San Juan 7:39 - Bible in Tzotzil de Chenalhó with Deuterocanon

³⁹ Le'e ja' laj yalbe sc'oplal yabtel li Ch'ul Espíritu ti sc'oplal chich'ic li boch'otic ta xch'unique. Pero mu'yuc to'ox talem li Ch'ul Espiritue, yu'un mu'yuc to muyem batel ta lequilal li Jesuse.

Tzotzil Zinacantan

³⁹ Ti xꞌelan iyale, jaꞌ iyalbe scꞌoplal ti Chꞌul Espíritue ti scꞌoplal ch-acꞌbat xchiꞌinic ti muchꞌutic ta xchꞌunic ti jaꞌ ta xlecubtasbat yoꞌonic yuꞌun ti Jesuse. Yuꞌun mi jun mu toꞌox muchꞌu acꞌbil xchiꞌin ti Chꞌul Espíritue, jaꞌ ti mu toꞌox ta sut echꞌel ta vinajel ti Jesuse.

Bible in Tzotzil de Chamula

³⁹ Ti va'i s'elan laj yal ti Jesuse, ja' ta xac' ta na'el ta xich'ic Ch'ul Espíritu ti buch'utic ta xc'ot ta yo'ntonic ta xch'unele. Mu'yuc to talem ti Ch'ul Espiritue, yu'un mu'yuc to muyem batel ta vinajel ta yich'el slequilal yutsilal ti Jesuse.

LEQUIL ACH' C'OP

³⁹ Ti x'elan iyal ti Jesuse, ja' iyalbe sc'oplal ti much'utic chch'unic ti Jesuse, ta xtal scuentainelic yu'un ti Ch'ul Espiritue; yu'un ti ch'ul Espiritue mu to'ox bu talem, ja' ti mu to'ox bu muyem ech'el ta vinajel ti Jesuse yo' bu ti slequilale.

Tzotzil San Andres

³⁹ Ti jech laj yal Jesuse, jaꞌ laj yalbe scꞌoplal yabtel li Chꞌul Espíritu li scꞌoplal onoꞌox ta xꞌacꞌbat ta yoꞌonic li buchꞌutic ta schꞌunic ti jaꞌ Yajcoltavanejic li Jesuse. Pero muc toꞌox bu talem li Chꞌul Espíritue yuꞌun muc toꞌox bu sutem batel ta vinajel li Jesuse.

Tzotzil de Huixtán

³⁹ Hech laj yal ti Jesuse yu'un laj xcholbe sc'opilal ti Ch'ul Espíritue, ti sc'opilal ch-ac'batic ti yo'ntonic ti much'utic chch'unique. Mu to talemuc ti Ch'ul Espíritue yu'un mu to tsut batel ti vinajel ti Jesuse.

San Juan 7:39 Iomraidhean Croise

Salmos 68:18

Dios, lamuy batel ta toyol, laj achuc batel li boch'otic laj atsale, laj avich' li amoton yu'un cristianoetique; c'alal ta jtoybaetic, laj yac' sbaic ta atojol, Muc'ul Dios.

Proverbios 1:23

La' a'yo ava'yic li taq'uiel cu'une. Ta jbusanboxuc li sbijil jol co'ntone; ta xcac'boxuc ana'ic li c'usi oy ta co'ntone.

Isaías 12:3

Xu' chaloq'ues avuch'ic ta xcuxetel avo'ntonic ec li vo' te ta nio' yo' bu chlic tal coltaele.

Isaías 32:15

Pero me la sta yorail ital ta jtojoltic smuc'ul stsatsal li Boch'o oy ta toyole ta xlic c'atajuc ta ts'unubaltic li xocol banamile; li ts'unubaltic ti lec ono'oxe yantic ta xlecub.

Isaías 44:3

Vu'un ta xcac' yalel tal vo' ta xocol banamil; jech noxtoc ta xcac' xanovuc tsots uc'umetic ta taqui banamil. Ta xcac' yic'al que sventa ta xcuxiic li amomnich'nabtaque; xchi'uc ta xcac'be bendición li ats'unubaltaque.

Joel 2:28

“C'alal me i'ech' scotol le'e, ta xcac' tal espíritu cu'un ta stojol scotol li cristianoetique. Jech li querem tsebetic avu'unique chlic yalic c'usi chc'ot ta pasel; li moletic avu'unique oy c'usi chlic yil ta xvayechic; li queremetic avu'unique oy c'usi chlic yil ta xch'ulelic.

San Mateo 16:14

Jech la stac'beic: —Oy ta xalic ti vo'ot Juan j'ac'vanejot ta vo'e. Oy yan ta xalic ti vo'ot Eliasote. Oy yan ta xalic ti vo'ot Jeremiasote. Oy ta xalic ti vo'ot junuc li j'alc'opetic ta vo'one —xutic.

San Mateo 21:11

Itac'ov li epal cristianoetique: —Ja' Jesús. Ja' li yaj'alc'op Dios liquem tal ta Nazaret ta Galilea banamile —xiic.

San Lucas 24:49

A'yo ava'yic, ta jtacboxuc tal li c'usi yaloj ono'ox Jtot chayac'boxuque. Ja' yu'un li' to oyanic o ta Jerusalén ja' to me laj avich'ic li avu'elic chlic tal ta toyole —x'utatic.

San Lucas 3:16

Li Juane jech laj yalbe scotol li cristianoetique: “Li vu'une ja' no'ox chacac'boxuc avich'ic vo', pero ta to xtal jun boch'o ech'em xu' yu'un jech chac c'u cha'al vu'un. Li vu'une me stitunbeluc yaq'uil xonob mu xu' cu'un. Li stuque ja' chayac'boxuc avich'ic Ch'ul Espíritu xchi'uc c'oc'.

San Lucas 7:16

Scotol li boch'otic te oyique ixi'ic; laj yalbeic slequilal Dios: —Ja' banquilal yaj'alc'op Dios ti li' oy ta jtojoltique. Ja' tal scolta steclumal li Diose —xiic.

San Juan 1:21

—¿Boch'oot cha'e? ¿Me vo'ot li Eliasote? —xutic. —Muc vu'cun —xi. —¿Me vo'ot li j'alc'opote? —xutic. —Mo'oj —xi itac'ov li Juane.

San Juan 1:25

Jech la sjac'beic noxtoc li Juane: —¿C'u yu'un chavac' ich' vo' me mu vo'ocot Cristoote, me mu vo'ocot li Eliasote, xchi'uc me mu vo'ocot li j'alc'opote? —xutic.

San Juan 1:33

Li vu'une mu to'ox xcotquin. Pero li boch'o laj yac'bun cabtel tal cac' vo'e, jech laj yalbun: ‘Li boch'o chavil ta xc'ot ta sba li Ch'ul Espiritue, ti te ta xcom o ta stojole, ja' li boch'o ta xac' li Ch'ul Espiritue’, xiyutun.

San Juan 12:16

Li yajchanc'optaque muc to'ox xa'ibeic smelol ti c'alal jech ic'ot ta pasele. Ja' to ti c'alal i'ac'at ta ich'el ta muq'ue, ja' to la sna'ic ti ja' sc'oplal ti jech ts'ibabil comel jech chac c'u cha'al ic'ot ta pasel ta stojole.

San Juan 12:23

Jech i'albatic yu'un li Jesuse: —Laj xa sta sc'ac'alil chi'ich'at ta muc', vu'un ti Xnich'on cristiano lic'ote.

San Juan 14:13

Scotol c'usiuc chac'anbeic ta jbi li Totile, vu'un ta xcac'boxuc, yu'un jech ich'bil ta muc' ac'o c'otuc ta jventa li Totile.

San Juan 14:26

Yan li Jpojvanej ta stacboxuc tal ta jventa li Jtote, ja' li Ch'ul Espiritue. Ja' ta xac'boxuc ana'ic scotol; ja' ta xchanubtasoxuc. Ja' ta svulesboxuc ta ajolic scotol li c'usi laj calboxuque.

San Juan 16:14

Ja' ta xac'un ta ich'el ta muc', yu'un ja' jc'oplal chiyalbun; vo'oxuc chayac'boxuc ana'ic.

San Juan 16:7

Pero melel li c'usi chacalboxuque: Ja' sventa alequilalic ti chibate. Yu'un me mu'yuc chibate, mu'yuc chtal ta atojolic li Jpat-o'ntonale. Pero me chibate, vu'un ta jtacboxuc tal.

San Juan 17:1

C'alal laj yal jech li Jesuse, la stoy muyel sat ta vinajel, jech laj yal: “Tati, laj xa sta sc'ac'alil, jech ac'un me ta ich'el ta muc', vu'un li Anich'onune, jech cha'ich'at ta muc' ta jventa ec.

San Juan 17:5

Ja' yu'un Tati, ac'bun xa yan velta jlequilal cutsilal te ta atojol jech chac c'u cha'al jlequilal cutsilal te ta atojol ti c'alal mu'yuc to'ox li banamile.

San Juan 20:22

C'alal laj yal jeche, la xjuch'ta, jech laj yalbe: —Ich'ic li Ch'ul Espiritue.

San Juan 6:14

C'alal laj yilic sq'uelubil stsatsal Jesús li cristianoetique, jech laj yalbe sbaic: —Ta melel ja' li j'alc'op ti sc'oplal ono'ox chtal li' ta banamile —xut sbaic.

San Juan 7:12

Li epal cristianoetique puru ja' ta slo'iltaic li Jesuse. Oy boch'otic jech laj yalic: —Toj lec yo'nton —xiic. Oy yantic jech laj yalic: —¡Mu'yuc lec; ja' no'ox tslo'la cristianoetic! —xiic.

San Juan 8:54

Itac'ov li Jesuse: —Ti vu'cun no'ox jtuc ta xcac' jba ta ich'el ta muq'ue, mu'yuc c'usi xloc' o. Pero ja' chiyac'un ta ich'el ta muc' ec li Jtote, ja' li Dios avu'un acuyojique.

Hechos 19:2

Jech la sjac'be: —¿Me laj avich'ic Ch'ul Espíritu ti c'alal laj ach'unic Cajvaltique? —xut. Itac'ovic: —Mu'yuc ca'yojcutic me oy Ch'ul Espíritu —xiic.

Hechos 2:17

‘Jech chal li Diose: C'alal po'ot xa slajebal c'ac'ale, ta xcac' Espíritu cu'un ta stojol scotol cristianoetic. Jech li querem, tsebetic avu'unique chlic c'opojicuc ta jventa. Li sva'lej aqueremique oy c'usi ta xcac'be yil ta xch'ulelic. Li moletic avu'unique oy c'usi ta xcac'be yil ta xvayechic.

Hechos 2:33

Jech noxtoc i'ic'at muyel ta vinajel te ta sbats'ic'ob Dios. Jech i'ac'bat yu'un Jtotic Dios li Ch'ul Espíritu ti yaloj ono'ox ta xaq'ue, ja' ti laj avilic laj yac' yalel tal li'i. Jech laj xa avilic, laj xa ava'yic.

Hechos 2:38

Li Pedroe jech laj yalbe: —Suteso avo'ntonic, ich'ic vo' ta jujunoxuc ta sbi Jesucristo, jech chaspasboxuc perdón yu'un amulic. Jech chavich'ic li amotonique, ja' li Ch'ul Espiritue.

Hechos 2:4

Jech scotolic inoj ta yo'ntonic li Ch'ul Espiritue, jech lic c'opojicuc ta yantic c'opetic, ja' ti c'usi c'opal i'ac'bat yalic yu'un Ch'ul Espiritue.

Hechos 3:13

Li Dios yu'un Abraham, yu'un Isaac, yu'un Jacobe, laj xa yac' ta ich'el ta muc' li Yajtunele, ja' li Jesuse. Ja' ti laj avaq'uic ta c'abal ta stojol Pilatoe. C'alal ta ox sc'an scolta li Pilatoe, li vo'oxuque muc xac'anic.

Hechos 4:31

C'alal ilaj yo'ntonic ta sc'opanel Diose, inic li na yo' bu tsobolique. Scotolic inoj ta yo'ntonic stsatsal li Ch'ul Espiritue. Jech jamal laj yalic batel li sc'op Diose; mu'yuc xi'el laj ya'yic.

Romanos 8:9

Pero li vo'oxuque mu xa ja'uc chapasic c'usi tsc'an li abec'talique; ja' xa chapasic c'usitic tsc'an Espíritu yu'un Dios me te xa nacal ta avo'ntonique. Yu'un li boch'o mu'yuc yich'oj li Espíritu yu'un Cristoe ma'uc yu'un Cristo.

2 Corintios 3:8

Buuc xa li xojobal c'usi ital ta sventa Ch'ul Espiritue, ja' to toj ech'em stsatsal.

Efesios 4:30

Mu me xavac'beic yat yo'nton li Ch'ul Espíritu yu'un Diose. Yu'un ja' senyail ac'biloxuc ti c'alal tsta sc'ac'alil coltaele.