San Juan 4:42 - Bible in Tzotzil de Chenalhó with Deuterocanon

⁴² Jech laj yalbeic li antse: —Mu ja'uc no'ox ta sventa laj avalbuncutic ti la jch'uncutique. Ja' ta sventa ti laj ca'ay jtuccutic ilo'ilaje. Jech ta jna'cutic o ti ja' li Cristoe, ti ja' Jcoltavanej yu'un scotol cristiano ta sbejel banamile —xutic.

Tzotzil Zinacantan

⁴² ―Maꞌuc noꞌox ijchꞌunticotic o ti cꞌu yepal avalboticotique. Yuꞌun icaꞌi jtucticotic ti cꞌu xꞌelan ta xchanubtasvane. Jaꞌ ijchꞌunticotic o ti jaꞌ xa li muchꞌu tꞌujbil yuꞌun Riox tstoj jmultic jcotoltic ta sjunlej balamile ―xutic ti antse.

Bible in Tzotzil de Chamula

⁴² Xi laj yalbeic ti antse: —Avi tanae, ma'uc no'ox ta jch'uncutic ti c'usi laj avale, yu'un laj xa ca'icutic, laj xa jna'cutic ti ja' ta melel ti Cristoe, Jcoltavanej yu'un ti jnaclejetic ta banomile.

LEQUIL ACH' C'OP

⁴² Li antse ja' yech i'albat yu'un xchi'iltac chac li'i: «Lavie ijch'unticotic xa, ma'uc no'ox ijch'unticotic o ti c'u yepal avalboticotique, yu'un ica'i jtucticotic ti c'usitic iyale, lavi une jna'ojticotic xa ti ja' ti much'u tal scolta li crixchanoetic ta sjunlej balamile.» ―Xutic ti antse.

Tzotzil San Andres

⁴² Jech laj yalbeic li antse: ―Maꞌuc noꞌox ta sventa ti cꞌu sba la avalbuncutic ti la jchꞌuncutique. Icaꞌicutic jtucutic li cꞌu sba ta xchanubtasvane. Jech ta jnaꞌcutic o ti jaꞌ tꞌujbil yuꞌun Dios ti chiscoltautic yuꞌun jmultic jcotoltic ta spꞌejel li balumile ―xiic.

Tzotzil de Huixtán

⁴² Hech yu'un hech lic yalbeic ti antse: ―Ma'uc no'ox ti sventa ti ac'op ti laj xa jch'untutique. Yu'un laj xa ca'ibetutic sc'op ti stuque, hech yu'un ti jna'tutic ti ja' ti Cristoe, ja' ti Jcoltavanej cu'untic jcotoltic xchi'uc ti sjoylejal balumil ―xchiic.

San Juan 4:42 Iomraidhean Croise

Isaías 45:22

“La'ic ta jtojol acotolic, buyuc no'ox oyoxuc ta sbejel banamil, vu'un chajcoltaoxuc, yu'un vu'un jtuc Diosun, mu'yuc yan dios.

Isaías 52:10

Chac' ta ilel svu'el stsatsal ta jujun banamil; scotol cristianoetic c'alal to ta jujujot sti' banamil tsq'uelic c'u x'elan tscoltautic li Dios cu'untique.

San Mateo 1:21

Jun querem ta svoq'ues; Jesús, chavac'be sbi, yu'un ja' ta scolta yu'un smulic li jteclum yu'une”, xi.

San Lucas 2:32

Ja' sac osil chc'ot yu'unic ec li yanlum cristianoetique; ja' slequilalic chc'ot li ateclumal Israele”, xi li Simeone.

San Juan 1:29

Ta yoc'omal laj yil Juan ti te ta xtal Jesús yo' bu oye, jech laj yal: “Q'uelavilic, le' xa xtal li ch'ium chij yu'un Dios ti chch'aybe smul scotol cristianoetic ta banamile.

San Juan 11:17

Jech ibat li Jesuse. C'alal ic'ote, xchanibal xa'ox c'ac'al smuquel li Lazaroe.

San Juan 17:8

Yu'un li ac'op laj avalbune, laj xa calbe ya'yic ec, jech laj yich'ic ta muc'. Laj xa yotquinic ti ta melel te liquemun tal ta atojole, xchi'uc laj xa xch'unic ti vo'ot laj atacun tale.

San Juan 4:29

—Oy jun vinic laj yalbun scotol li c'usitic jpasoje. Batic, bat jq'ueltic avilic. Ja' xa van li Cristoe —xut.

San Juan 4:41

Yo'to i'epaj boch'o la xch'unic ta sventa ti laj ya'yic ilo'ilaj stuc li Jesuse.

Hechos 13:23

Li Diose ja' te la sloq'ues jun Jcoltavanej yu'un Israel ta stojol li smomnich'nab Davide, ja' li Jesuse, yu'un jech ono'ox yaloj ta vo'one li Diose.

Hechos 4:12

Yu'un mu'yuc bu yan xu' ta jtatic coltael; mu'yuc boch'o yan albil sc'oplal yu'un Dios li' ta banamil ti xu' chijcolutic yu'une —xi li Pedroe.

Hechos 5:31

Pero li Diose laj xa yac' ta ich'el ta muc' te ta sbats'ic'ob. Laj yac' c'otuc ta Jpasmantal, ta Jcoltavanej, yu'un jech ac'o sutes yo'ntonic ta stojol li israeletique, jech xu' tspasbatic perdón yu'un smulic.

2 Corintios 5:19

Ja' ta sventa Cristo lic sco'lajes yo'nton xchi'uc cristianoetic li Diose. Mu xa ja'uc tst'ab ta yo'nton li jmultic jsa'ojtic ta stojole. Ja' yu'un laj yac'bun cabtelcutic xcholel ti ico'laj xa co'nton jchi'uctique.

1 Timoteo 4:10

Ja' yu'un chij'abtejutic xchi'uc ta jts'ictic li vocole. Yu'un ja' jpatoj co'ntontic ta stojol li cuxul Diose, ja' li Jcoltavanej yu'un scotol cristianoetique, pero ja' ech'em ta xcoltaatic li boch'otic xch'unojique.

1 Juan 2:2

Yu'un ja' laj yac' sba ta milbil matanal sventa la stojbutic jmultic. Mu ja'uc no'ox vu'utic ti la stojbutic jmultique; ja' smul scotol cristianoetic ta sbejel banamil la stojbe.

1 Juan 4:14

Li vu'uncutique laj quil jtuccutic ti la stac tal Xnich'on li Jtotic Diose sventa tal scolta li cristianoetic li' ta banamile.

1 Juan 5:20

Ta jna'tic noxtoc ti i'ay ta banamil li Xnich'on Diose, laj yac'butic jbijiltic sventa ac'o cotquintic li bats'i Dios ta melele. Jun me ac'o oyuticuc o jchi'uctic li Boch'o ta melel ja' stuc oe, ja' li Jesucristo Xnich'on Diose. Le'e ja' bats'i Dios ta melel; ja' Cuxlejal sventa sbatel osil.