San Juan 6:40 - Bible in Tzotzil de Chenalhó with Deuterocanon

⁴⁰ Li Jtot ti la stacun tale, ja' oy ta yo'nton jech chac li'i: Scotol li boch'otic ta xilic ti vu'un Xnich'onun Diose, ti ta xch'unicune, ja' tsc'an ti ac'o sta xcuxlejalic sventa sbatel osile, xchi'uc ti vu'un ta jcha'cuxes scotol ta slajebal c'ac'ale —xi li Jesuse.

Tzotzil Zinacantan

⁴⁰ Jaꞌ tscꞌan ti chcuxiic ta sbatel osil ti muchꞌutic ta xchꞌunic ti voꞌon Xchꞌamalon ti Rioxe, ti voꞌon chcacꞌ cuxlicuc ta sbatel osile. Ta jchaꞌcuxesic ti cꞌalal poꞌot xaꞌox xlaj li balamile ―xꞌutatic yuꞌun ti Jesuse.

Bible in Tzotzil de Chamula

⁴⁰ Yu'un ti c'usi oy ta yo'nton ti Jtote, ti scotolicuc ac'o yojtiquinicun vu'un Xnich'onun ti Diose, ti c'otuc ta yo'ntonic ta xch'unelicune, ti staicuc ti xcuxlejalic sbatel osile, xchi'uc ti ta jcha'cuxesic ta slajeb ti c'ac'ale.

LEQUIL ACH' C'OP

⁴⁰ Yu'un ti c'usi oy ta yo'on ti jtote, ja' ti scotol ti much'utic chojtiquinic li xch'amal Rioxe xchi'uc ti ch-ch'unique, ta sta scuxlejalic ta sbatel osil; vo'on ta jcha'cuxesic ta slajeb c'ac'al. ―X'utatic yu'un ti Jesuse.

Tzotzil San Andres

⁴⁰ Yuꞌun jaꞌ jech sba tscꞌan li Jtote ti acꞌo cuxiicuc o sbatel osil scotol li buchꞌutic ta schꞌunic ti joꞌon Snichꞌonun li Diose, schiꞌuc ta schꞌunic ti joꞌon Yajcoltavanejicune. Mi ichamique, ta jchaꞌcuxesanic scotolic ta slajeb cꞌacꞌal ―xi li Jesuse.

Tzotzil de Huixtán

⁴⁰ Hech sc'an yo'nton uc ti Jtote ti scotol ti much'u chal ti ho'on Snich'onun ti Diose, ja' ti chch'un ti jcoltae, ja' chcuxi sbatel osil. Mi ichamique, ja' ti jcha'cuses ti slajebal c'ac'al ―xchi ti Jesuse.

San Juan 6:40 Iomraidhean Croise

Isaías 52:10

Chac' ta ilel svu'el stsatsal ta jujun banamil; scotol cristianoetic c'alal to ta jujujot sti' banamil tsq'uelic c'u x'elan tscoltautic li Dios cu'untique.

Isaías 53:2

Li Yajtunel Diose ich'i ta stojol Muc'ul Dios jech chac c'u cha'al q'uelum te'; laj yac' lec yibel ta taqui banamil, ma'uc toj c'upil sba, ma'uc toj yan xa o ta q'uelel, ma'uc yu'un xch'ay xa co'ntontic yu'un.

Números 21:9

Li Moisese la spas li sloc'obal chon ta broncee; la sjoc'an ta te'. C'alal oy boch'o chti'at ta chone, ja' la sq'uel batel li sloc'obal joc'ol ta te'e, jech muc xchamic.

San Mateo 10:15

Melel li c'usi chacalboxuque, c'alal tsta yorail chac' stojol mulil li Diose, ja' ech'em tsots stojol smul ta xich' li lum le'e. Ja' jutuc no'ox stojol smul ta xich'ic li lum Sodoma xchi'uc li lum Gomorra ta vo'onee.,

San Mateo 25:46

Jech chbat tstoj smulic o sbatel osil. Yan li boch'otic tuc' yo'ntonique ja' ta xcuxiic sbatel osil”, xi li Jesuse.

Marcos 16:16

Li boch'otic ta xch'unic, xchi'uc li boch'otic ta xich'ic vo'e ja' ta xcolic. Yan li boch'otic mu xch'unique ja' chbat stoj smulic.

San Lucas 2:30

Yu'un laj xa quil ta jsat ivul ta jtojolcutic li coltael avu'une,

San Juan 1:14

Li C'ope la spas sba ta cristiano. La xchi'inuncutic ta naclej. Laj quilbecutic slequilal yutsilal, ja' slequilal yutsilal li jun no'ox Xnich'on Diose.

San Juan 10:28

Vu'un ta xcac' cuxiicuc sbatel osil. Mu xbatic o ta ch'ayel, xchi'uc mu'yuc boch'o xu' yu'un chispojbun loq'uel ta jc'ob.

San Juan 11:24

Itac'ov li Martae: —Jna'oj ti ta xcha'cuxi ta slajebal c'ac'al ti c'alal yorail ta xcha'cuxiic scotol li boch'otic chamenique —xi.

San Juan 11:25

Li Jesuse jech laj yalbe: —Vu'un jcha'cuxesvanejun, xchi'uc vu'un j'ac'cuxlejalun. Li boch'o ta xch'un ti vu'un Jcoltavanejune, ac'o me ta xcham, pero ta xcuxiic sbatel osil.

San Juan 12:45

Li boch'o chiyilicune ja' xa laj yilic o li Boch'o la stacun tale.

San Juan 12:50

Li smantal Jtote jna'oj ti ja' cuxlejal sventa sbatel osile. Ja' yu'un li c'usitic ta xcale ja' li c'usi yalojbun Jtote”, xi li Jesuse.

San Juan 14:17

Ja' li Ch'ul Espíritu ti ja' Melele. Li cristianoetique mu xu' ta xich'ic, yu'un mu xilic, xchi'uc mu xotquinic. Yan li vo'oxuque chavotquinic, yu'un te chnaqui ta atojolic; j'ech'el te ch-och o ta avo'ntonic.

San Juan 14:19

Mu xa jaluc li' oyun. Li cristianoetic li' ta banamile mu'yuc xa bu chiyilicun o. Pero li vo'oxuque ta to xavilicun, yu'un li vu'une cuxulun o; ja' no'ox jech chacuxiic ec li vo'oxuque.

San Juan 17:2

Yu'un laj avac'bun jvu'el ta sventa scotol cristianoetic, yu'un jech xu' ta xcac'be xcuxlejalic ti c'u yepal chavac'bune.

San Juan 3:36

Li boch'o chch'un ti ja' Jcoltavanej li Nich'onile ja' chcuxi sbatel osil. Yan li boch'o mu sc'an xch'une mu xbat yil lequilal sbatel osil. Ja' xa no'ox oy ta sventa li tsots stojol mulil chac' Diose.

San Juan 4:14

Yan li boch'otic ta xuch'ic li vo' ti vu'un ta xcac'bee mu'yuc xa ta xtaquij o yo'ntonic. Yu'un li vo' ti vu'un ta xcaq'ue ja' jech chc'ot ta yo'ntonic jech chac c'u cha'al nio' ti te chloq'uilan o sventa chcuxiic sbatel osile —xi.

San Juan 5:24

“Jamal ta xcalboxuc ava'yic. Li boch'otic ta xa'ibun jc'ope, me ta xch'unic li boch'o la stacun tale, oy xcuxlejalic ta sventa sbatel osil. Mu'yuc xa chbat stoj smulic, yu'un icom xa yu'unic li lajele. Ijelovic xa ta sventa cuxlejal.

San Juan 6:27

Mu me ja'uc no'ox xavabtelinic sa'el li ave'elic ti sna' xlaje. Ja' tsc'an chavabtelinic sa'bel sve'el ec li avo'ntonic ti mu sna' xlaj sbatel osile. Vu'un ta xcac'boxuc, vu'un ti Xnich'on cristiano lic'ote. Ja' yu'un li Diose, ja' li Jtote, laj xa yac' ta ilel ti vu'un yac'ojbun cabtele —xi li Jesuse.

San Juan 6:39

Li c'usi oy ta yo'nton li Boch'o la stacun tale ja' ti mu me xch'ay junuc cu'un ti c'u yepal chiyac'bune, ti ac'o jcha'cuxesan ta slajebal c'ac'ale.

San Juan 6:44

Mu'yuc boch'o xu' yu'un ta xtal ta jtojol me muc ic'biluc tal yu'un li Jtot ti la stacun tale. Yu'un li boch'otic ta xtal ta jtojole, ta jcha'cuxesan ta slajebal c'ac'al.

San Juan 6:54

Li boch'o ta sve'bun jbec'tale xchi'uc ta xuch'bun jch'ich'ale ta xcuxi o sbatel osil, xchi'uc ta jcha'cuxes ta slajebal c'ac'al.

San Juan 8:56

Li amoltotic Abraham chavalique xcuxet no'ox yo'nton, yu'un ya'yojbun jc'oplal ti ta to xitale. Laj yil, jech xcuxet no'ox yo'nton —xi li Jesuse.

Romanos 5:21

Jech chac c'u cha'al laj yu'uninutic li mulil, yu'un jech ac'o chamcutic jcotoltique, ja' jech ac'o yu'uninutic noxtoc li slequil yo'nton Diose, yu'un jech ac'o cuxicutic jcotoltic ta sventa li Jesucristoe, ja' li Cajvaltique.

Romanos 6:23

Yu'un li stojol mulile ja' ti chijchamutique; yan li jmotontic chijyac'butic Dios ta sventa ti jun oyutic jchi'uctic li Cajvaltic Cristo Jesuse ja' li cuxlejal sventa sbatel osile.

2 Corintios 4:6

Yu'un li Dios ti laj yal ac'o oyuc sac osil c'alal ic' to'ox osile, ja' laj yal noxtoc ti ac'o oyuc sac osil ta co'ntontique. Yu'un jech ac'o cotquintic c'u x'elan xojobal Dios ta jtojoltic ta sventa li Jesucristoe.

Hebreos 11:1

Li xch'unojel co'ntontique ja' chac' ti jbel sc'oplal ta jtatic o li c'usi ta jmalatic ti mu'yuc to quilojtique.

Hebreos 11:27

Ta sventa xch'unojel yo'nton li Moisese, jech iloc' batel ta Egipto banamil. Mu ja'uc ixi' ta sventa ti i'ilintaat yu'un li faraone. Tsots yo'nton laj ya'ay, yu'un xco'laj xchi'uc yilojbe sat laj ya'ay li Boch'o mu xquil ta jsatique.

1 Pedro 1:8

Li vo'oxuque ac'anojic xa li Cajvaltic Jesucristoe, ac'o me mu'yuc to avilojic. Li' ta orae ach'unojic xa, pero mu'yuc to chavilic. Ja' yu'un toj xcuxet no'ox avo'ntonic, toj yan sba yutsil chava'yic, mu xa xana' c'usi chavalic.

1 Juan 2:25

Li Cajvaltic Jesucristoe laj yal ti oy c'usi chijyac'butique, ja' li cuxlejal sbatel osile.

Judas 1:21

Te me oyanic o ta stojol li Dios ti lec sc'anojoxuque, junuc avo'ntonic malaic tsta sc'ac'alil chixc'uxubinutic li Cajvaltic Jesucristoe, ja' ti chac' jcuxlejaltic sventa sbatel osile.