San Juan 7:35 - Bible in Tzotzil de Chenalhó with Deuterocanon

³⁵ Li j'abteletic yu'un judioetique jech lic yalbe sbaic: —¿Bu ta xbat li vinic le'e ti mu xa jtatic chale? ¿Me yu'un ja' te ta xbat yo' bu spucoj sbaic batel li jchi'iltactic ta yosilal greciaetique? ¿Me yu'un ja' ta xbat xchanubtas li greciaetique?

Tzotzil Zinacantan

³⁵ ―¿Bu chbat ti yaloje ti mu xa jtatique? Yuꞌun nan jaꞌ chba sta ti jchiꞌiltactic ti batemic ta namal balamile. Yuꞌun nan jaꞌ chba xchanubtas li namal crixchanoetique.

Bible in Tzotzil de Chamula

³⁵ Xi lic sjac'be sbaic ta jujun tal ti j'abteletic yu'un ti israeletique: —¿Bu ta xbat yaloj ti ta xal ti mu xu' ta jtatic ta sa'ele? ¿Mi yu'un van ta xbat ta stojol yan israeletic ti tanijemic ta naclej xchi'uc ti jyanlumetique yo' jech ta xbat xchanubtas ti buch'utic yan yajvalique?

LEQUIL ACH' C'OP

³⁵ Ti jurioetique lic sjac'ulanbe sbaic ta jujun tal: ―¿Bu chbat yaloj li vinic li'e ti mu jtatic ta sa'ele? ¿Min van tey chbat yo' bu nacal li jurioetic ti spuquioj sbaic ech'el ta yan balamile, min van ja' chba xchanubtas li jyan lum crixchanoetique?

Tzotzil San Andres

³⁵ Li jꞌabteletic cuꞌuncutique jech lic yalulanbe sbaic: ―¿Bu chbat ti yaloj ti mu xa jtatique? ¿Mi jaꞌ nan te chbat li yoꞌ bu oy li jchiꞌiltactic li spucoj sbaic batel ta yosilal li jgreciaetique? ¿Mi jaꞌ nan chba schanubtas li jgreciaetique?

Tzotzil de Huixtán

³⁵ Hech lic lo'lajuc ti jchi'iltaque, ho'on ti co'ol judiountutic xchi'uque: ―¿Bu chbat ti mu xu' ti jtatic chale? ¿Mi yu'un chbat ti bu oy ti jchi'iltique te puquemic ti slumal greciaetique yu'un ja' chba xchanubtas ti greciaetique?

San Juan 7:35 Iomraidhean Croise

Salmos 147:2

Li Muc'ul Diose ta xcha'va'an li Jerusalene; ta stsob sutel tal yan velta li israeletic spucoj sbaic batele.

Isaías 11:10

C'alal tsta sc'ac'alil chloc' li sq'uelum Isaie, ja' jech chc'ot ta stojol jujun lum jech chac c'u cha'al bandera ti toyol muyesbile. Sa'bil yu'un scotol li cristianoetique; ti bu chnaquie, toj jun no'ox yutsil.

Isaías 11:12

Ta stoy muyel senyail ta stojol li jujun banamile, jech chac c'u cha'al c'alal chich' muyesel banderae; ta xlic stsob tal scotol li Israel ti chucbilic batel ta yan banamile; ta stsob tal scotol li Judá ti buyuc no'ox spucoj sbaic batel ta xchanjotal sti' banamile.

Isaías 49:6

Jech chal: “Mu xu' o ti ja' no'ox chacom ta cajtunel sventa ta jtsob tal yan velta sts'unubal li Jacobe, sventa ta jliques yan velta ti c'u to yepal comenic sts'unubal li Israele. Ja' yu'un ta xcac' noxtoc ti vo'ot luz chac'ot ta yantic banamile, yu'un vo'ot chavich' batel c'alal to ta sti'iltac banamil li coltaele”, xiyutun.

Isaías 56:8

Vu'un ta xcal ta jamal jtuc ti ta xcac' suticuc tal, ti ta xcac' stsob sbaic yan velta li boch'o chucbilic batel ta yantic banamile”, xi li Muc'ul Diose.

Sofonías 3:10

Ja' yu'un li jteclumal ti spucoj sbaic batel ta sjelovel to uc'umetic ta Etiopía banamile ta xlic sc'anbicun vocol, ta xlic yac'bicun jmoton.

San Mateo 12:21

Li yanlumetique ja' no'ox ta smalaic ec ti chcolic ta sventae”, xi li Diose, xi ono'ox li Isaiase.

San Lucas 2:32

Ja' sac osil chc'ot yu'unic ec li yanlum cristianoetique; ja' slequilalic chc'ot li ateclumal Israele”, xi li Simeone.

San Juan 12:20

Oy jayibuc grecia viniquetic te ta xc'otic ta q'uin ec ti c'alal chbat yich'ic ta muc' Dios ta yorail q'uin li israeletique.

San Juan 7:1

C'alal jech ic'ot ta pasele, ixanov batel ta scotol Galilea banamil li Jesuse. Muc xbat ta Judea banamil, yu'un li j'abteletic yu'un judioetique tsc'an ta smilic.

San Juan 8:22

Jech laj yalbe sbaic li j'abteletic yu'un judioetique: —¿Me yu'un ta smil sba stuc ti jech ta xale: ‘Ti bu chibate mu xu' chabatic te ec li vo'oxuque’, ti xijyututique? —xut sbaic.

Hechos 11:18

C'alal laj ya'yic c'usi laj yal li Pedroe te ipajic ta lo'il. Lic yalbeic slequilal Dios. Jech laj yalic: —Ta melel yu'un jech la sc'an Dios ti laj yac'be sutes yo'ntonic yu'un smulic ec li yanlum cristianoetic ti mu xotquinic Diose, yu'un jech xu' chcuxiic sbatel osil —xiic.

Hechos 11:20

Oy jayibuc jch'unolajeletic liquemic tal ta Chipre banamil xchi'uc ta lum Cirene te ic'otic ta Antioquía ec. Te la xchi'inic ta lo'il li yanlum cristianoetique; laj yalbe ya'yic li Lequil A'yej ta sventa Cajvaltic Jesuse.

Hechos 14:1

C'alal te oyic ta Iconio li Pablo xchi'uc Bernabee, te i'ochic ta nail tsobobbail yu'un li judioetique. Oy lec stsatsal li sc'opique, jech bats'i ep judioetic xchi'uc yanlumetic la xch'unic.

Hechos 17:4

Oy jayibuc israeletic la xch'unic Cajvaltic, jech la xchi'inic li Pablo xchi'uc Silase. Xchi'uc ep yanlum cristianoetic la xch'unic ec ti yich'ojic ono'ox ta muc' Diose. Xchi'uc ep antsetic lec ich'bilic ta muc' la xch'unic noxtoc.

Hechos 18:4

Ta jujun sc'ac'alil ta xcux yo'ntonique ibat ta nail tsobobbail li Pabloe; te la xchi'in ta lo'il li judioetique xchi'uc li yanlumetique, yu'un oy ta yo'nton chac'be sutes yo'ntonic.

Hechos 21:21

Ya'yojic ac'oplal ti mu'yuc la lec chachanubtas li jchi'iltactic ta judioal te nacalic ta yosilal yanlum cristianoetic ti mu xotquinic Diose. Ta la xavalbe ti mu persauc ta xch'unic c'usi laj yal comel li Moisese, xchi'uc ti mu persauc ta xac'beic yich' circuncisión xnich'nabique, xchi'uc ti mu persauc ta spasic jech chac c'u cha'al jtaleltic ono'oxe.

Hechos 22:21

Pero jech laj yalbun li Cajvaltique: ‘Batan me, yu'un vu'un ta jtacot batel ta nom ta stojol li yanlum cristianoetique’, xiyutun”, xi li Pabloe.

Romanos 1:16

Yu'un mu xiq'uexov ta xcholel li Lequil A'yeje, yu'un ja' stsatsal Dios. Ja' sventa chcol scotol li boch'ouc no'ox ta xch'unique. Ba'yuc ivul ta stojol li israeletique; ja'o ic'ot ta atojolic ec vo'oxuc li yanlum cristianooxuque.

Efesios 3:8

Vu'un ti xc'oxilun yu'unic li yantic yu'untac Diose, vu'un laj quich' cabtel spuquel ta stojol yanlum cristianoetic li c'uxubinel yu'un Diose ja' li Lequil A'yej ti chijyalbutic ti mu albaj c'u yepal c'uxubinel yu'un li Cristoe.

Colosenses 1:27

Yu'un jech la sc'an Dios ti laj yac' avotquinic c'u slequil, c'u yutsil c'usi ta jtatic yu'un li c'usi mu'yuc to'ox vinajem, vo'oxuc li yanlum cristianooxuque. Ja' sc'oplal li Cristo ti te xa oy ta avo'ntonique, ti ja' ta sventa chamalaic li c'usi toj jun yutsile.

1 Timoteo 2:7

Ta sventa le'e, vu'un la st'ujun ta spuquel batel, xchi'uc ta yajtacbolal. Laj yac'bun cabtel sventa ta jchanubtas li boch'otic mu ja'uc israeletique yu'un jech ac'o xch'unic, ac'o sna'ic li c'usi melele. Ja' melel li c'usi ta xcale, mu'yuc chi'epalc'opoj.

2 Timoteo 1:11

Ja' yu'un, ac'bilun cabtel ta jcholc'op, ta yajtacbolal, xchi'uc ta jchanubtasvanej ta sventa li Lequil A'yeje.

Santiago 1:1

Vu'un Santiagoun,, vu'un yajtunelun Dios xchi'uc li Cajvaltic Jesucristoe. Chabanuc chacalboxuc tal vo'oxuc li lajcha'chop sts'unubaloxuc Israel ti butic puquemoxuc batel ta yantic banamile.

1 Pedro 1:1

Vu'un Pedroun, yajtacbolalun li Jesucristoe, chabanuc chacalboxuc tal, vo'oxuc ti te puquemoxuc batel ta Ponto, ta Galacia, ta Capadocia, ta Asia, xchi'uc ta Bitinia banamile.