San Juan 8:12 - Bible in Tzotzil de Chenalhó with Deuterocanon

¹² Li Jesuse la sc'opan yan velta li cristianoetique, jech laj yalbe: —Vu'un luz c'otemun li' ta banamil. Li boch'o ta xtal ta jtojole mu'yuc xa ta xanov ta ic' osil. Oy xa ta sac osil sventa cuxlejal —xi.

Tzotzil Zinacantan

¹² Ti Jesuse ichanubtasvan noxtoc, jaꞌ yech lic yal: ―Li voꞌone coꞌol xchiꞌuc aluzicon yaꞌel, voꞌoxuc ti teyoxuc ta icꞌ osil yaꞌel ta scoj li mulile. Ti muchꞌutic chiyichꞌic ta muqꞌue mu xa bu ta saꞌ smulic. Jaꞌ xa tspasic li cꞌusitic leque yuꞌun voꞌon ta jcoltaic. Jaꞌ chcuxiic ta sbatel osil ―xi.

Bible in Tzotzil de Chamula

¹² Ti Jesuse xi laj no'ox yal xtoc ta stojol ti jnaclejetique: —Luzun yu'un ti jnaclejetique. Ti buch'u ta xists'aclie, oy luz yu'un ti ta x'ac'bat ti xcuxlejale. Mi ja'uc ta xanav ta ic'al osil.

LEQUIL ACH' C'OP

¹² Ti Jesuse isc'opon noxtoc ti crixchanoetique, ja' yech iyalbe chac li'i: ―Vo'on luzon li' ta balamile; ti much'u chi snap'letaone ta sta li luz scuenta cuxlejale, mu xa bu chanav o ta ic'al osil. ―Xi.

Tzotzil San Andres

¹² Li Jesuse ichanubtasvan nojtoc, jech laj yal: ―Li joꞌone coꞌol schiꞌuc xojobal cꞌocꞌun yaꞌel ta atojolic, joꞌoxuc ti oyoxuc ta icꞌal acꞌubal yaꞌel ta scoj li mulile. Li buchꞌutic chiyichꞌic ta muqꞌue ta xictaic spasel li mulile. Jaꞌ xa ta spasic li cꞌustic leque yuꞌun joꞌon ta jcoltaic, jech ta xcuxiic o sbatel osil ―xi.

Tzotzil de Huixtán

¹² Yan vuelta lic chanubtasvanuc ti Jesuse. Hech laj yalbe ya'yic: ―Ho'oni luzun avu'unic, ho'oxuc ti mozoimbiloxuc yu'un ti mulile li' ti balumile. Ti much'u chists'acliune ja' chcom yu'un ti mulile, ja' tspasilan ti c'usi leque yu'un ho'on ti jtojobtas batel hech chcuxi sbatel osil ―xchi.

San Juan 8:12 Iomraidhean Croise

Job 33:28

La spojun jech muc xibat ta ch'en, jech li' to ta jq'uel saquil osil yu'un’, xi chlic yal.

Salmos 18:28

Muc'ul Dios, Dios cu'un, vo'ot chavac'bun lec luz ta jtojol; vo'ot ta aventa ti sac osil chquile.

Salmos 49:19

pero c'alal tsta yorail ta xchame, mu'yuc xa chtal sq'uel saquil osil yan velta.

Salmos 97:11

Xojoban luz ta stojol li boch'o tuc' yo'ntone; oy xcuxetel yo'nton li boch'o lecuben xa yo'ntone.

Isaías 49:6

Jech chal: “Mu xu' o ti ja' no'ox chacom ta cajtunel sventa ta jtsob tal yan velta sts'unubal li Jacobe, sventa ta jliques yan velta ti c'u to yepal comenic sts'unubal li Israele. Ja' yu'un ta xcac' noxtoc ti vo'ot luz chac'ot ta yantic banamile, yu'un vo'ot chavich' batel c'alal to ta sti'iltac banamil li coltaele”, xiyutun.

Isaías 50:10

¿Me oy boch'o avu'unic ti tsc'an chich' ta muc' li Muc'ul Diose, xchi'uc ti tsc'an cha'ibe sc'op li Yajtunele? Li boch'o chanov to ta ic' osile, ti mu'yuc to chtal ta sac osile, ac'o yac' sba ta sc'ob li Muc'ul Diose; ja' ac'o sc'an coltael ta stojol li Dios yu'une.

Isaías 9:2

Li cristianoetic ti chanovic to'ox ta ic' osile laj xa yilic saquil osil; li boch'otic nacajtic to'ox ta ic'al osile xojoban xa luz ta stojolic.

Oseas 6:3

Cac'tic persa yotquinel batel li Muc'ul Diose. Ta ono'ox xtal ta jtojoltic, jech chac c'u cha'al sac osil ti chtal ono'oxe. Ta ono'ox xtal ta jtojoltic, jech chac c'u cha'al vo' ti sob chyal, xchi'uc ti ts'acal chyale.

Malaquías 4:2

Yan li vo'oxuc ti avich'ojbicun ta muc' jbie, chlic xojobanuc ta atojolic li tuq'uil chapanel cu'une, jech chac c'u cha'al c'ac'al ti lec xojobane. Li xojobale yich'oj tal lec coltael ta atojolic. Li vo'oxuque xabitic no'ox ta xcuxetel avo'ntonic jech chac c'u cha'al jcot unin vacax ti xbit no'ox c'alal chloc' ta scorale.

San Mateo 5:14

“Li vo'oxuque xco'laj xchi'uc luz c'otemoxuc. Jech chac c'u cha'al me oy jun muc'ta lum ta jolvitse, mu stac' naq'uel o.

San Lucas 2:32

Ja' sac osil chc'ot yu'unic ec li yanlum cristianoetique; ja' slequilalic chc'ot li ateclumal Israele”, xi li Simeone.

San Juan 12:35

Itac'ov li Jesuse: —Mu xa epuc c'ac'al li' oy ta atojolic li luze. Ja' lec xanovanic ta sac osil ti c'alal yo'to li' oy li luze, yu'un jech mu me ch'ayeluc avo'ntonic chastaoxuc li ic' osile. Yu'un li boch'o chanov ta ic' osile mu sna' bu chbat.

San Juan 12:36

Ja' yu'un c'alal li' to oy ta atojolic li luze, ch'unic me, yu'un jech xnich'onoxuc sac osil chac'otic o —xi li Jesuse. C'alal laj yal jech li Jesuse, iloc' batel; muc xa xac' sba ta ilel ta stojolic.

San Juan 12:46

Vu'un luz c'otemun li' ta banamil. Scotol li boch'o ta xch'unicune mu xanovic ta ic' osil.

San Juan 14:6

Li Jesuse jech laj yal: —Vu'un li beune, vu'un li melelune, vu'un li cuxlejalune. Mu'yuc boch'o xu' chbat ta stojol Jtot ti me mu xtal ta jtojole.

San Juan 3:19

Chbat stoj smulic yu'un ital xa li' ta banamil li luze. Pero li cristianoetique ja' la sc'anic o li ic' osile. Ja' muc sc'anic li luze, yu'un puru chopol li yabtelique.

San Juan 7:17

Li boch'o tsc'an tspas c'usi tsc'an Diose, cha'ay me ja' sc'op Dios ti chcac' ta chanele, o me ja' no'ox chcal c'usi ta jc'an jtuc.

San Juan 9:5

C'alal li' to oyun ta banamile, vu'un luz c'otemun li' ta banamil —xi.

Hechos 13:47

Yu'un jech laj yalbuncutic li Cajvaltique: ‘Laj cac' c'otan ta luz yu'un li yanlum cristianoetique, yu'un jech vo'ot ta aventa xu' chcol cristianoetic c'alal to ta sti'iltac banamil’, xiyutuncutic —xiic.

Hechos 26:23

Ja' laj yalic ti ta persa ta xich' vocol li Cristoe, xchi'uc ti ja' ba'yuc ta xcha'cuxi yu'un scotol li boch'otic chamenique, yu'un jech xu' chalbe jun ta lum israel xchi'uc yanlumetic ti oy sac osil ta sventae”, xi li Pabloe.

2 Pedro 2:17

Li jlo'lavanej jchanubtasvanejetique ja' jechic jech chac c'u cha'al nio' ti mu'yuc ya'lele, xchi'uc ja' jechic jech chac c'u cha'al toc ti cuchbil no'ox batel ta tsatsal iq'ue. Jech chapanbil xa sc'oplal ta xbatic ta yutil ic'al osil.

2 Pedro 2:4

Yu'un li Diose muc spasbe perdón yu'un smul li j'almantaletic ti la sa' smulic ta stojole; la sjip batel ta yutil ic'al osil. Te chucbilic o c'alal to tsta yorail chich' stojol smulic.

1 Juan 1:6

Me ta xcaltic ti jun xa oyutic jchi'uctic Diose, pero me te to chijxanovutic ta ic' osile, chij'epalc'opojutic, yu'un mu ja'uc ta jpasilantic li c'usi melele.

Judas 1:13

Ja' jechic jech chac c'u cha'al nab ti bats'i tsots tsyuq'uilan sbae, ti chloc' svoque. Yu'un xco'laj xchi'uc puru svoc no'ox ya'yel li c'usi tspasic ti toj q'uexlal sbae. Ja' jechic jech chac c'u cha'al c'anal ti ch'ayem xa ta sbee, jech chapal xa yu'un Dios chich'ic jipel ochel ta ic' osil sbatel osil.

Judas 1:6

Jech noxtoc li yaj'almantaltac ti muc xich'ic ta muc' li yabtel ac'bilique, ti la scomtsanic li yavil ac'bilique, li Diose la xchuc ta ic' osil sbatel osil c'alal to tsta yorail chich'ic chapanbel smulic.

Apocalipsis 21:24

Li cristianoetic ta jujun banamil ti icolic xae ja' xa te tsq'uelic o osil ta xojobal. Li ajvaliletic ta banamile chac'beic ta stojol scotol li slequilal yutsilalique.