San Juan 6:45 - Bible in Tzotzil de Chenalhó with Deuterocanon

⁴⁵ Jech ts'ibabil comel ta svunic li j'alc'opetique: ‘Scotolic ta xchanubtasatic yu'un li Diose’, xi ono'ox sc'oplal. Ja' yu'un, scotol li boch'otic cha'ibeic sc'op li Jtote, xchi'uc ti ja' tsbijubtasatic yu'une ta xtalic ta jtojol.

Tzotzil Zinacantan

⁴⁵ Ti yajꞌalcꞌoptac Riox ti ta voꞌnee stsꞌibaojic onox chac liꞌi: “Scotolic ta xyulesbat ta sjolic yuꞌun ti Rioxe ti muchꞌu li Jtojmulile”, xi onox tsꞌibabil. Yechꞌo un ti muchꞌutic ta xchꞌunic ti cꞌalal chyulesbat ta sjolic yuꞌun ti Jtote, chiyichꞌic ta mucꞌ.

Bible in Tzotzil de Chamula

⁴⁵ Yu'un xi ta xal ti ts'ibabil ta spocol-poc vunetic yu'un ti j'alc'opetique: ‘Scotolic ta xtojobtasatic ta xchanubtasatic yu'un ti Diose.’ Scotol ti buch'utic ta xa'ibeic sc'opojel ti Jtote xchi'uc ti ta xchanbeic ti yo'ntone, ta xtalic ta jtojol un.

LEQUIL ACH' C'OP

⁴⁵ Ta svun ti j'alc'opetique ja' yech chal chac li'i: “Ta xchanubtasatic yu'un ti Rioxe.” —Xi. Yech'o un ti much'utic cha'iic ti c'usi chal ti Jtote, mi cha'ibeic lec smelol ti c'usi ta x'albatique, ta xtalic ta jtojol.

Tzotzil San Andres

⁴⁵ Jech la stsꞌibaic comel li buchꞌutic iyalic scꞌop Dios ta voꞌonee: “Scotolic ch‐acꞌbat snaꞌic yuꞌun Dios ti buchꞌu ta xcoltavane”, xi onoꞌox tsꞌibabil. Jech scotol buchꞌutic tscꞌan tsnaꞌique, jaꞌ ta xꞌacꞌbat spꞌijilic yuꞌun li Jtote jech chiyichꞌic ta mucꞌ.

Tzotzil de Huixtán

⁴⁵ Hech ts'ibabil comel ti sun ti j'alc'opetic yu'un ti Diose: “Scotolic chp'ijubtasat yu'un ti Diose”, ti xchie. Hech yu'un scotol ti much'u laj xa yac' ti yo'ntonic ti sc'op ti Jtote, ja' p'ijubenic xae, hech yu'un chtalic ti jtojol.

San Juan 6:45 Iomraidhean Croise

Isaías 2:3

Ep cristianoetic chtalic ta jujun lum jech chalic: “La'ic, muycutic batel ta vits yu'un li Muc'ul Diose; muycutic batel ta sna li Dios yu'un Jacobe, yu'un ja' te chijyac'butic quiltic li beetic yu'une, jech chlic xanovcutic ta bic'tal be yu'un”, xiic. Yu'un ja' te ta Sión ta xloc' tal li mantaletic yu'un Muc'ul Diose; te ta Jerusalén ta xlic tal li sc'ope.

Isaías 54:13

Vu'un ta jchanubtas jtuc li avalab anich'nabe; lec chbatic, jun yo'nton chcom scotolic.

Miqueas 4:2

Ep yantic banamil ta xtalic, jech chalic: “La'ic me, muycutic batel ta vits yu'un li Muc'ul Diose; batic ta xch'ulna li Dios yu'un Jacobe. Jech xu' chixchanubtasutic ta stamel li be yu'une, jech xu' cu'untic ta jtambetic o batel li be yu'une”, xiic. Yu'un ja' te ta vits Sión ta xloc' tal li chanubtasel yu'un Muc'ul Diose; ja' te ta Jerusalén ta xlic tal li mantal yu'une.

San Mateo 11:27

Jech lic yal yan velta li Jesuse: “Scotol li c'usitic oye, yac'ojbun ta jc'ob li Jtote. Mu'yuc boch'o yan sna'be c'u x'elan yo'nton li Nich'onile, ja' no'ox sna' stuc li Totile. Ja' no'ox jech ec li Totile, mu'yuc yan boch'o sna'be c'u x'elan yo'nton, ja' no'ox sna' li Nich'onile, xchi'uc ja' no'ox tsna'ic ec li boch'otic ta x'ac'bat sna'ic yu'un li Nich'onile.

San Mateo 17:5

C'alal ja'o chlo'ilaj li Pedroe, ital jvol toc, oy xojobal; te macbil ic'otic. Te laj ya'yic c'op ta yut toc, jech laj yal: “Li'i ja' jnich'on, lec jc'anoj. Lec jpatoj co'nton yu'un. A'ibeic sc'op”,, xi.

Marcos 1:2

Jech chac c'u cha'al ts'ibabil ta svun li j'alc'op Isaías ta vo'onee: “A'yo ava'ay, ba'yuc ta xjelov avu'un li j'almantal ta jtac batele, ja' ta sjambot batel abe.

San Lucas 1:70

Jech chac c'u cha'al laj ono'ox yal Dios c'alal la xch'amanbe ye ch'ul j'alc'opetic yu'un ta vo'one,

San Lucas 18:31

Li Jesuse slecoj laj yic' loq'uel li yajchanc'optaque, jech laj yalbe: “Q'uelavilic, chijbat xa ta Jerusalén. Vu'un ti Xnich'on cristiano lic'ote, ja' te chc'ot ta pasel scotol li jc'oplal la sts'ibaic comel yaj'alc'optac Dios ta vo'onee.

San Juan 10:27

Li jchijtaque cha'ibicun li jc'ope xchi'uc xcotquinan, jech chists'aclinicun batel.

San Juan 6:37

Scotol ti c'u yepal tsc'an chiyac'bun ta jc'ob li Jtote ta xtalic ta jtojol. Li boch'otic ta xtalic ta jtojole mu'yuc ta jip loq'uel.

San Juan 6:65

Jech to laj yal li Jesuse: —Ja' yu'un laj calboxuc ava'yic ti mu'yuc boch'o xu' ta xtal ta jtojol me muc ja'uc ic'bil tal yu'un li Jtote —xiyutuncutic.

Hechos 13:40

Ja' yu'un q'uelo me abaic; mu me vo'ocoxuc xc'ot ta atojolic ti jech la sts'ibaic comel li j'alc'opetic ta vo'onee:

Hechos 7:42

Jech la svoc' sba batel ta stojolic li Diose. Ja' i'ac'bat yich'ic o ta muc' li c'usitic xojoban ta vinajele jech chac c'u cha'al ts'ibabil ono'ox ta svun li j'alc'opetic ta vo'onee: ‘Israeletic, ¿me oy laj avac'bicun milbil matanal xchi'uc yantic matanal ti c'alal te oyoxuc ta xocol banamil cha'vinic (40) jabile?

Efesios 1:17

Yu'un jech ac'o yac'boxuc abijilic li Dios yu'un Cajvaltic Jesucristoe, ja' li Totil ti toj ech'em slequilale. Xchi'uc ac'o yac' ana'ic c'u x'elan yo'nton li Diose, yu'un jech chavotquinic lec c'u x'elan.

Filipenses 3:15

Ja' yu'un ti c'u quepaltic oy xa stsatsal co'ntontic ta stojol Diose, jechuc me co'ntontic jcotoltic. Me yan o c'usi oy ta avo'ntonique, Dios chayac'boxuc ana'ic.

1 Tesalonicenses 4:9

Ta sventa ti tsc'an chac'anan abaique, mu xa persauc ta jts'ibacutic tal ava'yic. Yu'un achanojic xa lec atuquic ta sventa Dios ti chac'anan abaique.

Hebreos 10:16

“Ja' jech li c'usi ta jchapan ta stojolique. Me la sta sc'ac'alil cu'une, ta xcac'be ta sjolic li jmantaltaque; ta jts'ibabe lec ta yo'ntonic”, xi.

1 Juan 2:27

Pero li vo'oxuque, te oy o ta atojolic li Ch'ul Espíritu ti laj yac'boxuc Cristoe, jech voc'biloxuc xa o yu'un, jech mu xa persauc oy boch'o yan ta xchanubtasoxuc. Ja' xa stuc Ch'ul Espíritu ta xac' ana'ic scotol; puru melelic c'usi chal, mu epalc'opuc. Te me oyanic o ta stojol li Cristoe, jech chac c'u cha'al la xchanubtasoxuc li Ch'ul Espiritue.