San Juan 5:19 - Bible in Tzotzil de Chenalhó with Deuterocanon

¹⁹ Li Jesuse jech laj yalbe: “Jamal chacalboxuc ava'yic, vu'un li Xnich'onun Diose mu'yuc c'usi xu' cu'un ta jpas jtuc; ja' no'ox li c'usi tspas chquil li Jtote, ja' jech ta jpas ec.

Tzotzil Zinacantan

¹⁹ Iꞌalbatic noxtoc yuꞌun ti Jesuse: ―Ta melel chacalbeic, voꞌon ti Xchꞌamalon ti Rioxe, mu cꞌusi ti jtuc noꞌox ta jpase. Ti cꞌusi tspas chquil ti Jtote, jaꞌ ta jpas. Scotol ti cꞌusi ta spas ti Jtote, jaꞌ noꞌox yech ta jpas uc.

Bible in Tzotzil de Chamula

¹⁹ Xi laj yal ti Jesuse: —J'ech'el ta xcalboxuc ava'iic, ti vu'un Xnich'onun ti Diose, mu'yuc c'usi stac' jpas ta jtuc no'ox. Ja' no'ox ta jpas ti c'u s'elan ta xquil ta spas ti Jtote. Scotol ti c'usi ta spas ti Jtote, ja' jech ta jpas ti vu'un Xnich'onune.

LEQUIL ACH' C'OP

¹⁹ I'albatic yu'un ti Jesuse: «Ta melel chacalbeic, ti Xch'amal Rioxe, mu c'usi tspas ta smantal stuc; ja' no'ox tspas ti c'usi chil tspas ti Stote. Scotol ti c'usi tspas ti Stote, ja' no'ox yech tspas li Ch'amalil uque.

Tzotzil San Andres

¹⁹ Li Jesuse jech laj yalbe: ―Melel li cꞌusi chacalbeique, joꞌon Snichꞌonun li Diose mu cꞌusi xuꞌ ta jpas jtuc. Li cꞌu sba ta spas li Jtote jaꞌ noꞌox jech ta jpas eꞌuc.

Tzotzil de Huixtán

¹⁹ Ti Jesuse hech laj yalbe: ―Melel ti c'usi chacalbeique, ho'on ti Snich'onun ti Diose, mu'yuc c'usi xu' cu'un ti jpas jtuc. Ja' no'ox ti jpas ti c'usi laj jq'uel tspas ti Jtote. Ti c'usi tspas ti Jtote, ja' ti jpas uc ho'on ti Snich'onune.

San Juan 5:19 Iomraidhean Croise

Génesis 1:1

Ta sliqueb c'alal lic ayinuc scotole, Dios la spas li vinajel xchi'uc banamile.

Génesis 1:26

Ts'acal to jech laj yal: “Jpastic, cristiano jech chac c'u cha'al vu'utic; ja' jloc'ol jq'uexoltic chc'ot. Yu'un ac'o sventainic li choyetique, li mutetique, li chonbolometic ti stac' ts'unele, xchi'uc ti mu stac' ts'unele, xchi'uc li chonetic ti xquilet ta banamil chanovique”, xi.

Salmos 138:3

C'alal xivocolet ta atojole, laj atac'bun li jc'ope; laj avac'bun lec stsatsal co'nton yan velta.

Salmos 27:14

Junuc avo'nton ta stojol li Muc'ul Diose. Tsotsan me, paso ta tsots avo'nton. Ta melel junuc avo'nton malao chascoltaot li Muc'ul Diose.

Salmos 50:6

Li vinajele ta xal ta jamal ya'yel ti ja' tuq'uil jchapanvanej li Diose.

Éxodo 4:11

Itac'ov li Muc'ul Diose: —¿Boch'o la spasbe ye li cristianoetique? ¿Me muc vu'cun jech ta jpas ti oy uma', ti oy coc, ti oy ma'sat, xchi'uc ti oy boch'o lec xil osile?

Proverbios 2:6

Yu'un li Muc'ul Diose ja' chijyac'butic li jbijiltique; ja' chloc' tal ta ye stuc li bijubtasel xchi'uc li c'usi tsc'an ta xcotquintic batele.

Isaías 44:24

Li Muc'ul Dios, ja' li Jpojvanej avu'un ti la xchapanot tal ta yut ch'utile, jech chal: “Vu'un Muc'ul Diosun, jtuc la jpas scotol li c'usitic oye; jtuc la jlich'an batel li vinajele; jtuc la jnacan lec li banamile.

Isaías 45:24

Jech chlic yalic ta jtojol: ‘Ja' no'ox ta sventa Muc'ul Dios ta jtatic coltael, ta jtatic c'uxubinel’, xiic. Li boch'otic chopol yo'ntonic ta jtojole, j'ech'el tsalbil chcomic o.

Jeremías 17:10

Vu'un li Muc'ul Diosune, xcotquin c'u x'elan yut yo'nton, jna'oj c'usi tsnop li cristianoe, yu'un jech ta xcac'be stojolic jujun li c'usi tspasique xchi'uc ti c'u x'elan yabtelique”, xi.

San Mateo 26:39

Ijelov batel jutuc li Jesuse. La spatan sba ta lumtic; la sc'opan Dios: “Tati, ti me xu'e, loq'uesbun li tsatsal vocol li'i. Pero mu me xc'ot ta pasel li c'usi tsc'an co'nton jtuque. Ja' ac'o c'otuc ta pasel li c'usi tsc'an avo'ntone”, xi.

San Lucas 21:15

Yu'un vu'un chcac' ana'ic c'usi chavalic, xchi'uc vu'un ta xcac'boxuc abijilic. Jech mu xastsaloxuc ta lo'il, jech mu xu' yu'unic staq'uel li boch'o ta scontrainoxuque.

San Juan 10:18

Mu'yuc boch'o xu' yu'un chismilun. Slequil co'nton jtuc ta xcac' jba ta milel. Xu' cu'un ta xcac' jba ta milel. Xu' cu'un chicha'cuxi noxtoc, yu'un ja' jech smantal li Jtote —xi.

San Juan 12:49

Yu'un ma'uc laj cal c'usi oy ta co'nton jtuc. Ja' Jtot laj yalbun mantal c'usi xu' chcal, xchi'uc c'u x'elan chic'opoj, ja' li boch'o la stacun tale.

San Juan 12:50

Li smantal Jtote jna'oj ti ja' cuxlejal sventa sbatel osile. Ja' yu'un li c'usitic ta xcale ja' li c'usi yalojbun Jtote”, xi li Jesuse.

San Juan 14:10

¿Me mu xach'un ti vu'un jun oyuncutic jchi'uc li Jtote? Li c'usi ta xcalboxuc ava'yique mu jc'opuc jtuc. Ja' sc'op li Jtot ti li' jchi'uque. Ja' stuc tspas li abteletic ta jpase.

San Juan 2:19

Itac'ov li Jesuse: —Vuq'uesic li ch'ulna li'i, ta oxib c'ac'al ta jcha'va'an —xut.

San Juan 3:3

Itac'ov li Jesuse: —Ta melel, jamal ta xcalbot ava'ay, li boch'o mu'yuc chcha'voc' ta ach'e, mu xu' chich' ventainel yu'un Dios —xut.

San Juan 5:21

Jech chac c'u cha'al ta xcha'cuxes animaetic li Jtote xchi'uc ti ta xac'be xcuxlejalique, ja' no'ox jechun ec, xu' ta jcha'cuxes li boch'o ta jc'an ta jcha'cuxese; ta xcac'be xcuxlejal ec.

San Juan 6:38

Yu'un ti liyal tal li' ta banamile, mu ja'uc tal jpas li c'usi tsc'an co'nton jtuque. Ja' tal jpasbe c'usi tsc'an li Boch'o la stacun tale.

San Juan 8:28

Ja' yu'un jech laj yalbe yan velta: —C'alal chatoyicun muyel, vu'un li Xnich'on cristiano lic'ote, ja' to te chana'ic o ti Vu'une, xchi'uc ti mu'yuc c'usi ta jpas ta jventa jtuque, ti ja' no'ox ta jpas jech chac c'u cha'al xchanubtasojun li Jtot ti la stacun tale.

San Juan 9:4

C'alal sac to osile, persa ta jpasbetic yabtel li Jtot ti la stacun tale. Yu'un tsta yorail ta xtal li ac'ubale; ja' yorail mu'yuc xa boch'o ch-abtej.

Hechos 2:24

Pero icha'cuxesat yu'un Dios, jech icol o loq'uel ta sventa lajel, yu'un mu xu' ti tsalbil chcom yu'un li lajele.

Romanos 6:4

Ta sventa ti laj quich'tic vo'e, co'ol lijmucatutic jchi'uctic Cristo noxtoc. Ta sventa ti lijchamutique, jech xu' chijcha'cuxiutic noxtoc jech chac c'u cha'al icha'cuxesat ta stsatsal Dios li Cristoe, jech ach' xa jtaleltic chquich'tic.

Romanos 8:11

Me te xa nacal ta avo'ntonic li Espíritu ti la xcha'cuxes loq'uel ta smuquinal li Jesuse, ja' jech ta xcha'cuxesboxuc ec li abec'talic ti stalel chchame. Ti jech ta xcha'cuxesboxuc abec'talique, ja' ta sventa li Espíritu yu'un Dios te oy ta avo'ntonique.

1 Corintios 15:12

Li vo'oxuque laj xa avich'ic cholbel ti icha'cuxesat loq'uel ta smuquinal li Cristoe. ¿C'u yu'un oy boch'o avu'unic chal ti mu'yuc cha'cuxesele?

2 Corintios 4:14

Yu'un jna'ojcutic lec, li Dios ti la xcha'cuxes Cajvaltic Jesuse ja' no'ox jech chixcha'cuxesuncutic ec jech chac c'u cha'al la xcha'cuxes li Jesuse. Jech c'alal ta vo'oxuc co'ol chijyic'utic batel ta stojol jcotoltic.

2 Corintios 5:10

Yu'un jcotoltic persa chc'ot jva'an jbatic yo' bu chchapanvan li Cristoe. Yu'un jech ta jujuntal chc'ot quich'tic li stojol cabteltique, me lec, o me chopol, ja' ti c'u x'elan la jpastic xchi'uc li jbec'taltic ti sna' xlaje.

Efesios 2:5

ac'o me chamenutic to'ox ta scoj li jchopoliltique, ta scoj li jmultique, pero co'ol la xcha'cuxesutic xchi'uc li Cristoe. Jech ta sventa slequil yo'nton Dios ti colemutic xae.

Efesios 3:16

Yu'un jech ac'o yac'boxuc scotol li slequilal yutsilale, xchi'uc jech ac'o abtejuc svu'el ta yut avo'ntonic ta sventa li Ch'ul Espíritu yu'une.

Filipenses 3:21

Ja' chvul sc'atajesbutic ta ach' li jbec'taltic li' quich'ojtic ti toj abul sbae. Jech co'ol yutsil jbec'taltic chijc'ot jchi'uctic. Ja' jech tspas ta sventa li svu'el ti sventainoj o scotol c'usitic oye.

Filipenses 4:13

Scotol xu' cu'un ta sventa Cristo, yu'un ja' chiyac'bun jtsatsal.

Colosenses 1:11

Xchi'uc jech chatsatsubic ta sventa li svu'el ti toj ech'em slequile, jech ch-ayin lec smuc'ul avo'ntonic, jech chcuch avu'unic scotol li vocole.

Colosenses 1:16

Ja' ta sventa i'ayin scotol li c'usitic oy ta vinajele, li c'usitic oy ta banamile, xchi'uc li c'usitic xquil ta jsatique, xchi'uc li c'usitic mu xquil ta jsatique, ti tsots tspasic mantale, ti ch'unbil smantalique, ja' li banquilaletique, ti tsots svu'elique. Scotol le'e ja' laj yich'ic pasel yu'un li Cristoe, xchi'uc ja' sventa ac'o ich'atuc ta muc'.

1 Tesalonicenses 4:14

Yu'un me jch'unojtic ti icham li Jesuse xchi'uc ti icha'cuxie, ja' no'ox jech ec li boch'otic oyic ta stojol Jesús c'alal chchamique, ta x'ic'atic batel yu'un Dios c'alal chtal li Jesuse.

1 Pedro 3:18

Yu'un li Cristoe laj ono'ox yich' vocol ec ti c'alal icham ta scoj jmultique. Jun no'ox velta j'ech'el la xch'aybutic o. Li stuque mu'yuc smul, pero laj yich' vocol ta scoj jpasmuliletic, yu'un jech chijyic'utic batel ta stojol Dios. Icham xchi'uc sbec'tal, pero icha'cuxi xchi'uc ach' sbec'tal ta sventa Espíritu.

Apocalipsis 2:23

Yan li mero yalabtac stuc li antse, ta jmilic o. Yu'un jech tsna'ic o scotol cu'untac ta jujutsob ti vu'un jna'ojbe, ti vu'un xcotquinbe yo'nton li cristianoetique, xchi'uc ti vu'un ta xcac'be stojol ti c'u x'elan yabtelique.