San Juan 5:46 - Bible in Tzotzil de Chenalhó with Deuterocanon

⁴⁶ Ti ach'unicuc c'usi ts'ibabil comel yu'une, chach'unicun ec ti jechuque, yu'un ja' jc'oplal la sts'iba comel li Moisese.

Tzotzil Zinacantan

⁴⁶ Ti achꞌunojicuc cꞌusi istsꞌiba ti Moisese, chachꞌunic ti voꞌon stacojon tal ti Rioxe yuꞌun jaꞌ jcꞌoplal ti istsꞌiba comele.

Bible in Tzotzil de Chamula

⁴⁶ Ti tauc xc'ot ta avo'nton ti c'usi laj sts'iba ti Moisese, ta xavich'icun ta muc' ti jechuque. Yu'un ti Moisese, ja' laj sts'iba comel jc'oplal.

LEQUIL ACH' C'OP

⁴⁶ Ti ach'unojicuc c'usi ists'iba ti Moisese, chach'unic ti vo'on stacojon tal ti Rioxe yu'un ja' jc'oplal ti ists'iba comele.

Tzotzil San Andres

⁴⁶ Ti achꞌunojicuc li cꞌusi la stsꞌiba li Moisés ta voꞌonee, jech chachꞌunic eꞌuc ti joꞌon Avajcoltavanejicun ti jechuque. Yuꞌun jaꞌ jcꞌoplal li la stsꞌiba comel li Moisese.

Tzotzil de Huixtán

⁴⁶ Ti ach'unojbuc sc'op ti Moisese, chach'umbucun jc'op ti hechuque yu'un ho'on jc'opilal ti laj sts'ibabune.

San Juan 5:46 Iomraidhean Croise

Génesis 12:3

Ta xcac'be bendición li boch'o lec chayilote. Ta xcac'be stoj smul li boch'o chopol chayilote. Vo'ot ta aventa chich'ic bendición scotol cristianoetic ta sbejel banamil”, x'utat yu'un li Diose.

Génesis 18:18

Yu'un li stuque ja' totil chc'ot yu'un jun muc'ta lum ti oy lec stsatsale. Yu'un calojbe ono'ox ti ja' ta sventa chich'ic bendición scotol li muc'tic lum li' ta banamile.

Génesis 22:18

Ja' ta sventaic chich' bendición scotol li muc'tic lumetic li' ta banamile, yu'un laj ach'un li c'usi laj calbote’, xayutot li Muc'ul Diose —xi li j'almantale.

Génesis 28:14

Ta to xlic bolicuc li amomnich'nabtaque; ja' jech ta xc'otic jech c'u cha'al spucucal banamil. Ta to spuc sbaic batel ta xchanjotal xocon vinajel. Xchi'uc vo'ot ta aventa achi'uc amomnich'nabtac ta xich'ic bendición scotol li cristianoetic ta sbejel banamile.

Génesis 3:15

Ta xcac' ti acontra abaic chacom o achi'uc li antse. Jech ta xcom o c'alal ta avalab anich'nab xchi'uc syal'alabtac li antse. Li syal'ole ta to xlic xvoch'bot ajol; yan li vo'ote ja' no'ox chati'be xchac yacan —xut.

Génesis 49:10

Judá, mu'yuc boch'o xu' tspojbot li avu'el avich'oje; mu'yuc boch'o xu' tspojbot li avastone; ja' to me ital stuc li yajval vastone, ja' li boch'o ch'unbil smantal yu'un scotol cristianoetic ta jujun banamile.

San Lucas 24:27

Jech lic yac'be sna'ic scotol li sc'oplal ts'ibabil comele. La sliques ta svun Moisés c'alal to ta svunic li yantic yaj'alc'optac Diose. Laj yalbe smelol scotol ti butic ts'ibabil sc'oplale.

San Juan 1:45

Li Felipee la sta ta c'opanel li Natanaele, jech laj yalbe: —Laj xa jtacutic li boch'o ts'ibabil comel sc'oplal ta svun Moisese xchi'uc ta svun yantic j'alc'opetique. Ja' li Jesús xnich'on José te ta lum Nazarete —xut.

San Juan 5:47

Me mu xach'unic c'usi ts'ibabil comel yu'un li Moisese, ¿c'uxi xu' chach'unbicun li jc'ope?”, x'utatic yu'un Jesús li j'abteletique.

Hechos 26:22

Pero la scoltaun li Diose, jech li' to staoj yav jun co'nton chcalbe ya'yic sc'oplal scotol li cristianoetique, c'alal ta muc', ta biq'uit. Muc yanuc c'usi ta jchol; ja' ta jchol li c'usitic laj yalic yaj'alc'optac Dios ta vo'onee xchi'uc c'usi laj yal li Moisese, ja' ti laj yalic oy c'usi ta xc'ot ta pasele.

Romanos 10:4

Yu'un li sts'aquieb mantaletique ja' stuc li Cristoe; ja' ta sventa tuc' yo'nton ch-ilatic yu'un Dios li boch'otic ta xch'unique.

Gálatas 2:19

Yu'un c'alal ja' batem co'nton yu'un li mantaletique, xco'laj xchi'uc chamenun yu'un li mantaletique; ts'acal to lic cuxicun ta sventa Dios.

Gálatas 3:10

Yan li boch'otic batem yo'ntonic ta sventa li mantaletique, oyic o ta sventa ch'ayel. Yu'un jech ts'ibabil ta sc'op Dios: “Ac'o ac'batuc stoj smul li boch'o mu xch'un, mu xich' ta muc' li chanubtasel li' ts'ibabil ta svunal mantaletique”, xi ts'ibabil.

Gálatas 3:13

Ja' yu'un i'ay li Cristoe, ay scoltautic ta sventa li stojol mulil ti sc'oplal chquich'tic ta sventa li mantaletique. Ja' la xcuch scotol li stojol mulil ti sc'oplal chquich'tique. Yu'un jech ts'ibabil ta sc'op Dios: “Li boch'o joc'ol ta te' chchame, ja' ac'bil stoj smul yu'un Dios”, xi ts'ibabil.

Gálatas 3:24

Li mantaletique ja' j'ic'vanej ic'ot, yu'un ja' ta sventa litalcutic ta stojol li Cristoe. Jech ta sventa xch'unojel co'ntoncutic mu'yuc jmul lic'otcutic.

Deuteronomio 18:15

“Li Muc'ul Dios cu'untique ta to st'ujboxuc jun j'alc'op avu'unic jech chac c'u cha'al vu'un, pero ch'unbeic me li c'usi chayalboxuque.