San Juan 5:10 - Bible in Tzotzil de Chenalhó with Deuterocanon

¹⁰ Li j'abteletic yu'un judioetique jech laj yalbeic li vinic ti colem xae: —Li'i ja' sc'ac'alil ta jcux co'ntontic. Mu smeloluc ti chavich' batel apope —xutic.

Tzotzil Zinacantan

¹⁰ Ti cajmeltsanejcꞌopticotique iyalbeic ti muchꞌu iꞌechꞌ xchamele: ―Lavie ta jcuxtic. Mi chavichꞌ echꞌel lapope, yuꞌun mu xachꞌunbe smantal ti Rioxe ―xutic.

Bible in Tzotzil de Chamula

¹⁰ Jech o xal ti israeletique xi laj yal ta stojol ti buch'u cole: —Avi li'e, sc'ac'alil ti cuxob o'ntonale, jech mu stac' xavich' batel ti apope.

LEQUIL ACH' C'OP

¹⁰ ti jurioetique xi iyalbeic ti much'u icol li xchamele: ―Lavie ja' sc'ac'alil ta jcuxtic; ch'abal permiso chatam ech'el lavayebe ―xutic.

Tzotzil San Andres

¹⁰ Li jꞌabteletic cuꞌuncutique jech laj yalbeic li vinic ti colem xae: ―Li avie jaꞌ scꞌacꞌalil ta jcuxtic. Mi chavichꞌ batel la apope, chapꞌajbe smantal li Diose ―xutic.

Tzotzil de Huixtán

¹⁰ Hech yu'un ti totiletic cu'untutic ono'oxe laj yalbeic ti vinique ti icol xa ti chamele: ―Ja' sc'ac'alil to ti jcux co'ntontic. Chap'aj mantal yu'un ti chavich' batel ti apope ―x'uti.

San Juan 5:10 Iomraidhean Croise

Isaías 58:13

“Chabiic me li sc'ac'alil chacux avo'ntonique; mu me xachonolajic, mu me xamanulajic ta yorail li ch'ul c'ac'al cu'une. Li jun c'ac'al le'e, ja'uc me sc'ac'alil ti xcuxet no'ox avo'ntonique; ja'uc me ch'ul c'ac'al chc'ot avu'unic sventa chavich'icun ta muc'. Tsotsuc me sc'oplal chava'yic, mu me bu xaxanovic; mu me xachonolajic, mu me xamanulajic; mu me xachapan ava'yejic.

Jeremías 17:21

Jech ta xal: Q'uelo me abaic, mu me xa'icatsinic ta sc'ac'alil chacux avo'ntonique; mu me xacuchic ochel avicatsic li' ta ti'coraltonetic ta Jerusalene.

Jeremías 17:27

Pero me mu xach'unic ti tsc'an chavoc'bicun o li sc'ac'alil chacux avo'ntonique, ti tsc'an mu xacuchic ochel avicatsic ta sti' li coraltonetic ta Jerusalene, ta jtsanbe sc'ac'al li ti'coraltonetique xchi'uc scotol li naetic ta Jerusalene, me jutuc mu xtu'p o’, uto”, xi li Muc'ul Diose.

San Mateo 12:10

Te oy jun vinic xmoch'oj sba jun sc'ob. Te lic sjac'beic Jesús jayibuc fariseoetic, yu'un tsq'uelic me xu' ta stabeic o smul: —¿Me xu' chijcoltavan ta sc'ac'alil ta jcux co'ntontique? —xutic.

Marcos 2:24

Li fariseoetique jech lic yalbeic li Jesuse: —Q'uelavil, ¿c'u yu'un ta spasic c'usi mu stac' jpastic ta sc'ac'alil ta jcux co'ntontic li avajchanc'optaque? —xutic.

Marcos 3:4

Li Jesuse jech la sjac'be li fariseoetique: —Ta sc'ac'alil ta jcux co'ntontique ¿me ja' lec ta jpastic c'usi lec, o me ja' lec ta jpastic c'usi chopol? ¿Me ja' lec chijcoltavan, o me ja' lec chijmilvan? —xut. Muc xtac'ov ic'otic.

San Lucas 13:14

Li banquilal te ta nail tsobobbaile i'ilin ti c'alal icoltavan Jesús ta sc'ac'alil cuxub o'ntonale, jech laj yalbe li cristianoetique: —Oy vaquib c'ac'al xu' chij'abtejutic. Ja'o xatalic me chac'anic coltaele. Mu xatalic ta sc'ac'alil ta jcux co'ntontic —xut.

San Lucas 23:56

C'alal isutic batel ta snaique, c'ot xchapanic muil vomoletic xchi'uc muil poxiletic, pero la xcux yo'ntonic ba'yuc ta sc'ac'alil ta chcux yo'ntonic jech chac c'u cha'al chal li mantaletic yu'unique.

San Lucas 6:2

Jech i'albatic yu'un jayibuc fariseoetic: —¿C'u yu'un chapasic c'usi mu stac' jpastic ta sc'ac'alil ta jcux co'ntontique? —x'utatic.

San Juan 1:19

Li j'abteletic yu'un judioetique la staquic batel jayibuc paleetic xchi'uc levietic ta stojol li Juane, jech c'ot sjac'beic: —¿Boch'oot li vo'ote? —xutic.

San Juan 5:11

Itac'ov li vinique: —Li boch'o la scoltaune ja' stuc jech laj yalbun: ‘Ich'o batel apop, xanovan’, xiyutun —xi.

San Juan 5:15

Li vinique bat yalbe j'abteletic yu'un judioetic ti ja' icoltaat yu'un li Jesuse.

San Juan 5:16

Ja' yu'un li j'abteletic yu'un judioetique te lic scontrainic li Jesuse; solel tsc'an ta smilic o ta scoj ti jech la spas ta sc'ac'alil cuxub o'ntonale.

San Juan 7:23

Me xu' chavac'beic circuncisión ta sbec'tal jun olol ta sc'ac'alil ta jcux co'ntontic yu'un jech mu xabajbeic o smantal li Moisese, ¿c'u yu'un cha'ilinic cu'un ec ti la jcoltabe scotol sbec'tal jun vinic ta sc'ac'alil ta jcux co'ntontique?

San Juan 9:16

Oy jayibuc fariseoetic jech laj yalic: —Muc tacbiluc tal yu'un Dios li vinic chavale, yu'un mu xchabi sc'ac'alil ta jcux co'ntontic —xutic. Oy yantic jech laj yalic: —Pero ¿c'u x'elan xu' yu'un ta spas sq'uelubil stsatsal Dios li jun jpasmulile? —xiic. Jech cha'oxvoc' ic'otic li fariseoetique.