San Juan 5:30 - Bible in Tzotzil de Chenalhó with Deuterocanon

³⁰ “Li vu'une mu'yuc c'usi xu' cu'un ta jpas jtuc. Ti c'u x'elan tsc'an chichapanvan li Jtote, ja' jech ta jpas. Tuc' chapanel chcac', yu'un ma'uc ta jpas c'usi lec chca'ay jtuc; ja' ta jpas c'usi oy ta yo'nton li Jtot ti la stacun tale.

Tzotzil Zinacantan

³⁰ ’Li voꞌone mu cꞌusi ti jtuc noꞌox ta jpase. Maꞌuc ta jpas ti cꞌusi tscꞌan coꞌon jtuque. Jaꞌ ta jpas ti cꞌusi tscꞌan yoꞌon ti Jtote yuꞌun jaꞌ listac tal. Ti cꞌu xꞌelan chiyalbee, jaꞌ noꞌox yech ta xcalbe bu chbatic ta sbatel osil li crixchanoetique. Ti cꞌu xꞌelan iꞌechic liꞌ ta sba balamile jaꞌ yech chcalbeic.

Bible in Tzotzil de Chamula

³⁰ “Mu'yuc c'usi stac' jpas ta jtuc no'ox. Ti ta xichapanvane, ja' ti c'u s'elan ta xi'albat yu'un ti Jtote. Lec tuc' ti c'u s'elan ta xichapanvane, yu'un ma'uc ta jpas ti c'u s'elan ta jc'an jtuque, yu'un ja' ta jpas ti c'u s'elan ta sc'an stuc ti Jtot ti Buch'u laj stacun talele.

LEQUIL ACH' C'OP

³⁰ »Li vo'one mu c'usi ta jpas ta jcuenta jtuc. Ti c'u x'elan chichapanvane, ja ti c'u x'elan chiyalbe ti Jtote, tuc' li chapanel ta xcaq'ue, yu'un ma'uc ta jpas ti c'usi tsc'an co'on jtuque, ja' ta jpas ti c'usi tsc'an ti jtot ti ja' stacojon tale.

Tzotzil San Andres

³⁰ ’Li joꞌone mu cꞌusi xuꞌ ta jpas jtuc. Maꞌuc ta jpas li cꞌusi ta jnop jtuque. Li cꞌu sba laj yalbun li Jtote, jaꞌ noꞌox jech ta xquichꞌbe scꞌopic scotol li crixchanoetique. Tucꞌ ta xquichꞌbe scꞌopic yuꞌun jaꞌ ta jpas li cꞌusi ta scꞌan li Jtote, jaꞌ ti listac talele.

Tzotzil de Huixtán

³⁰ ’Ho'oni mu'yuc c'usi xu' cu'un ti jpas jtuc. Hech chaj c'u che'el laj yalbun ti Jtote, ja' no'ox hech ti jchapambe sc'opilal smul scotol crixchanoetic. Toj ti jchapambe sc'opilal smul scotol crixchanoetic yu'un ma'uc ti jpas ti c'usi tsc'an ti co'ntone. Ja' ti jpas c'usi tsc'an ti yo'nton ti Jtote, ja' ti laj stacun talele.

San Juan 5:30 Iomraidhean Croise

Génesis 18:25

Mu van xapas jech ti co'ol chavules li boch'o lequique xchi'uc li boch'o oy smulique, yu'un me jech chapase xco'laj xchi'uc co'ol oy smulic chc'ot. Mu me xapas jech, vo'ot ti muc'ul jchapanvanejot ta sbejel banamile. ¿Me mu ja'uc lec ti tuc' chachapane? —xi.

Salmos 96:13

Aveticuc no'ox ta stojol li Muc'ul Dios c'alal ta xtale, yu'un ja' chtal xchapan sbejel li banamile; lec tuc' chchapan, tstusan scotol li jujun lume.

Isaías 28:6

Li Muc'ul Diose ja' chac' ti tuc' ac'o chapanvanicuc li jchapanvanejetique, xchi'uc ja' chac'be stsatsal yo'nton soldadoetic sventa tsnutsic batel te no'ox ta sti' coralton li boch'o chtalic ta paspleitoe.

Sofonías 3:15

Li Muc'ul Diose laj xa sloq'ues batel ta atojol li chapanel chayac'bote; laj xa sjip loq'uel li avajcontrataque. Li Muc'ul Diose ja' li Ajvalil yu'un Israele, te oy ta atojol, jech mu'yuc xa c'usi chopol chtal ta atojol.

San Mateo 26:39

Ijelov batel jutuc li Jesuse. La spatan sba ta lumtic; la sc'opan Dios: “Tati, ti me xu'e, loq'uesbun li tsatsal vocol li'i. Pero mu me xc'ot ta pasel li c'usi tsc'an co'nton jtuque. Ja' ac'o c'otuc ta pasel li c'usi tsc'an avo'ntone”, xi.

San Juan 14:10

¿Me mu xach'un ti vu'un jun oyuncutic jchi'uc li Jtote? Li c'usi ta xcalboxuc ava'yique mu jc'opuc jtuc. Ja' sc'op li Jtot ti li' jchi'uque. Ja' stuc tspas li abteletic ta jpase.

San Juan 17:4

“Li vu'une laj xa cac'ot ta ich'el ta muc' li' ta banamil, yu'un laj xa jpas li cabtel laj avac'bun jpase.

San Juan 18:11

Li Jesuse jech laj yalbe li Pedroe: —Tic'o ochel ta sna li avespadae, yu'un ta persa chquich' li vocol ti yac'ojbun ta jba li Jtote —xut.

San Juan 4:34

Li Jesuse jech laj yal: —Li jve'ele ja' ti ta jpasbe c'usi tsc'an li Boch'o la stacun tale, xchi'uc ti ac'o jvu'esbe li yabtele.

San Juan 5:19

Li Jesuse jech laj yalbe: “Jamal chacalboxuc ava'yic, vu'un li Xnich'onun Diose mu'yuc c'usi xu' cu'un ta jpas jtuc; ja' no'ox li c'usi tspas chquil li Jtote, ja' jech ta jpas ec.

San Juan 6:38

Yu'un ti liyal tal li' ta banamile, mu ja'uc tal jpas li c'usi tsc'an co'nton jtuque. Ja' tal jpasbe c'usi tsc'an li Boch'o la stacun tale.

San Juan 8:28

Ja' yu'un jech laj yalbe yan velta: —C'alal chatoyicun muyel, vu'un li Xnich'on cristiano lic'ote, ja' to te chana'ic o ti Vu'une, xchi'uc ti mu'yuc c'usi ta jpas ta jventa jtuque, ti ja' no'ox ta jpas jech chac c'u cha'al xchanubtasojun li Jtot ti la stacun tale.

San Juan 8:42

Li Jesuse jech laj yalbe: —Ti ja'uc atotic li Diose, chac'anicun ti jechuque. Yu'un li vu'une te liquemun tal ta stojol li Diose. Muc ta co'ntonuc jtuc ti litale. Ja' la stacun tal li Diose.

San Juan 8:50

Li vu'une mu yu'unuc ta jsa' ich'el ta muc'. Oy boch'o chiyac'un ta ich'el ta muc', xchi'uc ja' ta xchapan.

Romanos 15:3

Yu'un li Cristoe mu ja'uc la spas li c'usi lec laj ya'ay stuque. Yu'un jech ts'ibabil ta sc'op Dios: “Vu'un la jcuch scotol li chopolc'optael chayac'bicot li jchopolc'optavanejetique”, xi.

Romanos 2:2

Li Diose ta jna'tic ti tuc' chapanel chac' ta stojol li boch'otic jech tspasic chac le'e.

Romanos 2:5

Ta scoj toj tsots avo'nton, ta scoj mu'yuc sutem avo'nton, ja' yu'un ja' no'ox avochel stsobel stojol amul c'alal tsta yorail chac' tuq'uil chapanel li Diose.