San Juan 4:20 - Bible in Tzotzil de Chenalhó with Deuterocanon

²⁰ Li jmoltotactic ta vo'onee li' laj yich'ic ta muc' Dios ta vits li'i. Yan li vo'oxuque chavalic xa ti ja' yich'ubil ta muc' Dios li lum Jerusalene —xi li antse.

Tzotzil Zinacantan

²⁰ Ti voꞌne moletique iyichꞌic ta mucꞌ Riox liꞌ ta jolvitse. Voꞌoxuc li juriooxuque chavalic ti persa tey chba quichꞌtic ta mucꞌ Riox ta jteclum Jerusalene ―xi la ti antse.

Bible in Tzotzil de Chamula

²⁰ Ti jmolmuc'totcutic ti vu'uncutic samariauncutique, li' ta vits laj yich'ic ta muc' ti Diose. Ja'uc ti vo'oxuc israeloxuque, ta xavalic ti sc'an c'alal to Jerusalén ta xbat avich'ic ta muc' ti Diose.

LEQUIL ACH' C'OP

²⁰ Ti ba'yi jtot jme'ticotique, ti jsamariaetique li' iyich'ic ta muc' Riox li' ta vitse; yan li vo'oxuc ti Juriooxuque, chavalic ti ta Jerusalen tsc'an quichtic ta muc' ti Rioxe ―xi ti antse.

Tzotzil San Andres

²⁰ Li jtotic jmeꞌtic ta voꞌonee laj yichꞌic ta mucꞌ Dios li liꞌ ta jol vitse. Joꞌoxuc li jꞌisraeloxuque chavalic ti persa te chba quichꞌcutic ta mucꞌ Dios li ta jteclum Jerusalene ―xi li antse.

Tzotzil de Huixtán

²⁰ Ti antiguo jtatamoltique li' laj spasic ti muc' ti Diose li' ti jol vitsi. Ti ho'oxuc ti judiooxuque chavalic ti ora to ti te ti jteclum Jerusalén persa chba jpastutic ti muc' ti Diose ―xchi ti antse.

San Juan 4:20 Iomraidhean Croise

1 Reyes 9:3

Jech i'albat: “Laj ca'ay li ac'op c'alal laj ac'opanune xchi'uc li c'usi laj ac'anbune. Laj xa jts'u'iltas li ch'ulna laj apase yu'un ja' li' chcac' ta ich'el o ta muc' jbi scotol c'ac'al. Li' oy o jsat; li' oy co'nton scotol c'ac'al.

1 Crónicas 21:26

Jech te lic spasbe jun scajleb smoton li Muc'ul Diose. La xchic'be smoton, xchi'uc la smilbe smoton sventa co'ol yo'ntonic xchi'uc. Lic sc'anbe vocol li Muc'ul Diose. Li Muc'ul Diose la stac'be sc'op li Davide; la stac yalel tal c'oc' ta vinajel te ta sba li scajleb smotone.

1 Crónicas 22:1

Jech laj yal li Davide: “Li'i ja' yav sna li Muc'ul Diose xchi'uc ja' yav scajleb xchic'ubil smoton yu'un li israeletique”, xi.

2 Crónicas 6:6

Li' ta orae laj xa jt'uj li lum Jerusalene yu'un ja' yavil chc'ot ti bu xu' chi'ich'at ta muq'ue. Xchi'uc la jt'ujot yu'un ac'o aventainbun li jun lum cu'une, ja' li israeletique’, xut.

2 Crónicas 7:12

ta yac'ubalil laj yac' sba ta ilel Muc'ul Dios ta stojol li Salomone, jech i'albat: “Laj ca'ay li ac'op c'alal laj ac'opanune, jech la jt'uj li banamil li'i, yu'un ja' Yavil sventa smilubil jmoton chc'ot o.

2 Crónicas 7:16

Yu'un t'ujbil cu'un, voc'bil cu'un; ja' ch'ulna c'otem cu'un, yu'un jech xu' li' chi'ich'at o ta muc'. Vu'un ta jchabi o li ch'ulna cu'une; li' oy o co'nton scotol c'ac'al.

Salmos 132:13

Li Muc'ul Diose ja' la st'uj li vits Sione; ja' la st'uj sventa te chnaqui o.

Salmos 78:68

Ja' la st'ujbe li smomnich'nabtac Judae, xchi'uc ja' la sc'an li vits Sione.

Isaías 66:1

Li Muc'ul Diose jech chal: “Li vinajele ja' jchotleb; li banamile ja' stec'ub cacan. ¿C'u x'elan chapasbicun jna li vo'oxuque? ¿Bu xu' chapasbicun xcuxubil co'nton?

San Lucas 9:53

Pero li samariaetique muc xac' ta ch'amanel snaic, yu'un laj ya'yic ti ta Jerusalén ta xbatique.

San Juan 4:12

¿Me yu'un vo'ot to ech'em xu' avu'un jech chac c'u cha'al li jmoltotcutic Jacobe? Yu'un ja' laj yac'buncutic li pozo li'i. Li pozo li'i ja' laj yuch'ic xchi'uc xnich'nab xchi'uc sts'unub yovol ec —xi li antse.

Deuteronomio 11:29

“C'alal me laj yac' ochanic batel ta banamil li Muc'ul Dios cu'untic bu chbat apojique, te xc'ot avalbeic sc'oplal li bendición ta vits Gerizime, te xc'ot avalbeic sc'oplal li vocol ta vits Ebale.

Deuteronomio 27:12

“C'alal me lajelovic xa'ox batel ta jot uc'um Jordane, li vacchop jchi'iltactic liquemic ta Simeón, ta Leví, ta Judá, ta Isacar, ta José, xchi'uc ta Benjamine, te ac'o baticuc ta jolvits Gerizim sventa tsc'anbeic bendición scotol li jchi'iltactique.