San Juan 5:22 - Bible in Tzotzil de Chenalhó with Deuterocanon

²² Yu'un li Jtote muc ja'uc ta xchapan stuc li cristianoetique. Vu'un yac'ojbun jventain xchapanel, vu'un li Xnich'onune.

Tzotzil Zinacantan

^22-23 Ti Jtote maꞌuc chalbe ti bu chbatic ta sbatel osil li crixchanoetique. Voꞌon ti Xchꞌamalone liyalbe ti voꞌon chcalbeique yoꞌ xiyichꞌic o ta mucꞌ scotol crixchanoetic chac cꞌu chaꞌal ichꞌbil ta mucꞌ ti Jtote. Ti muchꞌutic mu xiyichꞌic ta muqꞌue, coꞌol xchiꞌuc jaꞌ mu xichꞌic ta mucꞌ yaꞌel ti Jtot uque yuꞌun jaꞌ listac tal.

Bible in Tzotzil de Chamula

²² Mi junuc sbainoj ta xchapanel ma' ti Jtote. Laj xa yac'bun jmuc'ul jtsatsal ta xchapanel scotol,

LEQUIL ACH' C'OP

²² Li Totile ma'uc ta xchapanbe sc'oplal li crixchanoetique, yu'un ja' yac'ojbe syu'el li Xch'amale, ta scuenta ta xchapanbe sc'oplal c'u x'elan chbatic li crixchanoetique,

Tzotzil San Andres

^22-23 Li Jtote muc bu ta xichꞌbe scꞌopic li crixchanoetique. Joꞌon li Snichꞌonune yalojbun ti ta xquichꞌbe scꞌopique, yoꞌ jech acꞌo yichꞌicun ta mucꞌ scotol crixchanoetic jech chac cꞌu chaꞌal ta xꞌichꞌe ta mucꞌ li Jtote. Li buchꞌutic mu xiyichꞌic ta muqꞌue, mu xichꞌic ta mucꞌ eꞌuc li Jtot yaꞌele, jaꞌ ti listac talele.

Tzotzil de Huixtán

²² Ti Jtote mu xchapambe sc'opilal crixchanoetic yu'un smulic. Ho'on ti Snich'onune scotol yac'ojbun jchapambe sc'opilal crixchanoetic yu'un smulic.

San Juan 5:22 Iomraidhean Croise

Salmos 96:13

Aveticuc no'ox ta stojol li Muc'ul Dios c'alal ta xtale, yu'un ja' chtal xchapan sbejel li banamile; lec tuc' chchapan, tstusan scotol li jujun lume.

Salmos 98:9

Scotolic ac'o cuxetuc yo'ntonic ta stojol li Muc'ul Diose, yu'un ja' chtal xchapan sbejel li banamile. Lec tuc' chchapan scotol li banamile; lec co'ol chchapan scotol li jujun lume.

Eclesiastés 11:9

Querem tsebetic, cuxetuc no'ox avo'ntonic ta sventa ti ach'iumalic toe; loq'ueso avo'ntonic ta sc'upinel c'usi oy ta avo'ntonic ti c'alal ja' to avich'ojbeic tal yipale. Pasic scotol li c'usi tsc'an avo'ntonique xchi'uc li c'usi chavil ta asatique, pero na'ic me ti tsta yorail ta xchapanoxuc Dios ta sventa scotol li c'usitic chapasique.

Eclesiastés 12:14

Yu'un li Diose tsta yorail ta stsob ta chapanel scotol li c'usi ta jpastique xchi'uc li c'usi mucul pasbile, ac'o me lec, o me chopol.

San Mateo 11:27

Jech lic yal yan velta li Jesuse: “Scotol li c'usitic oye, yac'ojbun ta jc'ob li Jtote. Mu'yuc boch'o yan sna'be c'u x'elan yo'nton li Nich'onile, ja' no'ox sna' stuc li Totile. Ja' no'ox jech ec li Totile, mu'yuc yan boch'o sna'be c'u x'elan yo'nton, ja' no'ox sna' li Nich'onile, xchi'uc ja' no'ox tsna'ic ec li boch'otic ta x'ac'bat sna'ic yu'un li Nich'onile.

San Mateo 16:27

Yu'un ta to sta sc'ac'alil chital xchi'uc xojobal Jtot, vu'un ti Xnich'on cristiano lic'ote. Ta jchi'in yalel tal li j'almantaletic cu'une, ja' ta xtal cac'be stojol jujun cristiano ti c'u x'elan la spasique.

San Mateo 28:18

Inoch'aj tal li Jesuse jech laj yalbe: —Li'ac'bat xa scotol jvu'el ta sventainel li vinajel xchi'uc banamile.

San Juan 17:2

Yu'un laj avac'bun jvu'el ta sventa scotol cristianoetic, yu'un jech xu' ta xcac'be xcuxlejalic ti c'u yepal chavac'bune.

San Juan 3:35

Li Totile lec sc'anoj li Xnich'one. Laj yac'be ta sc'ob scotol li c'usitic oye.

San Juan 5:27

Jech noxtoc, yac'ojbun jvu'el sventa chichapanvan, yu'un Xnich'on Cristiano lic'ot.

San Juan 9:39

Li Jesuse jech laj yalbe: —Ti lital li' ta banamile ja' sventa tal cac' vinajuc c'u x'elan stalel li cristianoetique. Yu'un jech ac'o yilic osil li boch'otic mu xilic osile, xchi'uc jech ac'o comicuc o ta ma'sat li boch'otic xilic osil scuyojique —xi.

Hechos 10:42

Laj yalbuncutic comel mantal ti ac'o jcholbecutic scotol cristianoetic ti ac'o calcutic ta jamal ti ja' i'ac'bat yabtel yu'un Dios sventa chc'ot ta Jchapanvanej yu'un li boch'otic cuxajtique xchi'uc li boch'otic chamenic xae.

Hechos 17:31

Yu'un li Diose sa'ojbe xa jun sc'ac'alil c'usi ora ta xich'ic chapanel scotol li cristianoetic ta banamile. Tuc' ta xchapanatic ta sventa ti c'u x'elan la spasic jujunique. Ac'bil xa ta ilel li boch'o ta xchapanvane, yu'un icha'cuxesat xa loq'uel ta smuquinal yu'un li Diose”, xi li Pabloe.

Romanos 2:16

Pero c'alal tsta yorail yu'un Dios ta xchapan scotol cristianoetic ta sventa li Jesucristoe, scotol ta xac' ta ilel, ac'o me ta mucul pasbil, yu'un ja' jech chal li Lequil A'yej ta jchole.

2 Corintios 5:10

Yu'un jcotoltic persa chc'ot jva'an jbatic yo' bu chchapanvan li Cristoe. Yu'un jech ta jujuntal chc'ot quich'tic li stojol cabteltique, me lec, o me chopol, ja' ti c'u x'elan la jpastic xchi'uc li jbec'taltic ti sna' xlaje.

2 Timoteo 4:1

Ta xcalbot mantal ta stojol Dios xchi'uc ta stojol li Jesucristoe, ja' li boch'o ta to xtal ta Ajvalilal sventa chtal xchapan li boch'otic cuxajtique xchi'uc li boch'otic chamenique.

1 Pedro 4:5

Le'e ta to xich'ic chapanel yu'un li Boch'o chapal sventa chac'be stoj smul li boch'otic cuxulique xchi'uc li boch'otic chamenique.