtote, yuꞌun jaꞌ listac tal. Ti Jtote yech ti cꞌusi chale ―xꞌutatic yuꞌun ti Jesuse.

Bible in Tzotzil de Chamula

²⁶ Oy ep ti c'usi xu' ta xcalboxuque xchi'uc ta xchapaneloxuque, yu'un ti Buch'u laj stacun talele, ja' melel ti c'usi ta xale. Ti c'u s'elan ta xcalbe ya'i ti jnaclejetic ta banomile, ja' ta xcal ti c'u s'elan laj yac'bun jna' ti stuque.

LEQUIL ACH' C'OP

²⁶ Oy to'ox ep c'usi chacalbeic xchi'uc chcal ti oy ep amulique, pero ti much'u li stac tale melel li c'usi chale, ti c'usi chcalbe li crixchanoetic li' ta sba balamile ja' o'no'ox ti c'usi ca'yoj chale. ―X'utatic.

Tzotzil San Andres

²⁶ Acꞌo mi oy ep li cꞌusi xuꞌ chacalbeique, acꞌo mi oy amulic ti xuꞌ chacalbeique pero muc to bu chacalbeic. Yuꞌun jaꞌ noꞌox chacalbeic li cꞌusi albilun yuꞌun li Jtote, jaꞌ ti listac talele. Li Jtote jaꞌ melel li cꞌusi chale ―xi li Jesuse.

Tzotzil de Huixtán

²⁶ Oy to ep ac'opilal xu' chacalbeic. Oy to yan xu' chaquich'boxuc ac'opic. Ja' no'ox chacalbeic ti c'usi albilun yu'un ti Jtote ti laj stacun talele. Ti Jtote ti laj stacun talele melel ti sc'ope ―xchi ti Jesuse.

San Juan 8:26 Iomraidhean Croise

San Juan 15:15

Li vo'oxuque muc xa no'ox caj'abtelucoxuc chca'ay, yu'un li boch'o j'abtel no'oxe mu sna' c'usitic tspas li yajvale. Bats'i jchi'iloxuc xa, yu'un laj xa calboxuc ava'yic scotol li c'usitic ca'yoj tal ta stojol Jtote.

San Juan 16:12

“Oy to ep c'usi ta jc'an ta xcalboxuc, pero mu xu' avu'unic ya'yel scotol ta ora.

San Juan 17:8

Yu'un li ac'op laj avalbune, laj xa calbe ya'yic ec, jech laj yich'ic ta muc'. Laj xa yotquinic ti ta melel te liquemun tal ta atojole, xchi'uc laj xa xch'unic ti vo'ot laj atacun tale.

San Juan 18:20

Itac'ov li Jesuse: —Li vu'une lec ta satilal la jc'opan scotol li cristianoetique. Te lichanubtasvan ta nail tsobobbailetic xchi'uc ta ch'ulna yo' bu stsobobbailic scotol li judioetique. Mu'yuc bu ta mucul lichanubtasvan.

San Juan 3:11

Ta melel, jamal ta xcalbot ava'ay, li vu'uncutique ja' ta xcalcutic li c'usi jna'cutique xchi'uc li c'usi quilojcutique. Pero li vo'oxuque mu xavich'ic ta muc' li c'usi ta xcalcutique.

San Juan 7:16

Li Jesuse jech laj yalbe: —Muc vu'cun jc'op ti li' ta xcac' ta chanele. Ja' sc'op li Boch'o la stacun tale.

San Juan 7:28

Li Jesuse lic chanubtasvanuc te ta ch'ulna, tsots ic'opoj jech laj yal: —Xavotquinicun, lec xana'ic bu liquemun tal avalojic. Pero muc ta co'ntonuc jtuc ti litale. Li Boch'o la stacun tale, ja' melel li sc'ope. Pero li vo'oxuque mu xavotquinic.

San Juan 8:25

Jech la sjaq'uic yan velta: —¿Boch'oot cha'e? —xutic. Itac'ov li Jesuse: —Ja' jech chac c'u cha'al laj calboxuc ta sliquebe.

San Juan 8:27

Muc xa'ibeic o smelol ti ja' laj yalbe sc'oplal li Dios Totile.

San Juan 8:40

Li' ta orae chac'an chamilicun, vu'un li jun vinicun ti laj calboxuc ava'yic li c'usi melel ca'yoj tal ta stojol Diose. Pero li Abrahame mu jechuc la spas.

2 Corintios 1:18

Ja' tuq'uil testigo cu'uncutic li Diose. Sna'oj ti mu'yuc baq'uin xcalcutic ta atojolic “xu'” xichicutic, ti ts'acal “mu xu'” xichicutique.