San Juan 3:6 - Bible in Tzotzil de Chenalhó with Deuterocanon

⁶ Yu'un li boch'o voq'uem no'ox ta sventa banamile, sventa banamil no'ox oy ta yo'nton. Yan li boch'o chcha'voc' ta sventa Ch'ul Espiritue, sventa Ch'ul Espíritu chlic snop.

Tzotzil Zinacantan

⁶ Ti cꞌalal laꞌayanic liꞌ ta sba balamile, jmulaviloxuc chac cꞌu chaꞌal atot ameꞌic. Mi lachaꞌayanic ta syuꞌel ti Chꞌul Espíritue, chlecub avoꞌonic, mu xa xacꞌan xapasic li cꞌusitic chopole.

Bible in Tzotzil de Chamula

⁶ Ti buch'u voq'uem ta sventa ti stot sme'e, stalel no'ox stot sme' yich'ojbe. Ti buch'u voq'uem ta sventa ti Ch'ul Espiritue, yich'ojbe stalel ti Ch'ul Espiritue.

LEQUIL ACH' C'OP

⁶ Ti much'u ayanem ta stot sme'e, stalel stot sme' yich'ojbe; yan ti much'u ch-ayan ta scuenta ti Ch'ul Espiritue, ja' xa yich'ojbe stalel ti Ch'ul Espiritue.

Tzotzil San Andres

⁶ Cꞌalal lavoqꞌuic liꞌ ta balumile, jpasmuliloxuc jech chac cꞌu chaꞌal la atot ameꞌique. Pero mi chachaꞌvoqꞌuic ta sventa li Chꞌul Espíritue, chjeltaj la avoꞌonique, mu xa xapasic li cꞌusi chopole.

Tzotzil de Huixtán

⁶ C'alal na'an li' ti balumile, ja' no'ox sventa jayib c'ac'al chacuxi li' ti balumile. C'alal chacha'an ti sventa ti Ch'ul Espíritue, ja' sventa acuxlejal sbatel osil.

San Juan 3:6 Iomraidhean Croise

Génesis 5:3

Li Adane yich'oj xa'ox lajuneb svucvinic (130) jabil ti c'alal ivoc' xnich'one, ja' li Sete. Li Sete ja' mero jloc'tot yu'un co'ol jech c'u cha'al li stote.

Génesis 6:12

Scotol cristianoetic ibolibic, jech i'epaj mulil ta banamil laj yil li Diose.

Génesis 6:5

Li Muc'ul Diose laj yil ti i'epaj smulic li cristianoetic ta banamile, xchi'uc ti ja' no'ox batem ta yo'ntonic o snopel li c'usitic chopole.

Job 14:4

¿Boch'o xu' tslecubtas li cristiano ti chopol ono'oxe? ¡Mu'yuc!

Job 25:4

¿C'u x'elan xu' chal jun vinic ti toj tuc' ta stojol li Diose? ¿C'u x'elan xu' chal mu'yuc smul ta stojol Dios li boch'o voq'uem ta jun antse?

Salmos 51:10

Dios cu'un, jelbun li co'ntone; ac'o ach'ubuc li c'usi oy ta yut co'ntone.

San Juan 1:13

Pero mu ja'uc jech chac c'u cha'al xnich'nab cristiano ti ja' no'ox ta sventa sbec'talique, ti ja' no'ox ta sventa yu'un jech tsc'an yo'ntonique. Ja' ta sventa stuc Dios ti chijcha'voq'ue.

San Juan 3:7

Mu me toj ch'ayeluc ta xc'ot avo'nton ti laj calbot persa tsc'an chacha'voc' ta ach'e.

Romanos 7:18

Yu'un ta jna' ti me jutuc mu'yuc jlequil o jchi'uc li jbec'tal li'i, ac'o me oy ta co'nton ta jpas li c'usi leque, pero mu xu' cu'un spasel.

Romanos 7:25

Bats'i coliyal Dios ti ja' la scoltaun ta sventa li Jesucristoe, ja' li Cajvaltique. Ja' jech ic'ot ta pasel cu'un. Li co'ntone ja' tsc'an chch'unbe smantal li Diose. Pero li jbec'tale ja' chch'unbe smantal li mulile.

Romanos 7:5

C'alal ja' to'ox te oyutic ta spasel li jchopol taleltique, li smantal Dios laj ca'itique yo'to laj yac' abtejuc ta co'ntontic li c'usi chopol ti ja' no'ox chijyic'utic batel ta ch'ayele.

Romanos 8:13

Yu'un me ja' chapasic li c'usi tsc'an abec'talique, ja' sventa lajel. Yan me ja' chavaq'uic chamuc ta sventa Espíritu li c'usi tsc'an abec'talique, ja' sventa chacuxiic.

1 Corintios 6:17

Jech noxtoc, li boch'o chac' sba ta stojol Cajvaltique, jun xa chc'ot xchi'uc.

2 Corintios 5:17

Ja' yu'un li boch'o oy xa ta stojol Cristoe ipas xa ta ach'. Ilaj xa sc'oplal li poco'e; ja' xa ital li c'usitic ach'e.

Gálatas 5:24

Yu'un li boch'otic oyic xa ta stojol Cristo Jesuse, laj xa yaq'uic ta milel ta cruz li stalel sbec'talique, li c'usitic tsc'ane, xchi'uc li c'usitic nopen xa'ay spasele.

Efesios 2:3

Ta vo'onee ja' to'ox jech la jpastic jcotoltic. Ja' no'ox la jpastic li c'usitic tsc'an, li c'usitic lec cha'ay jbec'taltique, xchi'uc li c'usitic ta jnop jtuctique. Jech sc'oplal chbat jtoj jmultic jech chac c'u cha'al li yantic cristianoetique.

Colosenses 2:11

Xchi'uc ja' ta sventa noxtoc ti avich'ojic xa li circuncisión ti muc pasbiluc ta sc'ob cristianoe, yu'un icom xa avu'un li apoco' talelique, jech ja' xa avich'ojic li circuncisión yu'un Cristoe.

1 Juan 3:9

Li boch'o ja' xnich'on Diose mu xa sa'ilan smul. Yu'un te xa oy stalel Dios ta yo'nton, jech ja' xa xnich'on Dios c'otem; mu'yuc xa ta yo'nton tsa'ilan smul.