San Juan 6:57 - Bible in Tzotzil de Chenalhó with Deuterocanon

⁵⁷ Li Jtot ti la stacun tale cuxul o sbatel osil. Jech ec li vu'une cuxulun o sbatel osil ta sventa li Jtote. Ja' no'ox jech ec li boch'otic ta sve'une, ta xcuxiic o sbatel osil ta jventa.

Tzotzil Zinacantan

⁵⁷ Ti Jtot ti listac tale cuxul ta sbatel osil. Jaꞌ noꞌox yech cuxulon yuꞌun ta sbatel osil uc. Jaꞌ noꞌox yech ti muchꞌutic chislajesique, voꞌon chcacꞌ cuxlicuc ta sbatel osil uc.

Bible in Tzotzil de Chamula

⁵⁷ Yu'un cuxul ti Totil ti Buch'u laj stacun talele, cuxulun ta stojol ec. Ti buch'u ta smalq'uin sba ta jtojole, ta xcuxi ta jventa.

LEQUIL ACH' C'OP

⁵⁷ Ti Jtot ti listac tale cuxul, li vo'one cuxulon ta scuenta ti Jtote, ja' no'ox yech ti much'u chi sve'e, ja' ta jcuenta ti ta xcuxie.

Tzotzil San Andres

⁵⁷ Li Jtot ti listac talele cuxul o sbatel osil. Jaꞌ noꞌox jechun eꞌuc, cuxulun o sbatel osil ta sventa li Jtote. Jaꞌ noꞌox jechic eꞌuc li buchꞌutic chislajesique, ta jventa joꞌon ta xcuxiic o sbatel osil.

Tzotzil de Huixtán

⁵⁷ Ti Jtote ti laj stacun talele, ja' stalel cuxul sbatel osil. Ho'oni ja' cuxulun sbatel osil ti sventa ti Jtote. Ja' no'ox hech uc ti much'u chisve'une ho'on ti jventa ti cuxul sbatel osile.

San Juan 6:57 Iomraidhean Croise

Salmos 18:46

Toj lec li Muc'ul Diose. Ich'biluc ta muc' yu'un ja' jnac'ubbail. Ac'o muq'uibuc sc'oplal li Diose, ja' li jcoltavanej cu'une.

Jeremías 10:10

Yan li Muc'ul Diose ja' bats'i Dios o ta melel. Li stuque ja' bats'i cuxul Dios o; ja' Ajvalil ta sbatel osil. C'alal ta x'iline, ta xnic banamil yu'un; li jujun banamile mu xcuch yu'unic li sc'ac'al yo'ntone.

San Mateo 16:16

Itac'ov li Simón Pedroe: —Vo'ot Cristoot, Vo'ot Xnich'onot li cuxul Diose —xut.

San Juan 14:19

Mu xa jaluc li' oyun. Li cristianoetic li' ta banamile mu'yuc xa bu chiyilicun o. Pero li vo'oxuque ta to xavilicun, yu'un li vu'une cuxulun o; ja' no'ox jech chacuxiic ec li vo'oxuque.

San Juan 14:6

Li Jesuse jech laj yal: —Vu'un li beune, vu'un li melelune, vu'un li cuxlejalune. Mu'yuc boch'o xu' chbat ta stojol Jtot ti me mu xtal ta jtojole.

San Juan 17:21

Yu'un jech jun no'ox ac'o c'oticuc ta scotolic, jech chac c'u cha'al jun no'ox oyutic li vu'utique. Jech noxtoc jun no'ox ac'o c'oticuc ta jtojoltic, jech ta xch'unic o scotol cristianoetic ti vo'ot laj atacun tale.

San Juan 3:17

Ti la stac tal li' ta banamil Xnich'on li Diose, mu yu'unuc tal yac'be stoj smul li cristianoetique. Ja' tal scolta.

San Juan 5:26

Jech chac c'u cha'al oy cuxlejal sbatel osil ta stojol li Jtote; ja' no'ox jech yac'ojbun cuxlejal sbatel osil ta jventa ec.

San Juan 6:29

Itac'ov li Jesuse: —Li yabtel Dios tsc'an chapasique, ja' ti ac'o ach'unic li boch'o tacbil tal yu'une —xut.

San Juan 6:38

Yu'un ti liyal tal li' ta banamile, mu ja'uc tal jpas li c'usi tsc'an co'nton jtuque. Ja' tal jpasbe c'usi tsc'an li Boch'o la stacun tale.

1 Corintios 15:22

Jech chac c'u cha'al ta sventa Adán chijchamutic jcotoltique; ja' jech ta sventa Cristo chijcha'cuxiutic jcotoltic.

1 Corintios 15:45

Jech ts'ibabil ta sc'op Dios: “Li sba vinic Adane ac'bil no'ox xch'ulel, jech icuxi”. Yan li slajeb Adane cuxul o; ja' chac' cuxlejal noxtoc.

2 Corintios 13:4

Ta melel mu'yuc stsatsal ti c'alal ijoc'anat ta cruze, pero tana cuxul ta sventa svu'el li Diose. Ja' no'ox jech ec li vu'uncutique mu'yuc jtsatsal chi'ilatcutic, pero ta sventa ti jun c'otemuncutic xchi'uque, co'ol cuxuluncutic ta sventa svu'el Dios ta atojolic.

Gálatas 2:20

Ja' yu'un co'ol lijoc'anat ta cruz jchi'uc Cristo ic'ot. Jech muc xa vu'ucun ti li' cuxulune. Ja' xa Cristo li' cuxul ta jtojol. Li jcuxlejal li' quich'oj ta jbec'tal ta orae, cuxul ta sventa xch'unojel co'nton ta stojol li Xnich'on Diose, ja' li Boch'o ep la sc'anune, ti laj yac' sba ta milel ta jcoje.

1 Tesalonicenses 1:9

Yu'un stuquic xa chalic c'u x'elan laj avich'uncutic ta muc' ti c'alal lic'otcutic te ta atojolique, xchi'uc ti laj acomtsanic yich'el ta muc' li c'usitic cuybilic ta diose, ti ja' latalic ta stojol li bats'i cuxul Diose, ti ja' xa chatunic yu'une.

Hebreos 9:14

Buuc xa li xch'ich'al Cristoe, j'ech'el la spocbutic o loq'uel ta jol ta co'ntontic li c'usi mu'yuc stu la jpastique, yu'un jech ja' xa chlic tuncutic yu'un li cuxul Diose. Yu'un li stuque mu'yuc smul ta stojol li Diose. Stuc laj yac' sba ta smoton Dios ta jventatic sventa sbatel osil ta sventa li Ch'ul Espiritue.

1 Juan 4:9

Li Diose laj yac' quiltic ti ep sc'anojutique, yu'un la stac tal li' ta banamil li jun no'ox Xnich'one, yu'un jech xu' ta jtatic jcuxlejaltic ta sventa.