San Juan 4:10 - Bible in Tzotzil de Chenalhó with Deuterocanon

¹⁰ Itac'ov li Jesuse: —Ana'uc ti tsc'an chayac'bot amoton li Diose xchi'uc ti lajuc avotquin li boch'o la sc'anbot ava'al yuch'e, vo'ot laj ac'anbe ba'yuc vo' ti jechuque. Jech ja' laj yac'bot li vo' ti chac' cuxiane —xut.

Tzotzil Zinacantan

¹⁰ Ti Jesuse iyalbe la ti antse: ―Ti anaꞌuc onox ti cꞌusi tscꞌan chayacꞌbe ti Rioxe, ti avojtiquinicon muchꞌuon ti cꞌalal lajcꞌanbe avaꞌal chcuchꞌe, voꞌot baꞌyi acꞌanbon ti yechuque. Ti acꞌanbecone, lacacꞌbe li voꞌ ti chacuxi o ta sbatel osil ti yechuque ―xut la.

Bible in Tzotzil de Chamula

¹⁰ Xi laj stac' ti Jesuse: —Ti xana'uc oy c'usi ta xac' ti Diose, ti xana'uc ti Buch'u ta sc'anbot ti vo'e, ta melel unbi, vo'ot ta xac'anbun ti vo' jechuque. Ta xcac'bot ti cuxul sat vo'e.

LEQUIL ACH' C'OP

¹⁰ Itac'av ti Jesuse: ―Ti ana'ojuc ti c'usi chac' ti Rioxe xchi'uc ti much'u la sc'anbe li vo'e, vo'ot ac'anbe ti yechuque, ja' la yac'be li vo' ti chacuxi o ta sbatel osil ti yechuque ―xut.

Tzotzil San Andres

¹⁰ Itacꞌav li Jesuse: ―Ti xanaꞌuc li cꞌusi ta scꞌan chayacꞌbe li Diose schiꞌuc ti avojtaquinucun onoꞌox li cꞌalal la jcꞌanbot avaꞌal cuchꞌe, joꞌot baꞌi la acꞌanbun joꞌ ti jechuque. Ti acꞌanbucune, laj cacꞌbot li joꞌ ta sventa ti chacuxi o sbatel osile ―xut.

Tzotzil de Huixtán

¹⁰ Itac'av ti Jesuse, hech laj yalbe: ―Ti lajuc ana' ti tsc'an chayac'bot amoton ti Diose, ti lajuc avojtiquinun ti ho'one ti nacalbe: Jc'antic jlecuc ava'al yu'un chcuch', xacute, ho'ot jbael laj ac'ambun ho' ti hechuque. Hech laj cac'bot ti ho'e ti ja' chacuxi sbatel osil yu'une ―xchi.

San Juan 4:10 Iomraidhean Croise

Salmos 10:17

Muc'ul Dios, ja' chava'ibe sc'op li boch'otic biq'uit yac'oj sbaique, chacolta, chapatbe yo'ntonic.

Salmos 46:4

Oy jun uc'um ti toj xcuxet no'ox yo'ntonic yu'un li lum yu'un Diose, ja' li ch'ul lum yo' bu nacal li Boch'o te oy ta vinajele.

Éxodo 17:6

Te chajmalaot ta vits Horeb ta ba ch'en. Xc'ot amaj li ch'ene; te chloc' tal li vo'e, jech tsta yoxo' yuch'ic li achi'iltaque —x'utat li Moisese. Li Moisese te ta sat banquilaletic yu'un israeletic la smaj li ch'ene.

Cantares 4:15

Ja' jechot noxtoc jech chac c'u cha'al nio' ta ts'unubaltic, jech chac c'u cha'al sloq'ueb vo' ti te xcholchun loq'uel tal ta Libanoe.

Isaías 12:3

Xu' chaloq'ues avuch'ic ta xcuxetel avo'ntonic ec li vo' te ta nio' yo' bu chlic tal coltaele.

Isaías 35:6

Li coxoetique xbitubajic no'ox liquel jech chac c'u cha'al te'tical chij; xcuxet no'ox yo'nton tsots chlic q'uejinicuc li uma'etique. Xchi'uc ta xlic loc'anuc ya'lel li taqui-xocol banamile; ta xlic xanoanuc ya'lel li sbajbajiltaque.

Isaías 42:6

“Vu'un li Muc'ul Diosune, vu'un laj quic'ot, la jtsacbot lec ta ac'ob. Vu'un la jpasot, vu'un la jt'ujot sventa chacom ta sventainel li c'usi chapanbil cu'une. Vo'ot luz chac'ot yu'un li jujun lume.

Isaías 43:20

Ta xiyich'icun ta muc' li chonbolometic ta te'tique, xchi'uc li oq'uiletique, xchi'uc li avestruz mutetique, yu'un ta xcac' ti ac'o oyuc vo' ta xocol banamile; ta xcac' loc'uc uc'umetic ta taqui banamil, yu'un jech tstaic vo' yuch'ic li jteclumal ti t'ujbilic cu'une.

Isaías 44:3

Vu'un ta xcac' yalel tal vo' ta xocol banamil; jech noxtoc ta xcac' xanovuc tsots uc'umetic ta taqui banamil. Ta xcac' yic'al que sventa ta xcuxiic li amomnich'nabtaque; xchi'uc ta xcac'be bendición li ats'unubaltaque.

Isaías 49:10

Mu'yuc cha'yic vi'nal, me ja'uc taqui o'nal; mu'yuc ch-uts'intaatic yu'un li c'ac'ale xchi'uc li xc'uxul c'ac'ale, yu'un c'uxic ta co'nton. Vu'un ta jtojobtasic tal ta be; vu'un ta xquiq'uic batel ta lequil nio'etic.

Isaías 9:6

Yu'un ivoc' jun querem ta jtojoltic; lij'ac'bat jun nich'onil. Ja' ac'bil tsots yabtel sventa tspas mantal; ja' jech sbi ch-ac'bat: Ech'em Yutsil, Jbijubtasvanej, Tsatsal Dios, Totil Sbatel Osil, J'ac'-Jun-O'ntonal, xi sbi chc'ot.

Jeremías 2:13

Yu'un li jteclumale oy chib ti bu la sta smulic ta jtojole: la scomtsanicun, vu'un li bats'i nio'un yu'unique, xchi'uc la smeltsanic yavil vo' yu'un stuquic. Pero chaq'uem, solel mu sts'ani o ya'lel.

Ezequiel 16:35

‘Ja' yu'un jmulavil ants, a'yo ava'ay c'usi chcal, vu'un li Muc'ul Diosune.

Zacarías 13:1

“Ta sc'ac'alil le'e ta xt'om jun nio' te ta stojol smomnich'nab David, xchi'uc ta stojol li jnaclumetic ta Jerusalene; ja' sventa spocubil smulic xchi'uc sbolilic.

Zacarías 14:8

Jech noxtoc, ta sc'ac'alil le'e ta xlic t'omanuc nio'etic li' ta Jerusalén; te oy o ta yorail scomil c'ac'al xchi'uc ta snatil c'ac'al. J'o'lol chbat ta Nab Muerto; j'o'lol chbat ta Nab Mediterráneo.

San Lucas 11:13

Vo'oxuc ti chopoloxuc ono'oxe, xana'ic c'usi lec chavac'beic li anich'nabique. ¡Buuc xa li Atotic te oy ta vinajele Ch'ul Espíritu chac'be li boch'otic ta sc'anique! —xi li Jesuse.

San Juan 16:3

Jech tspasic, yu'un mu xotquinic li Jtote, xchi'uc mu xiyotquinicun ec li vu'une.

San Juan 17:3

Ti jech ta xcuxiic sbatel osile, yu'un xayotquinicot ti atuc no'ox bats'i cuxul Diosote, xchi'uc xotquinic noxtoc li Jesucristo laj atac tale.

San Juan 3:16

“Yu'un toj ep la xc'uxubin scotol cristianoetic ta banamil li Diose, jech laj yac' li jun no'ox Xnich'on oye, yu'un jech mu ch'ayeluc chbat li boch'otic ta xch'unic ti ja' Jcoltavanej yu'unique; ja' ta xcuxiic o sbatel osil.

San Juan 4:14

Yan li boch'otic ta xuch'ic li vo' ti vu'un ta xcac'bee mu'yuc xa ta xtaquij o yo'ntonic. Yu'un li vo' ti vu'un ta xcaq'ue ja' jech chc'ot ta yo'ntonic jech chac c'u cha'al nio' ti te chloq'uilan o sventa chcuxiic sbatel osile —xi.

San Juan 6:35

Itac'ov li Jesuse: —Vu'un li vaj c'otemun sventa chacuxiic oe. Li boch'o ta xtalic ta jtojole, mu'yuc xa ta xa'yic o vi'nal. Li boch'otic ta xch'unicune mu'yuc xa ta xtaquij o yo'ntonic.

San Juan 6:51

Vu'un li vajun sventa cuxlejal ti te liquem tal ta vinajele. Li boch'o ta sve' li vaj le'e, cuxul o ta sbatel osil. Li vaj ti vu'un ta xcaq'ue ja' li jbec'tale. Yu'un jbec'tal jtuc ta xcac' sventa ac'o sta xcuxlejal li cristianoetic li' ta banamile —xi li Jesuse.

Hechos 9:11

Jech i'albat yu'un li Cajvaltique: “Lican, batan ti bu Tuq'uil Xoral sbie. Te xc'ot ajac' ta sna Judas li Saulo liquem tal ta lum Tarsoe. Yu'un li stuque te xa ta sc'opan Dios.

Romanos 8:32

Yu'un c'alal ta mero Xnich'on mu'yuc la sjalanbutic; laj yac' ta milel ta jcojtic jcotoltic. Me jech laj yac'butic li Xnich'one, ¿me yu'un ja' xa mu xijyac'butic ta slequil yo'nton noxtoc scotol li c'usitic yane?

1 Corintios 1:30

Yu'un li vo'oxuque ja' ta sventa Dios ti oyoxuc xa ta stojol Cristo Jesuse. Ja' li boch'o laj yac' jna'betic c'u x'elan sbijil stuc li Diose. Ja' ti c'u x'elan tuc' co'ntontic chijyilutique, ti c'u x'elan chijlecubutic batele, xchi'uc ti c'u x'elan chijcole.

1 Corintios 10:4

Scotolic laj yuch'ic li ch'ul vo'e, yu'un laj yuch'beic ya'lel li ch'ul ch'en te xchi'uquique. Li ch'ene ja' li Cristoe.

2 Corintios 9:15

Bats'i coliyal Dios ti mu xlaj ta alel c'u yepal li matanal yac'ojbutique.

Efesios 2:8

Yu'un ta yutsil no'ox yo'nton ti colemoxuc xa ta sventa xch'unojel avo'ntonique. Muc ta aventauc atuquic ti laj ataic coltaele, ja' amotonic no'ox yu'un li Diose.

Hebreos 6:4

Yu'un li boch'otic i'ochic xa ta sac osile, ti laj xa yilic ti toj lec li matanal liquem tal ta vinajele, xchi'uc ti laj xa yich'ic li Ch'ul Espiritue,

1 Juan 5:20

Ta jna'tic noxtoc ti i'ay ta banamil li Xnich'on Diose, laj yac'butic jbijiltic sventa ac'o cotquintic li bats'i Dios ta melele. Jun me ac'o oyuticuc o jchi'uctic li Boch'o ta melel ja' stuc oe, ja' li Jesucristo Xnich'on Diose. Le'e ja' bats'i Dios ta melel; ja' Cuxlejal sventa sbatel osil.

Apocalipsis 21:6

Jech laj yalbun noxtoc: “Ivu' xa scotol. Vu'un li sliquebune, vu'un li slajebune. Vu'un la jliques, vu'un ta jlajes. Li boch'o taquin yo'ntone, vu'un ta xcac'be yuch' li nio' sventa cuxlejale, smoton chcac'be.

Apocalipsis 22:17

Li Ch'ul Espíritu xchi'uc li yajnil Ch'ium Chije jech chalic: “La' me ta ora”, xiic. Li boch'otic cha'yic li c'op li' ts'ibabile jech ac'o yalic ec: “La' me ta ora”, ac'o xiicuc. Li boch'otic taquin yo'ntonique ac'o talicuc ta stojol li Jesuse. Li boch'o tsc'ane smoton ch-ac'bat li vo' sventa cuxlejale.

Apocalipsis 7:17

Yu'un ja' chabibilic o yu'un li Ch'ium Chij te oy ta o'lol yo' bu chotol li Diose; ja' ch-ic'atic batel ta nio' sventa cuxlejal. Tscusbat ya'lel satic yu'un li Diose”, xiyutun.