San Juan 7:17 - Bible in Tzotzil de Chenalhó with Deuterocanon

¹⁷ Li boch'o tsc'an tspas c'usi tsc'an Diose, cha'ay me ja' sc'op Dios ti chcac' ta chanele, o me ja' no'ox chcal c'usi ta jc'an jtuc.

Tzotzil Zinacantan

¹⁷ Ti muchꞌu yoꞌonuc spas cꞌusi tscꞌan ti Rioxe, chyulesbat ta sjol mi jaꞌ scꞌop Riox ti chcale, o mi jyulesoj ta jol jtuc.

Bible in Tzotzil de Chamula

¹⁷ Mi oy buch'u oy ta yo'nton sc'an ta spas ti c'usi oy ta yo'nton ti Diose, ta xlic yil mi liquem talel ta stojol ti Diose, mi ja' no'ox ta jnop jtuc ti c'u s'elan ta xichanubtasvane.

LEQUIL ACH' C'OP

¹⁷ Ti much'u oy ta yo'on tspas ti c'usitic tsc'an ti Rioxe, cha'ibe smelol ti c'u x'elan chichanubtasvane, mi liquem tal ta stojol Riox o mi jyulesoj ta jol jtuc.

Tzotzil San Andres

¹⁷ Li buchꞌu tscꞌan tspas li cꞌusi ta scꞌan li Diose, ta xꞌacꞌbat snaꞌ mi jaꞌ scꞌop Dios li chcale, mi jcꞌop noꞌox jtuc.

Tzotzil de Huixtán

¹⁷ Ti much'u tsc'an tspas ti c'usi tsc'an yo'nton ti Diose, ch-ac'bat sna' ti bu talem ti c'op ti chcac' ti a'yele, mi sc'op ti Diose, mi jc'op jtuc ti jchole.

San Juan 7:17 Iomraidhean Croise

Salmos 119:10

Scotol co'nton chajsa'ot; mu me xavac' xcom xch'unel cu'un li mantaletic avu'une.

Salmos 25:12

Li boch'o chich' ta muc' Muc'ul Diose, ja' tstojobtasat c'usi lec beal ac'o st'uj.

Salmos 25:14

Li boch'o mero xchi'il sbaic xchi'uc Muc'ul Diose ja' li boch'o yich'oj ta muq'ue. Le'e ja' ch-ac'bat yotquin lec li c'usi chapanbil yu'un Diose.

Proverbios 28:5

Li boch'o chopolique mu xa'ibeic smelol li c'usi tuq'ue; yan li boch'o ja' ta sa'ic Muc'ul Diose lec cha'ibeic smelol scotol.

Proverbios 3:32

Yu'un li Muc'ul Diose toj chopol chil li boch'otic chopolique; yan li boch'otic tuc' yo'ntonique lec co'ol yo'ntonic xchi'uc.

Isaías 35:8

Ta xlic yich' jamel lec be te ta yut, ja' “ch'ul be” sbi chc'ot. Li boch'otic oy yi'lalique mu xu' chjelovic te; mu xu' chanovic te li boch'otic bol yo'ntonique.

Daniel 12:10

Ep boch'otic lecubenic, sacubenic, jun yutsilic chcomic. Li boch'otic chopol yo'ntonique ja' tspasic o batel li xchopolilique. Li boch'otic chopolique me junuc mu xa'ibeic o smelol li c'usi chc'ot ta pasele. Yan li boch'otic bijique cha'ibeic smelol.

Oseas 6:3

Cac'tic persa yotquinel batel li Muc'ul Diose. Ta ono'ox xtal ta jtojoltic, jech chac c'u cha'al sac osil ti chtal ono'oxe. Ta ono'ox xtal ta jtojoltic, jech chac c'u cha'al vo' ti sob chyal, xchi'uc ti ts'acal chyale.

Miqueas 4:2

Ep yantic banamil ta xtalic, jech chalic: “La'ic me, muycutic batel ta vits yu'un li Muc'ul Diose; batic ta xch'ulna li Dios yu'un Jacobe. Jech xu' chixchanubtasutic ta stamel li be yu'une, jech xu' cu'untic ta jtambetic o batel li be yu'une”, xiic. Yu'un ja' te ta vits Sión ta xloc' tal li chanubtasel yu'un Muc'ul Diose; ja' te ta Jerusalén ta xlic tal li mantal yu'une.

Malaquías 4:2

Yan li vo'oxuc ti avich'ojbicun ta muc' jbie, chlic xojobanuc ta atojolic li tuq'uil chapanel cu'une, jech chac c'u cha'al c'ac'al ti lec xojobane. Li xojobale yich'oj tal lec coltael ta atojolic. Li vo'oxuque xabitic no'ox ta xcuxetel avo'ntonic jech chac c'u cha'al jcot unin vacax ti xbit no'ox c'alal chloc' ta scorale.

San Mateo 6:22

“Li luz sventa abec'talique ja' li asatique. Me lec li asatique lec sac osil chil scotol li abec'talique.

San Lucas 8:15

Yan li bec' trigo ic'ot ta lequil banamile, ja' li boch'otic scotol yo'nton ta xch'unic sc'op Diose, ti chc'ot lec ta yo'ntonique, ti jun yo'nton chch'unic oe, jech lec ta satinic.

San Juan 3:21

Yan li boch'o ja' tsc'an tspasilanic o c'usi melele, ta xtalic ta sac osil, yu'un jech ac'o vinajuc ti ja' sventa Dios li c'usi tspasique —xi li Jesuse.

San Juan 8:43

¿C'u yu'un mu xava'ibeic smelol li c'usi chacalboxuque? Ja' ti yu'un ono'ox mu xac'an xava'yic c'usi chcale.

San Juan 8:44

Li vo'oxuque ja' atotic li pucuje, ja' yu'un ja' chac'an chapasic li c'usi oy ta yo'nton stuque. Yu'un li stuque jmilvanej ono'ox ta sliquebal. Mu ono'ox sc'an o li c'usi melele; mu'yuc c'usi melel oy ta yo'nton. C'alal me chal c'usi mu meleluque, yu'un ja' tspas li c'usi stalele, yu'un ja' j'epalc'op o, ja' mero sme' j'epalc'op.

San Juan 8:47

Li boch'o xnich'on Dios ta melele lec cha'ibe sc'op li Diose. Yu'un ti mu xac'an xava'yic li vo'oxuque, yu'un mu xnich'onucoxuc Dios —x'utatic.

Hechos 17:11

Li israeletic te ta Bereae ja' lec yo'ntonic. Mu jechuc yo'ntonic jech chac c'u cha'al li israeletic ta Tesalonicae. Yu'un ta scotol yo'ntonic laj ya'ibeic sc'op li Pabloe. Scotol c'ac'al la sq'uelic li sc'op Diose, yu'un tsq'uelic me xco'laj xchi'uc c'usi ta xchol li Pabloe.