San Juan 4:39 - Bible in Tzotzil de Chenalhó with Deuterocanon

³⁹ Jech ep samaria cristianoetic laj yich'ic ta muc' Jesús ta sventa li antse, yu'un jech laj yal: “Laj yalbun scotol li c'usi jpasoje”, xi.

Tzotzil Zinacantan

³⁹ Ep jsamariaetic tey ta Sicare ixchꞌunic ti jaꞌ tꞌujbil yuꞌun Riox tspasvan ta mantal ti Jesuse ti cꞌalal iyal ti antse ti iꞌalbat scotol ti cꞌusitic spasoje.

Bible in Tzotzil de Chamula

³⁹ Ti jnaclejetic ta Samariae ep laj xch'unic ti Jesuse ta sventa ti ants ti xi laj yale: “Laj yalbun scotol ti c'usi laj jpase.”

LEQUIL ACH' C'OP

³⁹ Ep jnaclejetic tey ta jteclum Samariae, ixch'unic ti ja' ti much'u tacbil tal yu'un ti Rioxe, ja' ti c'alal xi iyal ti antse: «Li yalbe scotol ti c'usitic jpasoje.» —Ti xie

Tzotzil San Andres

³⁹ Ep jsamariail crixchanoetic li te nacalic ta jteclume la schꞌunic ti jaꞌ tꞌujbil yuꞌun Dios li Jesús ti chventainvan li cꞌalal jech laj yal li antse: “Laj yalbun scotol li cꞌustic jpasanoje”, xi.

Tzotzil de Huixtán

³⁹ Ep ti samariaetique, ja' ti much'utic te nacajtic ti jteclume, laj xch'unic ti ja' ti Cristoe ti sventa ti sc'op ti antse ti laj yalbee: “Laj yalbun scotol ti c'usi jpasoje”, ti xchie.

San Juan 4:39 Iomraidhean Croise

San Mateo 10:5

Li lajchabique (12) lic stacan batel li Jesuse, la xchanubtas lec batel, jech laj yalbe: “Mu me xa'ochic ta jxoluc sbe li yanlumetique. Mu me xa'ochic ta junuc lum yu'un li samariaetique.

San Juan 1:37

C'alal laj ya'yic li chib yajchanc'ope, bat xchi'inic li Jesuse.

San Juan 11:45

Li judioetic te xchi'inojic tal Mariae ep boch'otic la xch'unic ti c'alal laj yilic c'usi la spas li Jesuse.

San Juan 4:29

—Oy jun vinic laj yalbun scotol li c'usitic jpasoje. Batic, bat jq'ueltic avilic. Ja' xa van li Cristoe —xut.

San Juan 4:30

Ta ora iloq'uic tal li cristianoetic te ta lume, tal sq'uelic li Jesuse.

San Juan 4:38

Vu'un ta jtacoxuc batel ta xtuch'el ti bu muc vo'ocoxuc avabtelique; yan o boch'o i'abtejic. Vo'oxuc xa chbat atuch'beic sat li yabtelique —xi li Jesuse.

San Juan 4:40

Ja' yu'un la stsob sbaic tal ep samaria cristianoetic yu'un tal sq'uelic li Jesuse. La sc'anbeic vocol ti ac'o to pajuque, jech te ipajic chib c'ac'al.

San Juan 4:42

Jech laj yalbeic li antse: —Mu ja'uc no'ox ta sventa laj avalbuncutic ti la jch'uncutique. Ja' ta sventa ti laj ca'ay jtuccutic ilo'ilaje. Jech ta jna'cutic o ti ja' li Cristoe, ti ja' Jcoltavanej yu'un scotol cristiano ta sbejel banamile —xutic.

San Juan 4:5

Jech te ic'ot ta jun lum Sicar ta Samaria banamil ta nopol yosil li José ta vo'one ti i'ac'bat comel yu'un stote, ja' li Jacobe.

San Juan 4:8

Li yajchanc'optaque ja'o batemic ta yut lum, yu'un bat sman tal sve'elic.