San Juan 5:34 - Bible in Tzotzil de Chenalhó with Deuterocanon

³⁴ Pero mu yu'unuc ja' tsots sc'oplal chca'ay ti cristiano chiyalbun jc'oplale. Ti jech chacalboxuque, ja' no'ox sventa ac'o ach'unic, yu'un jech xu' chacolic.

Tzotzil Zinacantan

³⁴ Pero maꞌuc crixchano li cajrexticoe. Jaꞌ noꞌox ta jyules ta ajolic yoꞌ xachꞌunic oe, yoꞌ xacuxiic o ta sbatel osile.

Bible in Tzotzil de Chamula

³⁴ Yu'un ma'uc tsots sc'oplal ta xca'i ta svinajesbun jc'oplal jun vinic. Ti jech ta xcalboxuc ava'iic taje, yo' xu' ta xata acolelic.

LEQUIL ACH' C'OP

³⁴ Pero ma'uc tsots sc'oplal chca'i ti crixchano chiyalbe jc'oplale. Ti x'elan chacalbeique ja' yo' xataic o li coltaele.

Tzotzil San Andres

³⁴ Pero maꞌuc to persa ti jech laj yal jcꞌoplale. Jaꞌ noꞌox ta julesboxuc ta ajolic yoꞌ acꞌo xachꞌunic o, jech chacolic.

Tzotzil de Huixtán

³⁴ Mu tsotsuc sc'opilal yu'un ti hech laj yalbun jc'opilale. Ja' no'ox yu'un chajt'abesboxuc yu'un hech chc'ot ti avo'ntonic hech chacolic.

San Juan 5:34 Iomraidhean Croise

San Lucas 13:34

“¡Jerusalén, Jerusalén, atalel o ti chamil li j'alc'opetique, ti chavac'be ton li boch'otic tacbilic tal ta atojole! Ep xa ta velta la jc'an ta jtsob avalab jech chac c'u cha'al tstsob yol ta yolon xic' jcot me' caxan, pero muc xac'an.

San Lucas 19:10

Vu'un ti Xnich'on cristiano lic'ote ja' tal jcolta, ja' tal jsa' li boch'otic ch'ayemique —xi li Jesuse.

San Lucas 24:47

Ts'ibabil noxtoc ti ja' ta sbi ta xcholbat ya'yic cristianoetic ta scotol banamil ti ac'o sutes yo'ntonique, xchi'uc ti ja' ba'yuc ta xcholbat li boch'otic li' nacajtic ta Jerusalene, yu'un jech xu' tspasbat perdón yu'un smulic.

San Juan 20:31

Ti c'u yepal laj yich' ts'ibael li'i, ja' sventa ac'o ach'unic ti ja' Cristo li Jesuse, ti ja' Xnich'on Diose. Yu'un me chach'unique, chacuxiic o sbatel osil ta sventa.

San Juan 5:32

Pero oy yan boch'o chiyalbun jc'oplal. Li jc'oplal ta xalbune jna'oj ti ja' melele.

San Juan 5:41

“Li vu'une mu ja'uc tal jsa' ich'el ta muc' yu'un li cristianoetique.

San Juan 8:54

Itac'ov li Jesuse: —Ti vu'cun no'ox jtuc ta xcac' jba ta ich'el ta muq'ue, mu'yuc c'usi xloc' o. Pero ja' chiyac'un ta ich'el ta muc' ec li Jtote, ja' li Dios avu'un acuyojique.

Romanos 10:1

Quermanotac, ta melel jech co'nton ta jc'an ac'o colicuc li jchi'iltac ta israelale. Ja' yu'un ta jc'opanbe Dios ta stojolic.

Romanos 10:21

Ta sventa li Israele jech laj yal noxtoc: “Scotol c'ac'al te jbechoj o jc'ob chquic' li jbajmantal, li jtacchiquin cristianoetique”, xi.

Romanos 12:21

Mu me ja'uc xastsaloxuc li c'usi chopole. Ja' tsalic ta sventa c'usi lec li c'usi chopole.

Romanos 3:3

Pero ¿c'usi chc'ot ta pasel ta sventa ti oy jayibuc mu'yuc xa jun yo'ntonic ta stojol Diose? ¿Me te ilaj sc'oplal o ec ti jun yo'nton ta jtojoltic li Diose?

1 Corintios 9:22

C'alal ja' jchi'inojic li boch'otic mu'yuc to stsatsal yo'ntonic ta stojol Diose, ja' jech mu'yuc stsatsal co'nton ta jpas jba ec, yu'un jech xu' ta jpasic ta canal li boch'otic mu'yuc to stsatsal yo'ntonic ta stojol Diose. Ta jpas scotol c'u yepal xu' cu'un ta stojol scotolic, yu'un jech oy boch'otic xu' chcolic.

1 Timoteo 4:16

Q'uelo me aba atuc, xchi'uc q'uelo me lec ti c'u x'elan chachanubtasvane. Ja' me te oyuc o ta avo'nton scotol li c'usitic laj calbote. Me jech chapase, chacol li vo'ote xchi'uc li boch'otic ta xa'ibot ac'ope.

1 Juan 5:9

C'alal oy c'usi chalic cristianoetic ti chalic ti ta melel yilojique, ta jch'untic. Pero li c'usi chal ta jamal sc'op Diose ech'em to tsots sc'oplal, yu'un yaloj ta jamal ti ja' Xnich'on li Jesuse.