San Juan 6:11 - Bible in Tzotzil de Chenalhó with Deuterocanon

¹¹ Li Jesuse la stsac li pane, la stojbe ta vocol Dios, la svoq'uilan, laj yac' ta puquel ta stojol li boch'otic te chotajtique. Ja' jech la spas noxtoc ta sventa li choye; laj yac'beic ti c'u yepal la sc'anique.

Tzotzil Zinacantan

¹¹ Ti Jesuse ixchꞌam ti pane. “Colaval”, xut ti Rioxe. Jaꞌo ixut ti pane, liyacꞌboticotic. Voꞌoticotic xa icacꞌbeticotic ti muchꞌutic tey chotajtique. Jaꞌ noꞌox yech icacꞌbeticotic noxtoc ti choye. Ti cꞌu yepal tscꞌan ti crixchanoetique, icacꞌbeticotic.

Bible in Tzotzil de Chamula

¹¹ Ti Jesuse laj stsac ti pane. C'alal laj yalbe vocol ti Diose, laj yac'be jelavel ti yajchanc'optaque. Ti yajchanc'optaque laj spuquic batel ti pan ta stojol scotolic ti c'u yepal chotolique. Ja' jech xtoc laj spuquic batel ti choye. Ac'batic ti bu xa c'alal xal ti yo'ntonique.

LEQUIL ACH' C'OP

¹¹ Ti Jesuse ixch'am ti pane ti c'alal laj yalbe coliyal ti Rioxe, ja'o ixch'acbe li crixchanoetic tey chotajtique. Ja' no'ox yech ispas noxtoc ta scuenta li choye, iyac'be ti c'u yepal isc'anic ti crixchanoetique.

Tzotzil San Andres

¹¹ Li Jesuse la stsac li pane, laj yalbe coliyal Dios. La xutilan, laj yacꞌbuncutic, joꞌoncutic li yajchanbalajeltacuncutique. Joꞌoncutic la jpucbecutic li buchꞌutic te chotolique. Jech nojtoc la jpucbecutic ba li choye ti cꞌu yepal la scꞌanic li crixchanoetique.

Tzotzil de Huixtán

¹¹ Ti Jesuse laj stsac ti muc'tic caxlan vaje. Laj yalbe vocol ti Diose. Laj xch'aquilambuntutic batel ho'ontutic ti yajchanc'opuntutique. Ti ho'ontutique laj jpuquilambetutic batel ti much'utic ti te nacajtique. Hech uc ti choye laj caq'uilambetutic ti c'u yepal tsc'anic ti crixchanoetique.

San Juan 6:11 Iomraidhean Croise

San Mateo 15:36

La stsac li vucub pane xchi'uc li bic'tal choye, la stojbe ta vocol Dios. La svoc' li pane xchi'uc li bic'tal choye, laj yac'be li yajchanc'optaque. Ja' xa la spucbeic ec li epal cristianoetique.

San Lucas 24:30

C'alal te xchi'inojic ta chotlej ta ti'mexae, la stsac pan li Jesuse, la stojbe ta vocol Dios. La svoc' li pane; laj yac'be sve'ic.

San Juan 21:10

Li Jesuse jech laj yalbe: —Ich'ic tal li choy ti ja' to laj atsaquique —xut.

San Juan 21:13

Li Jesuse la stsac li pane; laj yac'be li yajchanc'optaque. Laj yac'be noxtoc li choye.

San Juan 21:9

C'alal iyalic ta banamile, ja' to laj yilic te tsanbil lec ac'al, xchi'uc te chta'aj jcot choy ta sba, xchi'uc te oy pan noxtoc.

San Juan 6:23

Ts'acal te iloc' tal yan canovaetic; te iliquic tal ta lum Tiberias. Ja' te nopol i'ech' yo' bu la sve'ic pan ti c'alal la stojbe ta vocol Dios li Cajvaltique.

San Juan 6:9

—Oy jun querem li'i yich'oj tal vo'ob pan pasbil ta cebada, xchi'uc cha'cot choy. Pero mu xloc' o, yu'un toj ep li cristianoetique —xi.

Hechos 27:35

C'alal laj yal jeche, la stsac pan; la stojbe ta vocol Dios ta stojol scotolic. La svoc' li pane, lic ve'uc.

Romanos 14:6

Li boch'o xch'unoj ti oy jun c'ac'al tsots sc'oplal cha'ye ja' ta sventa Cajvaltic tspas. Li boch'o scotol tsve'e ja' ta sventa Cajvaltic tsve', yu'un tstojbe ta vocol li Diose. Li boch'o mu scotoluc tsve'e ja' ta sventa Cajvaltic ti mu sve'e, yu'un tstojbe ta vocol Dios noxtoc.

1 Corintios 10:31

pero ti c'alal chijve'e, ti c'alal oy c'usi chcuch'tique, xchi'uc scotol li c'usiuc no'ox ta jpastique, ac'o jpastic ta sventa lec chbat sc'oplal cu'untic li Diose.

1 Tesalonicenses 5:18

Tojbeic ta vocol Dios scotol. Yu'un jech oy ta yo'nton Dios tsc'an chapasic ta sventa ti oyoxuc ta stojol li Cristo Jesuse.

1 Samuel 9:13

C'alal cha'ochic ta lume, sa'ic ta ora ti c'alal mu'yuc to chbat ve'uc ta ch'ulnae. Yu'un li boch'otic te oyique, mu'yuc to chve'ic ja' to c'alal me ic'ot li vinique. Yu'un ja' oy ta sventa chac'be bendición ba'yuc li smoton Diose; ja' to xu' tsve'ic li boch'otic ic'bilique. Ja' yu'un ac'beic yipal batel ta ora; ja' yorail xu' te chataic —xiic.