San Juan 8:16 - Bible in Tzotzil de Chenalhó with Deuterocanon

¹⁶ Me chcal vu'un ti oy boch'o oy smule, yu'un melel o. Yu'un mu vu'cun no'ox chcal jtuc; ja' jech chal ec li Jtot ti la stacun tale.

Tzotzil Zinacantan

¹⁶ Mi oy muchꞌu chcalbe ti oy smule, yuꞌun onox oy smul. Mu jtucuc noꞌox chcal ti oy smule; coꞌol chcalticotic xchiꞌuc ti Jtote, yuꞌun jaꞌ listac tal.

Bible in Tzotzil de Chamula

¹⁶ Mi ta xichapanvane, ja' melel ti c'u s'elan ta xcale. Mu jtucuc no'ox ti ta xichapanvane, ja' tacbilun talel yu'un ti Jtote, xchi'inojun ta xchapanel.

LEQUIL ACH' C'OP

¹⁶ pero mi oy much'u chcalbe ti oy smule, yu'un onox oy smul ta melel, Pero ma'uc no'ox jtuc chcal ti oy smule, co'ol xa chcalticotic xchi'uc ti Jtote, ti ja' stacojon tale.

Tzotzil San Andres

¹⁶ Mi oy buchꞌu ta xcalbe ti oy smule, yuꞌun xa onoꞌox oy smul. Yuꞌun mu jtucuc noꞌox ta jnop ti oy smule; jaꞌ coꞌol ta xcalcutic jchiꞌuc li Jtote, jaꞌ ti listac talele.

Tzotzil de Huixtán

¹⁶ Mi oy c'usi ti jnope, lec ti jnop. Mu jtucuc no'ox ti jnop. Co'ol ti jnop xchi'uc ti Jtote, ja' ti laj stacun talele.

San Juan 8:16 Iomraidhean Croise

Salmos 98:9

Scotolic ac'o cuxetuc yo'ntonic ta stojol li Muc'ul Diose, yu'un ja' chtal xchapan sbejel li banamile. Lec tuc' chchapan scotol li banamile; lec co'ol chchapan scotol li jujun lume.

Salmos 99:4

Muc'ul Dios, vo'ot li muc'ul Ajvalilote, toj ech'em avu'el. Ja' chac'an li c'usitic tuq'ue; vo'ot laj avac' li c'usitic tuq'ue; lec tuc', oy lec smelol c'usi laj apas ta stojol li smomnich'nabtac Jacobe.

Isaías 9:7

Li yabtel ta muc'ta ajvalilale, xchi'uc ti chac' jun o'ntonale mu'yuc spajeb o. Ja' chlic chotluc ta xchotleb li ajvalil Davide; ja' chlic sventain scotol. J'ech'el lec nacal chcom o, tsmeltsan lec scotol; chchapan lec, tstuq'uibtas lec, jech tspas li' ta ora xchi'uc c'alal to ta sbatel osil. Ja' jech tspas ta sventa ti bats'i lec yo'nton li Muc'ul Dios ti tspas ta mantal scotol te ta vinajele.

Zacarías 9:9

Cuxetuc no'ox avo'nton, lum Sión. Cuxetuc no'ox avo'nton q'uejinan, lum Jerusalén. A'yo ava'ay, ta xa xtal li ajvalil avu'une; tuc' yo'nton, lec xu' yu'un, biq'uit chac' sba. Cajal ta unin buro ta xtal; cajal ta xtal ta jcot yol me' buro.

San Juan 16:32

A'yo ava'yic, ja' xa yorail ta xapuc abaic batel ta jujuntal. Jtuc xa chacomtsanicun. Pero mu jtucuc chicom; li' xchi'inojun li Jtotic Diose.

San Juan 8:29

Yu'un li boch'o la stacun tale, li' xchi'inojun o. Mu'yuc bu chiscomtsanun jtuc, yu'un ja' ta jpasbe scotol c'ac'al li c'usi lec chile —xi li Jesuse.

Hechos 17:31

Yu'un li Diose sa'ojbe xa jun sc'ac'alil c'usi ora ta xich'ic chapanel scotol li cristianoetic ta banamile. Tuc' ta xchapanatic ta sventa ti c'u x'elan la spasic jujunique. Ac'bil xa ta ilel li boch'o ta xchapanvane, yu'un icha'cuxesat xa loq'uel ta smuquinal yu'un li Diose”, xi li Pabloe.

Apocalipsis 19:11

Laj quil ijam li vinajele; te laj quil jcot saquil ca'. Li boch'o scajlebinoje Xc'ot chc'opoj, Melel c'usi chal, xi sbi. Tuc' chchapanvan, tuq'uil pleito tspas.

1 Samuel 16:7

Pero li Muc'ul Diose jech laj yalbe li Samuele: “Mu me ta sbauc no'ox xaq'uel c'u x'elan, xchi'uc mu me ta snatiluc xaq'uel. Le'e ma'uc t'ujbil cu'un, yu'un li vu'une mu ja'uc jech ta jq'uel jech chac c'u cha'al chaq'uelique. Yu'un li cristianoetique ja' no'ox tsq'uel ti bu lec chilique, pero li vu'une ja' ta jq'uelbe c'u x'elan yut yo'nton”, xut.