San Juan 3:8 - Bible in Tzotzil de Chenalhó with Deuterocanon

⁸ Li iq'ue buyuc no'ox ta xbat. Ja' no'ox chava'ay ti xvo'et no'oxe, pero mu xana' bu chlic tal; mu xana' bu ta xbat. Ja' no'ox jech ec li boch'otic chcha'voq'uic ta sventa Ch'ul Espiritue —xi li Jesuse.

Tzotzil Zinacantan

⁸ Buyuc noꞌox batuc li iqꞌue chavaꞌi ti xjumumete pero mu xanaꞌ bu ilic tal, mu xanaꞌ bu chbat. Jaꞌ yech xꞌelan ta yoꞌon crixchanoetic ti Chꞌul Espíritue. Mu xanaꞌic ti tey ti Chꞌul Espíritue jaꞌto mi avilic ti lec xa yoꞌon jun crixchanoe ―xꞌutat yuꞌun ti Jesuse.

Bible in Tzotzil de Chamula

⁸ Ac'o mi ta xava'i buyuc no'ox xjumet ti ic' ta jujujote, ja'uc le' une, mu xana' bu ta xlic talel, bu ta xbat. Ja' jech s'elanic ti buch'utic ta xvoq'uic ta sventa ti Ch'ul Espiritue.

LEQUIL ACH' C'OP

⁸ Li iq'ue buyuc no'ox batuc, ac'u mi chava'i ti xjumumete, pero mu xana' bu chlic tal, mu xana' bu chbat. Ja' no'ox yech ti much'utic ta xcha'ayanic ta scuenta ti Ch'ul Espiritue ―x'utat yu'un ti Jesuse.

Tzotzil San Andres

⁸ Buyuc noꞌox ta xbat li iqꞌue. Chavaꞌi ti xjumumet noꞌoxe pero mu xanaꞌ bu ilic talel, mu xanaꞌ bu chbat. Jaꞌ jech ta xꞌabtej ta yoꞌon crixchanoetic li Chꞌul Espíritue. Mu xanaꞌic cꞌu sba ch‐abtej jaꞌ to mi avilic ti jeltajem xa yoꞌon jun crixchanoe ―xi li Jesuse.

Tzotzil de Huixtán

⁸ Buc no'ox chbat ti iq'ue. Chava'i ti xjinet no'oxe. Mu xana' bu chtal, mu xana' bu chbat. Hech ono'ox scotol ti much'u cha'anem ti sventa ti Ch'ul Espíritue. Jelbil yo'nton chavil pero mu xana' c'u che'el ic'ot ti pasel ―xchi ti Jesuse.

San Juan 3:8 Iomraidhean Croise

Salmos 107:25

Yu'un c'alal ic'opoje, ilic tsots ic'; toyolic no'ox xvil muyel li vo'etique.

Salmos 107:29

Ic'ataj ta c'unil ic' li tsatsal iq'ue; ipaj ta yuc'lajetel noxtoc li nabe.

Salmos 135:7

Ja' chac' toyuc muyel li toquetic te oy ta jujujot sti' banamile; ja' chac' bac'uc noxtoc li chauquetic li sacsevuletic sventa chtal vo'e; ja' tsloq'ues tal ta yavil noxtoc li muc'tic iq'ue.

Eclesiastés 1:6

Chlic tal ta sur li iq'ue, chjoybij batel c'alal ta norte; li iq'ue xvalc'uj sutbij no'ox, xtal xbat no'ox.

Ezequiel 37:9

Jech laj yalbun li Muc'ul Diose: “C'opano li iq'uetique, jech xavalbe: ‘Iq'uetic, jech chal li Muc'ul Diose: Totsanic tal ta xchanjotal xchiquin banamil; la' juch'taic li animaetic li'i, yu'un jech ac'o cuxiicuc, xi li Diose’, uto”, xiyutun.

San Juan 1:13

Pero mu ja'uc jech chac c'u cha'al xnich'nab cristiano ti ja' no'ox ta sventa sbec'talique, ti ja' no'ox ta sventa yu'un jech tsc'an yo'ntonique. Ja' ta sventa stuc Dios ti chijcha'voq'ue.

San Juan 3:7

Mu me toj ch'ayeluc ta xc'ot avo'nton ti laj calbot persa tsc'an chacha'voc' ta ach'e.

San Juan 3:9

Li Nicodemoe jech la sjac': —¿C'uxi chc'ot ta pasel jech le'e? —xut.

Hechos 2:2

Ta ora no'ox laj ya'yic oy c'usi tsots ibac' ta vinajel. Tsots xvo'et jech chac c'u cha'al tsatsal ic'. Tsots ibac' ta sjunul na ti bu chotolique.

Hechos 4:31

C'alal ilaj yo'ntonic ta sc'opanel Diose, inic li na yo' bu tsobolique. Scotolic inoj ta yo'ntonic stsatsal li Ch'ul Espiritue. Jech jamal laj yalic batel li sc'op Diose; mu'yuc xi'el laj ya'yic.

1 Corintios 12:11

Scotol le'e jun no'ox li boch'o tspase. Jun no'ox li Ch'ul Espíritu chac' ta na'ele, ja' ti c'u x'elan lec chil stuque.

1 Corintios 2:11

¿Me oy boch'o sna'be c'u x'elan yo'nton li cristianoetique? ¿Me mu ja'uc no'ox sna' stuquic jujunic li c'usi oy ta yo'ntonique? Ja' no'ox jech ec, mu'yuc boch'o sna'be c'usi oy ta yo'nton li Diose. Ja' no'ox sna' stuc li Espíritu yu'un Diose.

1 Juan 2:29

Yu'un xana'ic xa ti tuc' yo'nton stuc li Cristoe, jech tsc'an chana'ic noxtoc ti ja' xnich'nab Dios scotol li boch'otic tuc' c'usitic ta spasique.