San Juan 4:24 - Bible in Tzotzil de Chenalhó with Deuterocanon

²⁴ Li Jtotic Diose mu'yuc sbec'tal, jech mu xavilic. Ja' jech tsc'an chich'ic ta muc' Dios ta yo'ntonic ec li boch'otic ta melel scotol yo'nton chich'ic ta muq'ue —xi li Jesuse.

Tzotzil Zinacantan

²⁴ Ti Rioxe chꞌabal sbecꞌtal, tey ta sjunlej balamil. Jaꞌ noꞌox yech ti muchꞌutic sjunul yoꞌonic chichꞌic ta muqꞌue, buyuc noꞌox xuꞌ tscꞌoponic, acꞌu mi ta snaic, acꞌu mi ta be, acꞌu mi ta yabtelic. Jaꞌ yech tscꞌan ti Rioxe ―xut la ants ti Jesuse.

Bible in Tzotzil de Chamula

²⁴ Yu'un ti Diose mu xvinaj ta q'uelel. Jech o xal ti buch'utic ta xich'ic ta muq'ue, ac'o loc'uc ayanuc ta yut yo'nton ta melel.

LEQUIL ACH' C'OP

²⁴ Ti Rioxe ch'abal sbec'tal, ti much'utic ta xich'ic ta muq'ue, ja' tsc'an ti ta melel ja yech tspasic chac c'u cha'al tsc'an stuc ti Espíritu yu'un ti Rioxe. ―Xut ants ti Jesuse.

Tzotzil San Andres

²⁴ Muꞌyuc sbecꞌtal stacupal li Jtotic Diose, te onoꞌox oy ta spꞌejel balumil. Jaꞌ jech li buchꞌutic ti ta sloqꞌuel yoꞌonic yichꞌojic ta muqꞌue, buyuc noꞌox xuꞌ chichꞌic ta mucꞌ, mi ta snaic, mi ta be, mi ta yabtelic. Jaꞌ jech scꞌan ti chquichꞌtic ta mucꞌ li Diose ―xꞌutat li ants yuꞌun li Jesuse.

Tzotzil de Huixtán

²⁴ Mu'yuc sbec'tal ti Jtotic Diose, hech yu'un mu xavilic. Ja' no'ox hech uc mu xavilic ti much'utic spasojic ti muc' ti Diose yu'un ti yo'ntonic spasojic ti muc'. Ja' hech tsc'an ti Diose ti jpastic ti muq'ue ―xchi ti Jesuse.

San Juan 4:24 Iomraidhean Croise

Salmos 145:18

Li Muc'ul Diose nopol oy ta stojol li boch'o tsc'anic vocole, ti scotol yo'ntonic xvocoletic ta stojole.

Salmos 50:23

Li boch'o colaval xiyutune, yu'un yich'ojun ta muc', li boch'o li' oy o ta jtojole, ja' ta jcolta”, xi li Diose.

Salmos 51:17

Dios cu'un, ja' lec chavil, ja' amoton chc'ot chavil me ta jsutes co'ntoncutic ta atojole, me ta xcat co'ntoncutic yu'un li jmulcutique, xchi'uc me ta jbic'tajes jbacutic ta atojole.

Salmos 66:18

Ti chopoluc c'usi jnopoj ta co'ntone, muc xiya'ibun jc'op ti jechuque.

Isaías 57:15

Yu'un li boch'o oy ta sc'ob scotole, ti stalel cuxul o sbatel osile, ti Ch'ul Dios, xi ch-albate, jech chal: “Vu'un te nacalun ta toyol, ta ch'ul vinajel, xchi'uc te oyun ta stojol noxtoc li boch'otic biq'uit chac' sbaique, xchi'uc li boch'otic abul sba cha'yique; te ta xcac'beic lec stsatsal yo'ntonic, ta jmuq'uibtasbe yo'ntonic.

San Juan 4:23

Ta to sta sc'ac'alil, o ja' xa yorail ti buyuc xa no'ox ta xich'ic ta muc' Jtotic Dios ta yo'ntonic li boch'otic ta melel xch'unojique. Li Jtotic Diose ja' ta sa' li boch'otic jech ta xich'ic ta muq'ue.

2 Corintios 1:12

Oy c'usi ti toj jun co'ntoncutic yu'une, ja' ti jna'oj lec ta jol ta co'ntoncutic ti lec jchabioj jbacutic, ti lec jq'ueloj jbacutic ta stojol Dios li' ta banamile. X'ech' to jech la jpascutic te ta atojolic li vo'oxuque, pero muc ta jbijiluc jtucutic, ja' ta sventa slequil yo'nton ta scoltauncutic li Diose.

2 Corintios 3:17

Yu'un li Cajvaltique ja' ono'ox li Ch'ul Espiritue. Ti bu chventainvan li Ch'ul Espíritu yu'un Cajvaltique oy coltael.

Filipenses 3:3

Yu'un li vu'utique quich'ojtic xa li bats'i circuncisione, yu'un ta co'ntontic xa chquich'tic ta muc' Dios ta sventa li Ch'ul Espiritue. Jech toj jun xa co'nton chca'itic ta sventa li Cristo Jesuse, yu'un mu xa ja'uc jpatoj co'ntontic yu'un li senyail ta sba jbec'taltic no'oxe.

1 Timoteo 1:17

Ja' yu'un ja' ac'o quich'tic ta muc', ja' ac'o calbetic slequilal stuc li Muc'ta Ajvalil cu'untic ta sbatel osile. Ja' li Dios ti mu sna' xcham oe, ti mu xquiltique, ti ja' no'ox stuc Dios cu'untique. Jechuc.

1 Samuel 16:7

Pero li Muc'ul Diose jech laj yalbe li Samuele: “Mu me ta sbauc no'ox xaq'uel c'u x'elan, xchi'uc mu me ta snatiluc xaq'uel. Le'e ma'uc t'ujbil cu'un, yu'un li vu'une mu ja'uc jech ta jq'uel jech chac c'u cha'al chaq'uelique. Yu'un li cristianoetique ja' no'ox tsq'uel ti bu lec chilique, pero li vu'une ja' ta jq'uelbe c'u x'elan yut yo'nton”, xut.