San Juan 4:27 - Bible in Tzotzil de Chenalhó with Deuterocanon

²⁷ C'alal ja'o te chlo'ilajique, ja'o ivulic li yajchanc'optaque. Toj ch'ayel ic'ot yo'ntonic c'alal laj yilic ti chchi'in ta lo'il ants li Jesuse. Pero me junuc mu'yuc boch'o junucal la sjac' c'usi tsjac'be, xchi'uc c'usi ta xalic.

Tzotzil Zinacantan

²⁷ Ti cꞌalal yolel chloꞌilajique, jaꞌo licꞌototicotic voꞌoticotic ti yajchancꞌopoticotique. Xchꞌayet xa coꞌonticotic ti iquilticotic chloꞌilaj xchiꞌuc jun ants ti Jesuse. Pero mi jun muc bu ijacꞌbeticotic cꞌusi ti sloꞌilique, cꞌusi tsjacꞌbe ti antse.

Bible in Tzotzil de Chamula

²⁷ C'alal yacal ta xlo'ilaj ti Jesuse, ja' o vulic ti yajchanc'optaque. Yan o laj yilic ti jech ta xchi'in ta lo'il ants ti Jesuse, ac'o mi mu'yuc buch'u junucal laj sjac'beic c'usi ta sc'an, c'usi ti slo'ilique.

LEQUIL ACH' C'OP

²⁷ Ja'o xa ic'ot ti yajchanc'optaque, xch'ayet xa o yo'onic yolel ti chlo'ilaj xchi'uc jun ants ti Jesuse. Pero mi jun muc' much'u isjac' c'usi tsc'an xchi'uc c'usi ti yolel tslo'iltaique.

Tzotzil San Andres

²⁷ Cꞌalal yaquic ta loꞌil schiꞌuc li ants li Jesuse, jaꞌ o lijulcutic talel, joꞌoncutic li yajchanbalajeltacuncutique. Toj chꞌayel noꞌox coꞌoncutic cꞌalal iquilcutic ti chloꞌilaj schiꞌuc jun jsamariail ants li Jesuse. Pero muc buchꞌu la sjacꞌ junucal cuꞌuncutic ti cꞌusi tsjacꞌbe li antse schiꞌuc ti cꞌu chaꞌal chloꞌilaj schiꞌuque.

Tzotzil de Huixtán

²⁷ Te yac'oj sba chlo'laj xchi'uc ti antse hul jtatutic ti Jesuse, ho'ontutic ti yajchanc'opuntutique. Hech yu'un ich'ay co'ntontutic yu'un scotol ti much'u ochem ti chanubtasvaneje mu stac' chlo'laj xchi'uc ants mi ti be mi ti calle. Muc xjam cu'untutic yu'un ti jac'betutic: ¿C'usi chajac'be? ¿C'u yu'un chalo'laj xchi'uc? muc xichitutic mi junuc.

San Juan 4:27 Iomraidhean Croise

San Mateo 8:10

C'alal jech laj ya'ay li Jesuse, ch'ayel ic'ot yo'nton. Jech laj yalbe li boch'otic te xchi'inoje: —Melel li c'usi chacalboxuque, mu'yuc to bu jech jtaoj junuc jchi'iltic ta israelal ti oy lec xch'unojel yo'nton jech chac c'u cha'al li vinic li'i.

San Lucas 7:39

C'alal laj yil li fariseo ti yic'oj ta ve'el Jesuse, jech laj yal ta yo'nton: “Ti ja'uc yaj'alc'op Dios ta melel li vinic li'i, sna' c'usi yabtel, c'u x'elan stalel li antse, yu'un ja' jmulavil ants”, xi.

San Juan 4:28

Li antse te la scomtsan li sq'uibe. Ibat ta lum jech c'ot yalbe scotol li cristianoetique: