San Juan 6:32 - Bible in Tzotzil de Chenalhó with Deuterocanon

³² Li Jesuse jech laj yalbe: —Jamal ta xcalboxuc ava'yic, li Moisese mu ja'uc laj yac' li mero vaj liquem tal ta vinajele. Yan li Jtote ja' ta xac'boxuc li mero lequil vaj liquem tal ta vinajele.

Tzotzil Zinacantan

³² ―Ta melel chacalbeic, ti pan isveꞌic ti voꞌne moletique, maꞌuc Moisés iyacꞌ. Riox iyacꞌ. Ti pan isveꞌique, jaꞌ noꞌox icuxiic o liꞌ ta sba balamile. Li pan ti chayacꞌbeic ti Jtote, chacuxiic o ta sbatel osil.

Bible in Tzotzil de Chamula

³² Xi laj stac' ti Jesuse: —Ta xcalboxuc ava'iic, ma'uc ti Moisés laj yac' ti pan ti liquem talel ta vinajele. Ti bats'i pan ti liquem talel ta vinajele, ja' laj yac' talel ti Jtote.

LEQUIL ACH' C'OP

³² Itac'av ti Jesuse: ―Ta melel chacalbeic, ma'uc Moisés la yac'beic li pan ti talem ta vinajele, ja' ti Jtote, yu'un ja' chayac'beic li bats'i pan ta vinajele.

Tzotzil San Andres

³² Li Jesuse jech laj yalbe: ―Melel li cꞌusi chacalbeique, maꞌuc Moisés ti laj yacꞌ li vaj ti la sveꞌic li jtotic jmeꞌtic ta voꞌonee. Dios laj yacꞌ talel li vaje. Li vaj ti la sveꞌic li jtotic jmeꞌtique jaꞌ noꞌox sventa icuxiic o li liꞌ ta balumile. Yan li avie li vaj ti chayacꞌbeic li Jtote, jaꞌ sventa chacuxiic o sbatel osil.

Tzotzil de Huixtán

³² Ti Jesuse hech laj yalbe: ―Melel ti c'usi chacalbeique, ma'uc Moisés ti laj yac' ti vaje ti laj sve'ic ti atot ame'ique. Ja' no'ox i'ac'bat sventain. Ja' Dios ti laj yac' talel ti vaje. Ti vaj ti laj sve'ic ti atot ame'ique, ja' no'ox sventa xcuxlejalic li' ti balumile. Ja'uc ti ora to ti Jtote chayac'boxuc ti vaje sventa acuxlejalic sbatel osil.

San Juan 6:32 Iomraidhean Croise

Salmos 78:23

Pero li Diose la spas batel ta mantal li toquetic ta toyole, xchi'uc la sjamanbe sti' li vinajele.

Éxodo 16:4

Li Muc'ul Diose jech laj yalbe li Moisese: —Ta xcac' yalel tal ave'elic ta vinajel. Li achi'iltaque jujun c'ac'al ac'o loq'uicuc ta stsobel li sve'elique. Pero ja' no'ox ti c'u yepal chtun yu'unic ta jujun c'ac'ale. Yu'un ta jc'an ta jq'uel boch'o xch'un, boch'o mu xch'un li jmantale.

Éxodo 16:8

Li Moisese jech to laj yal: —Ta bat c'ac'al ta xac' tal ti'bol ati'ic li Muc'ul Diose. Ta sobe ta xac' tal ep manavaj ave'ic, yu'un laj yil ti chachopolc'opojic ta stojole. Yu'un li vu'uncutique mu'yuc c'usi xu' cu'uncutic. Mu ja'uc chachopolc'opojic ta jtojolcutic; ja' chachopolc'opojic ta stojol li Muc'ul Diose —xut.

San Juan 1:9

Li luz ti tsacubtas osil ta stojol cristianoetique, iyal tal li' ta banamil.

San Juan 15:1

Jech to laj yal li Jesuse: “Vu'un bats'i smuc'ta aq'uil ts'usub c'otemun. Li Jtote ja' jchabits'usub.

San Juan 6:31

Li jmoltot jyame'cutic ta vo'onee la sve'ic li manavaj i'ac'batic te ta xocol banamile. Jech ts'ibabil sc'oplal ta sc'op Dios: ‘Ja' laj yac'be sve'ic li vaj liquem tal ta vinajele’, xi ts'ibabil —xutic.

San Juan 6:33

Li vaj yu'un Diose ja' li boch'o te liquem tal ta vinajele. Ja' tal yac'be xcuxlejal cristianoetic li' ta banamil —xut.

San Juan 6:35

Itac'ov li Jesuse: —Vu'un li vaj c'otemun sventa chacuxiic oe. Li boch'o ta xtalic ta jtojole, mu'yuc xa ta xa'yic o vi'nal. Li boch'otic ta xch'unicune mu'yuc xa ta xtaquij o yo'ntonic.

San Juan 6:41

Li judioetique iliquic ta bic'talvulajetel ti c'alal laj yal Jesús ti ja' stuc li vaj liquem tal ta vinajele.

San Juan 6:50

Yan li vu'une ja' ta xcalbe sc'oplal li vaj te liquem tal ta vinajele. Li boch'otic ta sve'e mu'yuc ta xchamic o.

San Juan 6:55

Yu'un li jbec'tale ja' mero lequil ve'lil ta xc'ot. Li jch'ich'ale ja' mero lequil vo' ta xc'ot.

San Juan 6:58

Li vaj ta xcal ti te liquem tal ta vinajele, mu co'oluc jech chac c'u cha'al li manavaj la sve'ic amoltot ayame'ic ta vo'onee, yu'un muc xcuxiic o sbatel osil yu'un. Yan li boch'otic ta sve'ic li vaj ta xcale, ja' ta xcuxiic o sbatel osil —xi li Jesuse.

Gálatas 4:4

Pero c'alal ista yorail c'usi ora albile, li Diose la stac tal li Xnich'one. Ivoc' ta jun ants; ventainbil yu'un mantaletic ic'ot.

1 Juan 5:20

Ta jna'tic noxtoc ti i'ay ta banamil li Xnich'on Diose, laj yac'butic jbijiltic sventa ac'o cotquintic li bats'i Dios ta melele. Jun me ac'o oyuticuc o jchi'uctic li Boch'o ta melel ja' stuc oe, ja' li Jesucristo Xnich'on Diose. Le'e ja' bats'i Dios ta melel; ja' Cuxlejal sventa sbatel osil.