San Juan 4:23 - Bible in Tzotzil de Chenalhó with Deuterocanon

²³ Ta to sta sc'ac'alil, o ja' xa yorail ti buyuc xa no'ox ta xich'ic ta muc' Jtotic Dios ta yo'ntonic li boch'otic ta melel xch'unojique. Li Jtotic Diose ja' ta sa' li boch'otic jech ta xich'ic ta muq'ue.

Tzotzil Zinacantan

²³ Poꞌot xa sta yora ti buyuc noꞌox tscꞌoponic Jtotic Riox ti muchꞌutic sjunul yoꞌon yichꞌojic ta muqꞌue. Ti Jtotic Rioxe jaꞌ tscꞌan ti muchꞌutic sjunul yoꞌonic chichꞌic ta muqꞌue.

Bible in Tzotzil de Chamula

²³ Sta xa yorail, ja' xa yorail avi li'e, ti buch'utic ta xich'ic ta muc' ti Diose, ac'o spasic jech c'u cha'al ta sc'an ti Ch'ul Espíritu yu'un ti Diose. Yu'un ti Diose, jech ta yo'nton ti ac'o ich'atuc ta muq'ue.

LEQUIL ACH' C'OP

²³ Pero ta xa xc'ot yora, xchi'uc ja' xa yorail lavie, ti much'utic chich'ic ta muc' ta melel ti jtotic Rioxe, ta xich'ic ta muc' ta melel chac c'ucha'al tsc'an ti Espíritu yu'un ti Rioxe. Ti jtotic Rioxe ja' tsc'an ti ja yech ac'u spasic ti much'utic chich'ic ta muq'ue.

Tzotzil San Andres

²³ Poꞌot xa ta xcꞌot scꞌacꞌalil ti buyuc noꞌox xuꞌ chichꞌic ta mucꞌ Dios li buchꞌutic ti ta melel yichꞌojic ta muqꞌue. Yuꞌun li Jtotic Diose ta saꞌ li buchꞌutic ti jech ta xꞌichꞌe ta muqꞌue.

Tzotzil de Huixtán

²³ Laj xa sta yorail ti buc no'ox tspasic ti muc' ti Jtotic Diose ti yo'ntonic ti much'utic mero jch'unojeletique. Ti Jtotic Diose tsa' ti much'u hech tspasat ti muc' yu'une.

San Juan 4:23 Iomraidhean Croise

1 Crónicas 29:17

Dios cu'un, jna'oj lec ti xavotquin c'usi oy ta co'ntoncutique, xchi'uc ti ja' lec chavil me lec c'usi ta jpascutique. Ja' yu'un ta sventa slequil co'nton laj cac'bot scotol li c'usi li' oye. Toj xcuxet no'ox co'nton, yu'un chquil ti ta sjunul yo'ntonic laj yich'ic tal amoton li jchi'iltac li' tsobolique.

Salmos 147:11

Ja' lec chil li boch'o chich'ic ta muq'ue, ti ja' no'ox oy ta yo'nton tsmalaic li c'uxubinel yu'une.

Salmos 17:1

Muc'ul Dios, a'ibun li ca'yeje, yu'un oy stuq'uil li c'usi chajc'anbote; tuc'ulanbun li coq'uel cavanel ta atojole, yu'un muc epalc'opuc li c'usi chacalbote.

Salmos 32:2

Xcuxet no'ox yo'nton li boch'o mu'yuc lo'lavanej ta yo'ntone, xchi'uc ti mu x'ac'bat xcuch smul yu'un li Muc'ul Diose.

Salmos 51:6

Ta melel li vo'ote ja' chac'an li boch'o melel xc'opoje; laj avac'bun jna' ta co'nton c'usi ta jpas.

Proverbios 15:8

Li milbil matanal chaq'uic li boch'o chopolique mu'yuc stu chil li Muc'ul Diose; yan ti c'alal tsc'opanic Dios li boch'o tuc' yo'ntonique xcuxet no'ox yo'nton tstsacbe sc'opic.

Cantares 2:14

Cunin stsumut, vo'ot ti te oyot ta ch'entique, ti te oy anac'ubbail ta japjap ch'entique, ac'bun jq'uel li asate; c'opojan ca'tic yu'un toj alac' sba ta q'uelel li asate, yu'un toj c'upil sba ta a'yel li ac'ope.

Isaías 10:20

C'alal yorail jech chc'ot ta pasele, li boch'otic chcomic to te ta Israele, li smomnich'nab Jacob ti cuxul to chcomique, mu xa ja'uc tspat yo'ntonic ta stojol li boch'otic i'ac'bunuc svocolique; ta sjunul yo'ntonic ja' xa tsc'anic coltael yu'un li Muc'ul Diose, ja' li Ch'ul Dios yu'un Israele.

Isaías 29:13

Li Muc'ul Diose jech laj yalbun: “Li cristianoetic li'i, chtunic cu'un ta sc'opic no'ox; chiyich'icun ta muc' ta yeic no'ox, pero li yo'ntonique nom oy ta jtojol. Smantal no'ox cristiano chch'unic ti c'u x'elan chiyich'icun ta muc' yilele; nopbil no'ox yu'un cristiano li c'usi tspasique.

Isaías 43:21

Li jteclum la jliquese ja' sventa ac'o yalic batel jlequilal.

Isaías 58:2

Jujun c'ac'al vu'un chisa'icun yilel; oy ta yo'nton tsc'an tsna' scuyoj sbaic li c'usitic ta jc'ane. Xco'laj xchi'uc ja'ic yilel li boch'otic ja' tspasic c'usitic tuq'ue, ti mu'yuc scomtsanojic o li smantaltac Dios yu'unique. Chisc'anbicun tuq'uil mantaletic; tsc'an xa chnopajic tal ta jtojol yilel.

Jeremías 3:10

C'alal jech la spas li jbajmantal Judae, muc xa ta scotoluc sjol yo'nton isut tal ta jtojol. La scuy sba no'ox, spasel no'ox yu'un. Vu'un jtuc Muc'ul Diosun ti jech chcale”, xiyutun.

Jeremías 4:2

xu' chaval ta jamal ta sventa jbi. Tsc'an melel, lec cuxul avo'nton, lec oy stuq'uil li c'usi chavale. Vu'un ta jventa tstaic bendición li muc'tic lumetique, xchi'uc vu'un ta jventa ta xmuq'uib lec sc'oplalic”, xi li Muc'ul Diose.

Ezequiel 22:30

La jsa' me oy junuc vinic te ta stojolic ti oy c'usi xu' tspas ta sventa slequilal li lume, ti me oy chc'opoj ta jtojol yu'un jech mu me xculese, pero mu'yuc la jta.

San Juan 1:17

Li smantal Diose ta sventa Moisés laj quich'tic ac'bel. Yan li c'uxubinel xchi'uc li coltael ta melele la jtatic ta sventa Jesucristo.

San Juan 12:23

Jech i'albatic yu'un li Jesuse: —Laj xa sta sc'ac'alil chi'ich'at ta muc', vu'un ti Xnich'on cristiano lic'ote.

San Juan 16:2

Yu'un ta to snutsoxuc loq'uel ta nail tsobobbailetic. Ta to sta yorail ti oy ta smiloxuque, yu'un tsnopic ti ja' jech tspasbeic yabtel li Diose.

San Juan 16:32

A'yo ava'yic, ja' xa yorail ta xapuc abaic batel ta jujuntal. Jtuc xa chacomtsanicun. Pero mu jtucuc chicom; li' xchi'inojun li Jtotic Diose.

San Juan 4:21

Itac'ov li Jesuse: —Ants, ch'uno li c'usi ta xcalbote. Ta to me sta sc'ac'alil ta xlaj sc'oplal ti chavich'ic ta muc' Jtotic Dios li' ta vitse xchi'uc ta Jerusalene.

San Juan 5:25

Jamal ta xcalboxuc ava'yic, vu'un li Nich'onilune, ta to sta yorail, ta melel ista xa yorail chiya'ibicun jc'op li boch'otic chamenique. Li boch'otic ta xa'yic jc'ope ta xcuxiic.

San Juan 5:28

Mu me toj ch'ayeluc ta xc'ot avo'ntonic ta sventa ti jech laj calboxuque. Yu'un ta to me sta sc'ac'alil ta xa'ibicun jc'opojel scotol li boch'otic oyic ta smuquinalique.

Romanos 1:9

Ta melel scotol ora ta jc'opan Dios ta atojolic. Yiloj Dios ti jech ta jpase, ja' li Dios ti chitun yu'un ta scotol co'ntone, ti ta jcholbe sc'oplal li Lequil A'yej ta sventa Xnich'one.

Romanos 8:15

Yu'un ti laj avich'ic Ch'ul Espiritue ma'uc sventa chtic'van ta mozoil yu'un ac'o oyuc xi'el chava'yic yan velta jech chac c'u cha'al ta vo'onee. Laj avich'ic Espíritu sventa chac' c'otanic ta Xnich'on Dios, ja' yu'un ja' ta sventa ti “Tati” xcutic xa li Diose.

Romanos 8:26

Ja' no'ox jech ec li Ch'ul Espiritue ja' chiscoltautic yu'un mu'yuc c'usi xu' cu'untic, mu jna'tic c'u x'elan lec ta jc'opantic li Diose. Pero li Ch'ul Espiritue ja' tsva'an sba ta jcoltaeltic, x'oc'olet tsjelubtasbe Dios li c'usi mu xa jna'tic c'uxi ta alele.

Gálatas 4:6

Ta sventa ti lac'otic xa ta xnich'nab Diose, jech la stac tal li Ch'ul Espíritu yu'un Xnich'one; laj yac' ochuc ta avo'ntonic. Ja' ta sventa ti “Tati” xavutic xa li Diose.

Efesios 6:18

Ta sventa ti chac'opanic Dios scotol orae, c'anbeic Dios ta sventa Ch'ul Espíritu li c'usi chac'anique. Viq'uiluc me lec asatic ta sventa li c'usi chavalic ta stojol Diose. C'anbeic vocol ta stojol ec li yantic yu'untac Diose.

Filipenses 3:3

Yu'un li vu'utique quich'ojtic xa li bats'i circuncisione, yu'un ta co'ntontic xa chquich'tic ta muc' Dios ta sventa li Ch'ul Espiritue. Jech toj jun xa co'nton chca'itic ta sventa li Cristo Jesuse, yu'un mu xa ja'uc jpatoj co'ntontic yu'un li senyail ta sba jbec'taltic no'oxe.

Josué 24:14

—Ja' yu'un ich'ic me ta muc' li Muc'ul Diose; scotoluc avo'nton tunanic yu'un. Comtsanic o yich'el ta muc' li yantic diosetic ti ja' itunic yu'un jmoltotactic ta vo'one c'alal te nacalic ta ti' uc'um Éufrates xchi'uc ta Egiptoe. Ja' tunanic o yu'un li Muc'ul Diose.

1 Pedro 2:9

Pero li vo'oxuque sts'unubaloxuc xa li boch'o t'ujbil yu'un Diose, bats'i pale xa c'otemoxuc ta stojol Dios, ch'ul muc'ta lum xa c'otemoxuc, yu'uninojoxuc xa li Diose. Yu'un jech ac'o apucbeic batel li c'usitic toj lec la spas Diose, ti laj yic'oxuc loq'uel ta ic'al osile, ti laj yac'oxuc ta sac osil ti toj jun yutsile.

1 Samuel 12:24

Ja' no'ox xavich'ic ta muc' li Muc'ul Diose; ja' no'ox xatunic yu'un ta scotol avo'ntonic ta melel. Nopic lec ava'yic ti toj tsotsic li c'usitic la spas tal ta atojolique.