San Juan 7:38 - Bible in Tzotzil de Chenalhó with Deuterocanon

³⁸ Li boch'o ta xch'un ti vu'un ta jcoltae ja' jech ta xc'ot ta pasel jech chac c'u cha'al ts'ibabil ta sc'op Diose: ‘Li yut yo'ntone ja' jech ta xc'ot jech chac c'u cha'al nio' ti te xcholchun o ya'lel scotol c'ac'ale’, xi ts'ibabil —xi li Jesuse.

Tzotzil Zinacantan

³⁸ Ti muchꞌutic ta xchꞌunic ti voꞌon ta jlecubtasbe li yoꞌonique, jaꞌ chcꞌot chac cꞌu chaꞌal tsꞌibabil ta scꞌop Rioxe: “Li slequil yoꞌonique coꞌol xchiꞌuc ninabvoꞌ ti tey xchꞌolchꞌon oe”, xi onox tsꞌibabil ―xi ti Jesuse.

LEQUIL ACH' C'OP

³⁸ Ti much'u ta xch'un ti vo'on tacbilon tal chac c'ucha'al chal li sc'op Rioxe, ta yut yo'one ja' yech chc'ot chac c'u cha'al ninab vo' ti tey xch'olch'on oe. ―Xi ti Jesuse.

Tzotzil San Andres

³⁸ Li buchꞌutic ta schꞌunic ti joꞌon ta jcoltaique, jech ta xcꞌot ta pasel jech chac cꞌu chaꞌal tsꞌibabil ta scꞌop li Diose: “Li slequil li yoꞌonique jaꞌ jech chac cꞌu chaꞌal li nioꞌ ti te xnixnun oe”, xi tsꞌibabil ―xi li Jesuse.

Tzotzil de Huixtán

³⁸ Yu'un scotol ti much'u chch'un ti chcoltaat cu'une, ja' ch-oq'uilan tal ti yo'nton ti yutsil yo'ntone, hech chlic xch'unic yantic uc, xchi ti sc'op ti Diose ―xchi ti Jesuse.

San Juan 7:38 Iomraidhean Croise

Proverbios 10:11

Li boch'o tuc' yo'ntone ja' jech chac c'u cha'al nio' sventa cuxlejal li c'usi chloc' ta yee; yan li boch'o chopol yo'ntone chmac ye o ta scoj li vocol tstae.

Proverbios 18:4

Li sc'op chloc' ta ye boch'o bije ja' jech chac c'u cha'al nab ti nat xchaque; ja' jech chac c'u cha'al uc'um ti tsots chanov yoque; ja' jech chac c'u cha'al nio' sventa bijubtasel.

Isaías 12:3

Xu' chaloq'ues avuch'ic ta xcuxetel avo'ntonic ec li vo' te ta nio' yo' bu chlic tal coltaele.

Isaías 35:6

Li coxoetique xbitubajic no'ox liquel jech chac c'u cha'al te'tical chij; xcuxet no'ox yo'nton tsots chlic q'uejinicuc li uma'etique. Xchi'uc ta xlic loc'anuc ya'lel li taqui-xocol banamile; ta xlic xanoanuc ya'lel li sbajbajiltaque.

Isaías 44:3

Vu'un ta xcac' yalel tal vo' ta xocol banamil; jech noxtoc ta xcac' xanovuc tsots uc'umetic ta taqui banamil. Ta xcac' yic'al que sventa ta xcuxiic li amomnich'nabtaque; xchi'uc ta xcac'be bendición li ats'unubaltaque.

Isaías 55:1

“Acotolic, vo'oxuc ti taquin avo'ntonique, la' uch'anic li vo'e; vo'oxuc ti mu'yuc ataq'uinique, la' ve'anic ta matanal; la' uch'anic ya'lel ts'usub xchi'uc ya'lel xchu' vacax, mu'yuc chatojic.

Isaías 58:11

Vu'un ta jchabioxuc, ta jtojobtasoxuc scotol c'ac'al; ac'o me te oyoxuc ta taqui banamil, vu'un ta xcac'boxuc ave'elic; ta xcac'boxuc lec stsatsal abec'tal xchi'uc abaquilic. Ja' jech chac'otic jech chac c'u cha'al ts'unubaltic ti lec chich' at'esele, jech chac c'u cha'al nio' ti mu sna' x'ul o ya'lele.

Isaías 59:21

Li Muc'ul Diose jech chal noxtoc: “Oy jun c'usi ta jchapan ta atojolic, jech chcalboxuc ta jamal: j'ech'el te chcom o ta atojolic sbatel osil li jtsatsal xchi'uc li chanubtasel cu'une. J'ech'el te chcom o ta stojol anich'nabic xchi'uc amomnich'nabic”, xi.

Zacarías 14:8

Jech noxtoc, ta sc'ac'alil le'e ta xlic t'omanuc nio'etic li' ta Jerusalén; te oy o ta yorail scomil c'ac'al xchi'uc ta snatil c'ac'al. J'o'lol chbat ta Nab Muerto; j'o'lol chbat ta Nab Mediterráneo.

San Juan 4:10

Itac'ov li Jesuse: —Ana'uc ti tsc'an chayac'bot amoton li Diose xchi'uc ti lajuc avotquin li boch'o la sc'anbot ava'al yuch'e, vo'ot laj ac'anbe ba'yuc vo' ti jechuque. Jech ja' laj yac'bot li vo' ti chac' cuxiane —xut.

San Juan 4:14

Yan li boch'otic ta xuch'ic li vo' ti vu'un ta xcac'bee mu'yuc xa ta xtaquij o yo'ntonic. Yu'un li vo' ti vu'un ta xcaq'ue ja' jech chc'ot ta yo'ntonic jech chac c'u cha'al nio' ti te chloq'uilan o sventa chcuxiic sbatel osile —xi.

Efesios 5:9

Yu'un li yabtelal sac osile ch-ayin slequil co'ntontic yu'un, chijtuq'uib yu'un, melel scotol c'usi chcaltic yu'un.

Deuteronomio 18:15

“Li Muc'ul Dios cu'untique ta to st'ujboxuc jun j'alc'op avu'unic jech chac c'u cha'al vu'un, pero ch'unbeic me li c'usi chayalboxuque.