San Juan 5:39 - Bible in Tzotzil de Chenalhó with Deuterocanon

³⁹ Chaq'uelilanic li sc'op Diose; chanopic ti jech chacuxiic o sbatel osile. Pero li sc'op Diose ja' vu'un te chiyalbun jc'oplal noxtoc.

Tzotzil Zinacantan

^39-40 Ti avalojique, chacuxiic xa ta sbatel osil ti chaqꞌuelulanic noꞌox li scꞌop Rioxe. Pero maꞌuc yech chal li scꞌop Rioxe. Tey tsꞌibabil ti voꞌon chcacꞌ cuxlanic ta sbatel osile. Pero mu xacꞌan xachꞌunic.

Bible in Tzotzil de Chamula

³⁹ Ti ch'ul c'ope ta xalbun jc'oplal xtoc. Ac'o mi batem xa avo'ntonic ta sq'uelel ti ch'ul c'ope, ti avalojic xa ta xataic ti acuxlejalic yu'une,

LEQUIL ACH' C'OP

³⁹ Li vo'oxuque cha chanic lec li sc'op Rioxe yu'un apatoj avo'onic ti ja' tey chataic o la cuxlejalic ta sbatel osile; ac'u mi tey chiyalbe jc'oplal li sc'op Rioxe,

Tzotzil San Andres

³⁹ Chaqꞌuelic li scꞌop Diose, chanopic ti jech chacuxiic o sbatel osile. Pero mu jechuc ta xal li scꞌop Diose. Jaꞌ te tsꞌibabil jcꞌoplal ti ta jventa joꞌon chacuxiic o sbatel osile.

Tzotzil de Huixtán

³⁹ Yu'un ti chaq'uelilanic ti sc'op ti Diose chacuyic ti hech chacuxiic sbatel osil. Pero mu hechuc chal ti sc'op ti Diose. Ja' te ts'ibabil jc'opilal ti ho'on ti jventa ti chacuxiic sbatel osile.

San Juan 5:39 Iomraidhean Croise

Salmos 1:2

ti ja' no'ox oy ta yo'nton o li smantaltac Muc'ul Diose, ti ja' tsnopilan o ta yo'nton ta c'ac'al ta ac'ubale.

Salmos 119:11

La jchabi ta co'nton li ac'ope, yu'un jech mu jta jmul ta atojol.

Salmos 133:3

Ja' jech noxtoc jech chac c'u cha'al sjob osil ta Hermón ti chyal batel ta sba li vitsetic ta Sione, yu'un li Muc'ul Diose ja' te chac' batel lec bendición xchi'uc cuxlejal sventa sbatel osil.

Salmos 16:11

Chavac'bun quil sbelal cuxlejal. Toj xcuxet no'ox te ta atojol; toj jun yutsil o sbatel osil te yo' bu oyote.

Salmos 21:4

La sc'anbot yorail, laj avac'be; Nat yorail laj avac'be, jal xu' chcuxi.

Salmos 36:9

Yu'un vo'ot te oy ta atojol li nio' sventa cuxlejale; ta axojobal no'ox ta xquilcutic saquil osil.

Proverbios 6:23

Yu'un li mantale ja' luz c'otem, li chanubtasele ja' sac osil c'otem; li tuq'uibtasel xchi'uc li chanubtasele ja' sbelal cuxlejal c'otem.

Isaías 34:16

Q'uelbo avilic ta svunal yu'un li Muc'ul Diose, jech chal: Me jcotuc mu'yuc ch'ojol chc'ot li c'usitic laj yich' alele, xchi'uc mu'yuc ch'ojol chc'ot me jcotuc sme', yu'un ja' iloc' ta ye stuc li Muc'ul Diose; ja' stuc ta xjuch'ta tal ta yic'al ye scotol.

Isaías 8:20

Tac'beic ta smantaltac Dios xchi'uc ta sc'op Dios; me mu jechuc chapasique, yu'un mu'yuc to sacuben osil ta atojolic.

Jeremías 8:9

Ja' yu'un li boch'o bijique ta xyalic ta q'uexlal, ta xniquic ta xi'el; ta x'ochic ta c'op-o'nton, yu'un la xa sbajic comel li jmantale. Ja' yu'un ¿bu tsta li sbijilique?

Daniel 12:2

Ta xich'ic tijel liquel li boch'otic vayemic ta yut banamile. Oy jayibuc sventa ta xcuxiic sbatel osil; li yantique ja' sventa chbat yich'ic q'uexlal xchi'uc vocol ta sbatel osil.

San Mateo 22:29

Itac'ov li Jesuse: —Ch'ayemoxuc. Mu xach'unic c'usi chal li sc'op Diose, xchi'uc mu xach'unic c'u x'elan stsatsal li Diose.

Marcos 10:3

Itac'ov li Jesuse: —¿C'usi mantal yaloj comel li Moisese? —xi.

Marcos 12:10

“¿Me mu'yuc aq'uelojic ti jech ts'ibabil ta sc'op Diose?: ‘Li ton ti mu'yuc lec laj yilic li jpasnaetique, ja' ono'ox i'och ta mero chiquin na.

San Lucas 16:29

Li Abrahame jech laj yalbe: ‘Te yich'ojbeic svun li Moisese xchi'uc li yan yaj'alc'optac Diose. Xu' ja' ac'o xch'unic li c'usitic chale’, xut.

San Lucas 16:31

Li Abrahame jech laj yalbe: ‘Me mu sc'an xch'unic c'usitic yaloj li Moisés xchi'uc yan yaj'alc'optac Diose, ac'o me ta xc'ot c'opanaticuc yu'un li boch'o chcha'cuxie, mu ono'ox xch'unic noxtoc’, xut”, xi li Jesuse.

San Lucas 24:25

Jech i'albatic yu'un li Jesuse: —Solel mu'yuc bijoxuc. Vocol chach'unic scotol c'usitic yalojic li yaj'alc'optac Diose.

San Lucas 24:27

Jech lic yac'be sna'ic scotol li sc'oplal ts'ibabil comele. La sliques ta svun Moisés c'alal to ta svunic li yantic yaj'alc'optac Diose. Laj yalbe smelol scotol ti butic ts'ibabil sc'oplale.

San Lucas 24:44

Jech i'albatic: —C'alal jchi'inojoxuc to'oxe, jech ono'ox laj calboxuc chac li'i: ‘Ta persa ta xc'ot ta pasel scotol li jc'oplal ts'ibabil ta svun Moisese, xchi'uc ta svunic li yantic j'alc'opetique, xchi'uc ta svunal q'ueojetique’, xacutoxuc ono'ox —x'utatic.

San Juan 1:45

Li Felipee la sta ta c'opanel li Natanaele, jech laj yalbe: —Laj xa jtacutic li boch'o ts'ibabil comel sc'oplal ta svun Moisese xchi'uc ta svun yantic j'alc'opetique. Ja' li Jesús xnich'on José te ta lum Nazarete —xut.

San Juan 5:32

Pero oy yan boch'o chiyalbun jc'oplal. Li jc'oplal ta xalbune jna'oj ti ja' melele.

San Juan 5:36

Li Juane ja' no'ox laj yalboxuc ava'yic jc'oplal. Pero li vu'une ta sventa cabtel ta xac'bun jpas li Jtote ja' ta svinajes ti ja' tacbilun tal yu'une.

San Juan 5:40

Pero mu xac'an xatalic ta jtojol ti jech xu' chacuxiic o sbatel osile.

San Juan 5:46

Ti ach'unicuc c'usi ts'ibabil comel yu'une, chach'unicun ec ti jechuque, yu'un ja' jc'oplal la sts'iba comel li Moisese.

San Juan 7:52

Jech la stac'beic li Nicodemoe: —¿Me yu'un vo'ot galileaot ec? Q'uelo lec li sc'op Diose. Te chavil ti mu'yuc sc'oplal ta xlic junuc j'alc'op te ta Galileae —xutic.

Hechos 13:27

Pero li jnaclumetic ta Jerusalene xchi'uc li banquilaletic yu'unique muc xotquinic li Jesuse, xchi'uc muc xa'ibeic smelol c'usi laj yalic li j'alc'opetique, ja' ti chich' aptael ta sc'ac'alil ta jcux co'ntontique. Ja' yu'un ja' la sc'otesic c'usi ts'ibabil comel c'alal la smilic li Jesuse, pero muc sna'ic.

Hechos 17:11

Li israeletic te ta Bereae ja' lec yo'ntonic. Mu jechuc yo'ntonic jech chac c'u cha'al li israeletic ta Tesalonicae. Yu'un ta scotol yo'ntonic laj ya'ibeic sc'op li Pabloe. Scotol c'ac'al la sq'uelic li sc'op Diose, yu'un tsq'uelic me xco'laj xchi'uc c'usi ta xchol li Pabloe.

Hechos 26:27

Li Pabloe jech laj yalbe li Agripae: —Ajvalil Agripa, ¿me chach'un c'usi yaloj li yaj'alc'optac Diose? Jna'oj ti chach'une —xut.

Romanos 1:2

Ja' li c'usi vo'one ono'ox yaloj Dios ta sventa yaj'alc'optac ti ts'ibabil icom ta xch'ul vune.

Romanos 3:2

Ta melel oy lec stu. Yu'un ja' ba'yuc laj yich'ic li sc'op Diose.

Deuteronomio 18:15

“Li Muc'ul Dios cu'untique ta to st'ujboxuc jun j'alc'op avu'unic jech chac c'u cha'al vu'un, pero ch'unbeic me li c'usi chayalboxuque.

Deuteronomio 18:18

Ta xlic jt'ujbeic loq'uel ta stojolic jun j'alc'op jech chac c'u cha'al vo'ot. Ja' jun mero xchi'ilic ta jt'ujbeic. Ja' ta x'albatic yu'un li c'usi ta jc'an ta xcalbeique, xchi'uc ja' ta svulesbat ta sjolic li c'usi calojbeique.

Deuteronomio 29:29

“Li c'usitic mu jna'tique, ja' sna'oj stuc li Muc'ul Dios cu'untique. Pero li c'usitic ac'bil quiltic xchi'uc calab jnich'nabtique ja' sventa ac'o jch'untic, ac'o jpasilantic batel scotol c'ac'al li smantaltac Muc'ul Diose.

Deuteronomio 32:47

Mu lecuc me mu'yuc tsots sc'oplal ta avo'ntonique yu'un li mantaletic li'i ja' sventa acuxlejalic. Ja' sventa xu' chacuxiic ep jabil te ta avosilic ti chbat avich'ic ta jot uc'um Jordane”, xi li Moisese.

Colosenses 3:16

Ac'o c'otuc lec ta avo'ntonic c'usi chal li sc'op Cristoe. Chanubtaso abaic; taq'uio abaic ta sventa scotol li bijubtasele. Q'uejinanic, tojbeic ta vocol Dios ta sventa q'ueojetic, ta salmoetic xchi'uc ta bic'tal q'ueojetic.

Hebreos 11:16

Pero mu jechuc, yu'un ja' la sc'anic ti bu toj leque, ja' li vinajele. Ja' yu'un li Diose mu xq'uexov ti “vu'un Diosun yu'unic” xie, yu'un smeltsanoj xa li jun muc'ta lum bu chac' naquiicuque.

Hebreos 11:35

Oy antsetic icha'cuxesbat yolic. Oy te ichamic o ta scoj ti toj ep i'ac'bat svocolique. Muc sutes sc'opic yu'un ac'o colicuc; ja' tsots sc'oplal laj ya'yic ti chcha'cuxiique.

Josué 1:8

Alilano me scotol c'ac'al c'usi chal ta svunal li mantaletic cu'une. Nopilano ta c'ac'al ta ac'ubal yu'un jech chc'ot ta pasel avu'un li c'usitic te ts'ibabile. Jech lec chbat avu'un buyuc no'ox chaxanov, xchi'uc lec chbat avu'un scotol c'usi chapas.

Apocalipsis 19:10

La jquejan jba ta stojol li j'almantale, yu'un chquich' ta muc', pero jech laj yalbun: “Q'uelo me aba, mu xapas jech, yu'un yajtunelun Dios ec jech chac c'u cha'al li vo'ote xchi'uc li achi'iltac ti jun yo'nton xch'unojic o c'usi yaloj li Jesuse. Ja' ich'o ta muc' stuc li Diose. Yu'un li c'usi yaloj comel Jesuse, ja' li c'usi ch-ac'bat sna'ic yu'un Ch'ul Espíritu li boch'o chalic c'usi tsc'an Diose”, xiyutun.