San Juan 7:37 - Bible in Tzotzil de Chenalhó with Deuterocanon

³⁷ Ta slajeb c'op, ta mero sc'ac'alil q'uin lic va'luc li Jesuse, tsots ic'opoj, jech laj yal: —Li boch'o oy taqui-o'nal cha'ye, ac'o taluc ta jtojol; ac'o tal yuch' li vo' ta xcaq'ue.

Tzotzil Zinacantan

³⁷ Ta sbaqꞌuel qꞌuin isvaꞌan sba ta oꞌlol crixchanoetic ti Jesuse. Tsots icꞌopoj. ―Ti muchꞌutic tsaꞌ slequil yoꞌonic chac cꞌu chaꞌal tsaꞌ voꞌ yuchꞌic ti cꞌalal chtaquij xa stiꞌique, acꞌu yichꞌicon ta mucꞌ yuꞌun voꞌon ta jlecubtasbe li yoꞌonique.

Bible in Tzotzil de Chamula

^37-38 Ti slajeb xa c'ac'al yu'un ti muc' ta q'uine, ti jech c'ac'al taje, laj sva'an sba ti Jesús ti xi tsots lic c'opojuque: —Mi oy buch'u ta xa'i ti taqui ti'ile, ac'o taluc ta jtojol. Ti buch'u ta xc'ot ta yo'nton ta xiyich'un ta muq'ue, ac'o yuch' ti vo'e, yu'un xi ti ts'ibabil ta ch'ul c'ope: ‘Co'ol s'elan cuxul sat vo' ta x'ayan talel ta yo'nton.’

LEQUIL ACH' C'OP

³⁷ Ta sbaq'uel q'uine ja' xa li más tsots sc'oplale. Ti Jesuse isva'an sba, tsots ic'opoj, ja' yech iyal chac li'i: ―Ti much'u chtaquij sti'e, ac'u taluc ta jtojol ac'u yuch' li vo' ta xcaq'ue,

Tzotzil San Andres

³⁷ Ta mucꞌta qꞌuine la svaꞌan sba ta oꞌlol crixchanoetic li Jesuse. Tsots icꞌopoj, jech laj yalbe li jchiꞌiltaque: ―Li buchꞌutic ta saꞌulanic li cꞌu sba xuꞌ ta xtuqꞌuibic jech chac cꞌu chaꞌal ta saꞌulan joꞌ yuchꞌ mi chtaquij stiꞌe, acꞌo yichꞌicun ta mucꞌ. Joꞌon ta jtuqꞌuibtasbe yoꞌonic.

Tzotzil de Huixtán

³⁷ Ti slajeb q'uin ja' tsots sc'opilal. Ja' hech ora laj sva'an sba ti Jesuse. Tsots ic'opoj, hech laj yalbe ti jchi'iltaque: ―Hech chaj c'u che'el ti much'u tsa'ilan ho' yu'un chuch' yu'un taquin ti yo'ntone, ja' no'ox hech ti much'u tsa'ilan yu'un chcol sbatel osil mu sta. Ti much'u hech yo'nton tsa'ilan, ac'o taluc ti jtojol hech chcac'be xcuxlejal sventa sbatel osil.

San Juan 7:37 Iomraidhean Croise

Nehemías 8:18

Vucub c'ac'al la spasic li q'uine. Yan ta xvaxquibal c'ac'ale la spasic ch'ul tsobajel jech chac c'u cha'al chal li svunal smantal Diose. Li Esdrase jujun c'ac'al laj yapta c'usi chal li mantaletic c'alal tspasic vucub c'ac'al q'uine.

Salmos 143:6

Ta jbech jc'ob ta atojol; taquin co'nton ta atojol jech chac c'u cha'al banamil ti toj taquine.

Salmos 42:2

Toj taquin co'nton chca'ay ta stojol li Diose, ja' li j'ac'cuxlejale. ¿Baq'uin to xu' chibat, chbat jva'an jba ta stojol li Diose?

Salmos 63:1

Dios, vo'ot no'ox Diosot cu'un, tsots ac'oplal ta sa'el cu'un; taquin co'nton ta asa'el chca'ay; chajc'anot ta scotol jbec'tal. Ja' jechun jech chac c'u cha'al banamil ti taquin xae, ti mu xa c'usi chcuxi ta scoj ti mu'yuc ya'lele.

Proverbios 1:20

Li bijubtasele te xvulvun ta xoraltic, x'avet no'ox ta ch'ivit.

Proverbios 8:1

Li bijubtasele ta x'avan; li tojobtasele tsots xc'opoj.

Proverbios 8:17

Lec c'ux ta co'nton li boch'o chisc'anune; li boch'o chisa'une chistaun.

Proverbios 8:3

Te ta xc'opoj ta ti'ti' na; tsots ch-avan ta yochebal lum, jech ta xal:

Proverbios 9:3

La stac batel li squiarataque. Li bijubtasele i'avan ta toyol vits te ta lum.

Cantares 5:1

Cunin ixlal, cunin elub, li' xa oyun ta ts'unubaltic cu'une. I'och xa ta jc'ob li mirra xchi'uc muil poxiletic cu'une; laj xa jlo' li spom muc'ta pom cu'une; laj xa cuch' li ya'lel ts'usub xchi'uc li ya'lel xchu' vacaxe. Vo'oxuc ti lec jc'anojoxuque, ve'an uch'anic vo'; loq'ueso avo'ntonic ti c'u yepal chac'anique.

Isaías 12:3

Xu' chaloq'ues avuch'ic ta xcuxetel avo'ntonic ec li vo' te ta nio' yo' bu chlic tal coltaele.

Isaías 40:2

C'opanic ta yutsil avo'ntonic li Jerusalene; avananic, albeic ti its'aqui xa yu'unic li mozoinele, ti itoj xa yu'un li smulique, ti inel xa yu'unic li tsots vocol ti jeloven yepal laj cac'beic ta scoj smulique”, xi li Diose.

Isaías 40:6

Oy boch'o jech laj yal: “Avanan”, xi, Jech laj jac'be li vu'une: “¿C'usi chcal ti chi'avane?”, xcut. Jech laj yalbun: “Alo ti ja' jechic jech chac c'u cha'al ts'i'lal scotol li cristianoetique; li yutsil slequilique ja' jech chac c'u cha'al nichim.

Isaías 44:3

Vu'un ta xcac' yalel tal vo' ta xocol banamil; jech noxtoc ta xcac' xanovuc tsots uc'umetic ta taqui banamil. Ta xcac' yic'al que sventa ta xcuxiic li amomnich'nabtaque; xchi'uc ta xcac'be bendición li ats'unubaltaque.

Isaías 55:1

“Acotolic, vo'oxuc ti taquin avo'ntonique, la' uch'anic li vo'e; vo'oxuc ti mu'yuc ataq'uinique, la' ve'anic ta matanal; la' uch'anic ya'lel ts'usub xchi'uc ya'lel xchu' vacax, mu'yuc chatojic.

Isaías 55:3

A'yo ava'yic lec li c'usi chacalboxuque; la'ic ta jtojol, jech chacuxiic. Jech te chcom o ta atojolic sbatel osil li c'usi la jchapan ti jbel sc'oplal c'ux ta co'nton o li Davide.

Isaías 58:1

Jech laj yalbun noxtoc li Muc'ul Diose: “Tsots xa'avan, mu me x'ech' avo'nton; tsots xa'avan jech chac c'u cha'al oq'ues. Albo ya'yic ta jamal smulic li jteclumale; albo ta jamal ti ja' mero jbajmantaletic li smomnich'nab Jacobe.

Jeremías 16:19

Muc'ul Dios, vo'ot jtsatsalot, vo'ot jchabivanejot cu'un; vo'ot jnac'ubbailot ti c'alal oy c'usi toj xi'bal sbae. Ta xtalic ta atojol scotol li yantic cristianoetic ta jujujot sti'il banamile, jech chayalboxuc: “Ta melel epalc'op no'ox c'usi la xch'unic li jmoltotaccutique; li diosetique altic no'ox, mu'yuc c'usi stu o.

Jeremías 2:2

“Batan, bat c'opano li lum Jerusalene; tsots xac'opan yu'un jech ac'o ya'ay lec, jech xavalbe: ‘Jech chayalbot li Muc'ul Diose: Ta to jna' c'u x'elan ti c'alal tsebot to'oxe, lec to'ox tuc' avo'nton ta jtojol. C'alal laj to'ox quic'ote, lec to'ox ac'anojun; te xana'pnun batel cu'un ta xocol banamil yo' bu mu'yuc c'usi xch'ie, xayutot’, uto.

Ezequiel 47:9

Buyuc no'ox chc'ot ochuc li vo' le'e, chlic cuxiicuc li c'usitic cuxajtic ta yut nabe; chlic boluc epal choyetic ta nab ti bu chc'ot ochuc li vo'e. Yu'un li vo' le'e tslecubtas li vo'etique, jech chlic cuxiuc scotol li c'usitic oy ta yut nabe.

Levítico 23:36

Li vucub c'ac'al le'e te xachiq'uilanbicun o jmoton; vu'un li Muc'ul Diosune. Ta xvaxquibal c'ac'ale pasic jun ch'ul tsobajel sventa chavich'icun ta muc', xchi'uc chic'bicun jmoton noxtoc. Yu'un ja' yorail jun q'uin avu'unic, jech tsc'an mu boch'o spas jchopuc abtel avu'unic.

Levítico 23:39

“Ta svo'lajunebal c'ac'al yochel li svucubal u c'alal laj xa'ox atsobic sat li c'usitic ats'unojique, pasic vucub c'ac'al q'uin sventa chavich'icun ta muc'. Ta sba c'ac'al, xchi'uc ta xvaxquibal c'ac'ale cuxo no'ox avo'ntonic.

Miqueas 6:9

Li Muc'ul Diose ta x'avan tal ta stojol li lume; li boch'o ta xich' ta muq'ue ja' bij. Li Muc'ul Diose jech chal: “A'yo ava'yic c'usi chal li j'alc'ope xchi'uc li Boch'o t'ujbil yu'une:

Zacarías 9:15

Li Muc'ul Dios ti tspas ta mantal scotol te ta vinajele ta xchabi li yu'untaque, ta xpech'beic ta teq'uel sbec' xjimich'ic li j'ac'-jimich'etique. Ta xmich'ic li yajcontraique. Ta xuch'beic xch'ich'al ya'yel jech chac c'u cha'al chuch'ic ya'lel ts'usub. Ta xnoj lec xchi'uquic jech chac c'u cha'al chnoj tazaetic; ta xatinic lec jech chac c'u cha'al tsmalic ta xulub scajleb matanal.

Números 29:35

“Ta xvaxquibal c'ac'ale pasic jun ch'ul tsobajel ta jventa, me junuc mu me boch'o spas jchopuc abtel avu'unic.

San Mateo 11:28

La'ic ta jtojol acotolic, vo'oxuc ti lubenoxuc yu'un li tsatsal abtele xchi'uc li alal icatsile, vu'un ta xcac' acux avo'ntonic.

San Mateo 3:3

Ja' sc'oplal ti jech ono'ox ts'ibabil yu'un j'alc'op Isaías ta vo'onee: “Oy boch'o tsots ta x'avan ta xocol banamil: ‘Chapanbeic sbe li Cajvaltique. Tuq'uibtasbeic sbe li Dios cu'untique’, xi chlic yal”, xi ono'ox li Isaiase.

San Mateo 5:6

“Xcuxet no'ox yo'nton li boch'o jun ta vi'nal, jun ta taqui-o'nal cha'yic ti ac'o c'otuc ta pasel c'usi tsc'an yo'nton Diose, yu'un ja' ta snojesbat o xch'utic yu'un li Diose.

San Juan 1:23

Itac'ov li Juane: —Ja' vu'un jc'oplal ti chi'avan ta xocol banamil jech chac c'u cha'al laj ono'ox yal li j'alc'op Isaiase: ‘Tuq'uibtasbeic sbe li Cajvaltique’, xi chlic yal, xi ono'ox li Isaiase —xi li Juane.

San Juan 14:6

Li Jesuse jech laj yal: —Vu'un li beune, vu'un li melelune, vu'un li cuxlejalune. Mu'yuc boch'o xu' chbat ta stojol Jtot ti me mu xtal ta jtojole.

San Juan 4:10

Itac'ov li Jesuse: —Ana'uc ti tsc'an chayac'bot amoton li Diose xchi'uc ti lajuc avotquin li boch'o la sc'anbot ava'al yuch'e, vo'ot laj ac'anbe ba'yuc vo' ti jechuque. Jech ja' laj yac'bot li vo' ti chac' cuxiane —xut.

San Juan 4:11

Li antse jech laj yal: —Tata, pero mu'yuc slupubil avu'un, yu'un toj nat li pozoe. ¿Bu chata li vo' chavac'bun ti chicuxi yu'un chavale?

San Juan 4:14

Yan li boch'otic ta xuch'ic li vo' ti vu'un ta xcac'bee mu'yuc xa ta xtaquij o yo'ntonic. Yu'un li vo' ti vu'un ta xcaq'ue ja' jech chc'ot ta yo'ntonic jech chac c'u cha'al nio' ti te chloq'uilan o sventa chcuxiic sbatel osile —xi.

San Juan 5:40

Pero mu xac'an xatalic ta jtojol ti jech xu' chacuxiic o sbatel osile.

San Juan 6:35

Itac'ov li Jesuse: —Vu'un li vaj c'otemun sventa chacuxiic oe. Li boch'o ta xtalic ta jtojole, mu'yuc xa ta xa'yic o vi'nal. Li boch'otic ta xch'unicune mu'yuc xa ta xtaquij o yo'ntonic.

San Juan 6:37

Scotol ti c'u yepal tsc'an chiyac'bun ta jc'ob li Jtote ta xtalic ta jtojol. Li boch'otic ta xtalic ta jtojole mu'yuc ta jip loq'uel.

San Juan 6:55

Yu'un li jbec'tale ja' mero lequil ve'lil ta xc'ot. Li jch'ich'ale ja' mero lequil vo' ta xc'ot.

San Juan 7:28

Li Jesuse lic chanubtasvanuc te ta ch'ulna, tsots ic'opoj jech laj yal: —Xavotquinicun, lec xana'ic bu liquemun tal avalojic. Pero muc ta co'ntonuc jtuc ti litale. Li Boch'o la stacun tale, ja' melel li sc'ope. Pero li vo'oxuque mu xavotquinic.

1 Corintios 10:21

Mu xu' chavuch'beic sbel svaso Cajvaltic ti me ts'acal chbat avuch'beic sbel svaso noxtoc li pucuje. Mu xu' chave'beic c'usi oy ta xmexa Cajvaltic me ts'acal chbat ave'ic c'usi oy ta xmexa li pucujetique.

1 Corintios 10:4

Scotolic laj yuch'ic li ch'ul vo'e, yu'un laj yuch'beic ya'lel li ch'ul ch'en te xchi'uquique. Li ch'ene ja' li Cristoe.

1 Corintios 11:25

C'alal ilaj yo'ntonic ta ve'ele, la stsac noxtoc jun vaso. Ja' co'ol la spas jech chac c'u cha'al la spas ta sventa li pane. Jech laj yal: “Li sbel vaso li'i ja' sventa li c'usi ach' chapanbil ti ta sventa jch'ich'al chc'ot ta pasele. C'alal chapasilanic jujun veltae, ja' me jech xapasilanic sventa chana'ilanicun o”, xi.

1 Corintios 12:13

Yu'un c'alal laj quich'tic vo' jcotoltic ta sventa li Ch'ul Espíritu ti jun no'ox oye, jech jun no'ox jbec'taltic lic'ot jcotoltic, ac'o me judío, me yanlum, me ochem ta mozoil, me mu ochemuc ta mozoil. Jech noxtoc jun no'ox li Ch'ul Espíritu laj quich'tic jcotoltique.

Efesios 5:18

Mu me xayacubic, yu'un ja' chabolibic yu'un. Ja' ac'o nojuc ta avo'ntonic li Ch'ul Espiritue.

Apocalipsis 21:6

Jech laj yalbun noxtoc: “Ivu' xa scotol. Vu'un li sliquebune, vu'un li slajebune. Vu'un la jliques, vu'un ta jlajes. Li boch'o taquin yo'ntone, vu'un ta xcac'be yuch' li nio' sventa cuxlejale, smoton chcac'be.

Apocalipsis 22:1

Ts'acal laj yac'bun quil jun lequil uc'um; ja' vo' sventa cuxlejal. Te chloc' tal ta xchotleb li Diose xchi'uc li Ch'ium Chije. Li uc'ume sts'ayts'un jech chac c'u cha'al nen.

Apocalipsis 22:17

Li Ch'ul Espíritu xchi'uc li yajnil Ch'ium Chije jech chalic: “La' me ta ora”, xiic. Li boch'otic cha'yic li c'op li' ts'ibabile jech ac'o yalic ec: “La' me ta ora”, ac'o xiicuc. Li boch'otic taquin yo'ntonique ac'o talicuc ta stojol li Jesuse. Li boch'o tsc'ane smoton ch-ac'bat li vo' sventa cuxlejale.