San Juan 7:23 - Bible in Tzotzil de Chenalhó with Deuterocanon

²³ Me xu' chavac'beic circuncisión ta sbec'tal jun olol ta sc'ac'alil ta jcux co'ntontic yu'un jech mu xabajbeic o smantal li Moisese, ¿c'u yu'un cha'ilinic cu'un ec ti la jcoltabe scotol sbec'tal jun vinic ta sc'ac'alil ta jcux co'ntontique?

Tzotzil Zinacantan

²³ Ti chavaqꞌuic circuncisión ta scꞌacꞌalil ta jcuxtique yuꞌun achꞌunojic cꞌusi yaloj ti Moisese, ¿cꞌu yuꞌun ti chopol chavilicon o ti iquetꞌesbe xchamel jun jchiꞌiltic ta scꞌacꞌalil ta jcuxtique?

Bible in Tzotzil de Chamula

²³ Ti jech tsots sc'oplal ta xava'iic ta yac'bel yich'ic circuncisión jun biq'uit querem yo' mu stselbuj avu'unic smantal ti Moisés manchuc mi sc'ac'alil ti cuxob o'ntonale, ¿c'u cha'al xti'et ajolic ta jtojol ti laj jcolesbe sjunul sbec'tal jun vinic ti oy xchamel ti ja' o sc'ac'alil ti cuxob o'ntonale?

LEQUIL ACH' C'OP

²³ Lavi une, ti chapasic ti c'usi yaloj ti Moisese, chavac'beic yich' circuncisión jun c'ox crem ac'u mi ta sc'ac'alil ta jcuxtic ¿c'u yu'un ti chopol chavilicon o ti iquet'esbe xchamel jun vinic ta sjunlej ta sc'ac'alil ta jcuxtique?

Tzotzil San Andres

²³ Ti chavaqꞌuic circuncisión ta scꞌacꞌalil ta jcuxtique yoꞌ jech mu xapꞌajbeic smantal li Moisese, ¿cꞌu chaꞌal chopol chavilicun ti la jcolta jun jchiꞌiltic li ta scꞌacꞌalil ta jcuxtique?

Tzotzil de Huixtán

²³ Lec ti hech chach'umbeic smantal ti Moisese chavaq'uic circuncisión manchuc mi ti yorail ti jcux co'ntontic. Hech yu'un ¿c'u yu'un chavilintaun yu'un ti sc'ac'alil ti jcux co'ntontic ichop cu'un scotol sbec'tal ti jun vinique?

San Juan 7:23 Iomraidhean Croise

Éxodo 31:14

Ja' tsc'an chavich'ic ta muc' li sc'ac'alil chacux avo'ntonique yu'un ja' jun c'ac'al ti ts'u'iltasbil ta aventaique. Li boch'o mu xich' ta muq'ue, ac'o yich' milel. Xchi'uc li boch'o ta spas jchopuc abtel li jun c'ac'al le'e, ac'o yich' loq'uesel ta atojolic.

San Mateo 12:10

Te oy jun vinic xmoch'oj sba jun sc'ob. Te lic sjac'beic Jesús jayibuc fariseoetic, yu'un tsq'uelic me xu' ta stabeic o smul: —¿Me xu' chijcoltavan ta sc'ac'alil ta jcux co'ntontique? —xutic.

San Mateo 12:2

Pero li fariseoetique laj yilic, jech laj yalbeic li Jesuse: —Q'uelavil li avajchanc'optaque, ta spasic c'usi mu stac' jpastic ta sc'ac'alil ta jcux co'ntontic —xutic.

San Mateo 12:5

Jech noxtoc aq'uelojic ta sc'op Dios c'usi la spasic ta ch'ulna ta sc'ac'alil ta jcux co'ntontic li paleetique, te ono'ox ta x'abtejic o, pero mu'yuc la sta smulic ti jech la spasique.

San Juan 5:10

Li j'abteletic yu'un judioetique jech laj yalbeic li vinic ti colem xae: —Li'i ja' sc'ac'alil ta jcux co'ntontic. Mu smeloluc ti chavich' batel apope —xutic.

San Juan 7:21

Itac'ov li Jesuse: —Ta scoj no'ox jun abtel la jpas ta sc'ac'alil ta jcux co'ntontic, pero toj ch'ayel ic'ot avo'ntonic o.

San Juan 9:16

Oy jayibuc fariseoetic jech laj yalic: —Muc tacbiluc tal yu'un Dios li vinic chavale, yu'un mu xchabi sc'ac'alil ta jcux co'ntontic —xutic. Oy yantic jech laj yalic: —Pero ¿c'u x'elan xu' yu'un ta spas sq'uelubil stsatsal Dios li jun jpasmulile? —xiic. Jech cha'oxvoc' ic'otic li fariseoetique.