San Juan 3:5 - Bible in Tzotzil de Chenalhó with Deuterocanon

⁵ Itac'ov li Jesuse: —Ta melel, jamal ta xcalbot ava'ay: Li boch'o mu'yuc chcha'voc' ta sventa vo' xchi'uc ta sventa Ch'ul Espiritue, mu xu' chich' ventainel yu'un Dios.

Tzotzil Zinacantan

⁵ Itacꞌav ti Jesuse: ―Ta melel chacalbe, mi jaꞌ noꞌox chavichꞌic voꞌe, mi muc bu slecubtasoj avoꞌonic ti Chꞌul Espíritue, mu xuꞌ xaꞌochic yoꞌ bu tspas mantal ti Rioxe.

Bible in Tzotzil de Chamula

⁵ Xi tac'bat yu'un ti Jesuse: —Ta xcalbot ava'i ta melel, mu'yuc buch'u ta x'och batel bu ta xventainvan ti Diose mi mu'yuc voq'uem ta sventa ti vo'e xchi'uc ta sventa ti Ch'ul Espiritue.

LEQUIL ACH' C'OP

⁵ Itac'av ti Jesuse: ―Ta melel, jamal chacalbe ava'i ti much'u mu xcha' ayan ta scuenta vo' xchi'uc ta scuenta Ch'ul Espiritue, mu xu' x'ochic yo' bu tspas mantal ti Rioxe.

Tzotzil San Andres

⁵ Itacꞌav li Jesuse: ―Melel li cꞌusi chacalbee, mi jaꞌ noꞌox chavichꞌic li joꞌe, ti mi muc bu jeltajem avoꞌonic yuꞌun li Chꞌul Espíritue, mu xuꞌ chaꞌochic li yoꞌ bu ta spas mantal li Diose.

Tzotzil de Huixtán

⁵ Itac'av ti Jesuse, hech laj yalbe: ―Melel ti c'usi chacalbee, ma'uc no'ox tsc'an ti chavich'ic ho'e, tsc'an ti chavich'ic uc ti Ch'ul Espíritue, hech xu' chaspasoxuc ti mantal ti Diose.

San Juan 3:5 Iomraidhean Croise

San Mateo 18:3

Jech laj yalbe: —Melel li c'usi chacalboxuque, me mu xajel atalelique, me mu xaco'lajes abaic jech chac c'u cha'al ololetique, j'ech'el mu xa'ochic yo' bu tspas mantal li Diose.

San Mateo 19:24

Chacalboxuc noxtoc, ja' mu vocoluc ta xjelov jcot camello ta chac acuxa; ja' toj vocol chac' sbaic ta ventainel yu'un Dios li jc'ulejetique —xut.

San Mateo 21:31

Li vo'oxuque ¿c'usi chanopic? Li chib queremetique ¿boch'o junucal la xch'unbe smantal li stote? —xut. Itac'ovic: —Ja' li boch'o ba'yuc i'albate —xiic. Li Jesuse jech laj yal: —Melel li c'usi chacalboxuque, li jtsobpatanetic xchi'uc li jmulavil antsetique, ja' ba'yucbe ta xbat avu'unic te yo' bu chventainvan li Diose.

San Mateo 28:19

Ja' yu'un batanic me; bat pasic ta jch'unolajel cu'un li cristianoetic ta jujun banamile. Ac'bo yich'ic vo' ta sventa li Jtote xchi'uc ta jventa vu'un li Nich'onilune xchi'uc ta sventa li Ch'ul Espiritue.

San Mateo 3:11

Li vu'une ja' no'ox chacac'boxuc avich'ic vo' ta sventa ti sutem avo'ntonique. Yan li boch'o ts'acal ta xtal cu'une, ja' ech'em svu'el. Li vu'une mu'yuc c'usi xu' cu'un; ac'o me yich'bel batel xonob, mu xu' cu'un. Li stuque ja' chayac'boxuc avich'ic Ch'ul Espíritu xchi'uc c'oc'.

San Mateo 5:20

Chacalboxuc ava'yic, me ja' no'ox jech chapasic jech chac c'u cha'al li jchanubtasvanejetic xchi'uc li fariseoetique, mu xu' chavich'ic ventainel yu'un Dios.

Marcos 10:14

C'alal laj yil Jesús ti ta spajesvanic li yajchanc'optaque, chopol laj ya'ay. Jech laj yalbe: —Ac'o talicuc ta jtojol li ololetique; mu me xapajesic. Yu'un li boch'otic ja' jechic jech chac c'u cha'al ololetique ja' chventainatic yu'un Dios.

Marcos 16:16

Li boch'otic ta xch'unic, xchi'uc li boch'otic ta xich'ic vo'e ja' ta xcolic. Yan li boch'otic mu xch'unique ja' chbat stoj smulic.

Marcos 9:47

Jech noxtoc me ta scoj no'ox asatic chata o amulique, ja' lec pitsic loq'uel. Ja' lec me jbej xa asat cha'ochic yo' bu tspas mantal Diose; ja' vocol me chapal xchibal asat chabatic ta muc'ta c'oc'

San Lucas 13:24

—Aq'uic persa ti cha'ochic ta biq'uit ti'nae. Chacalboxuc, ep li boch'o tsc'an ta x'ochique, pero mu xu' yu'unic.

San Lucas 13:3

Chacalboxuc, mu jechuc. Me mu xasutes avo'ntonic ec li vo'oxuque, ja' jech ta xc'ot ta atojolic ec.

San Lucas 13:5

Chacalboxuc, mu jechuc. Me mu xasutes avo'ntonic ec li vo'oxuque, ja' jech ta xc'ot ta atojolic ec”, x'utatic yu'un li Jesuse.

San Juan 1:13

Pero mu ja'uc jech chac c'u cha'al xnich'nab cristiano ti ja' no'ox ta sventa sbec'talique, ti ja' no'ox ta sventa yu'un jech tsc'an yo'ntonique. Ja' ta sventa stuc Dios ti chijcha'voq'ue.

San Juan 3:3

Itac'ov li Jesuse: —Ta melel, jamal ta xcalbot ava'ay, li boch'o mu'yuc chcha'voc' ta ach'e, mu xu' chich' ventainel yu'un Dios —xut.

San Juan 3:4

Li Nicodemoe jech la sjac': —¿C'u x'elan xu' ta xcha'voc' li boch'o mol xae? ¿Me yu'un xu' ta x'och ta yut xch'ut sme' yan velta ti jech xu' ta xcha'voc' ta ach'e? —xut.

Hechos 2:38

Li Pedroe jech laj yalbe: —Suteso avo'ntonic, ich'ic vo' ta jujunoxuc ta sbi Jesucristo, jech chaspasboxuc perdón yu'un amulic. Jech chavich'ic li amotonique, ja' li Ch'ul Espiritue.

Hechos 3:19

Ja' yu'un jchi'iltac, suteso avo'ntonic, sutanic tal ta stojol Dios, yu'un jech xu' chavich'ic ch'aybel li amulique, jech chc'ot yorail ta xac' xcuxetel avo'ntonic li Cajvaltique.

Romanos 14:17

Yu'un li ventainel chac' Diose ma'uc te chvinaj ta sventa c'usi ta jve'tic, c'usi ta xcuch'tic. Ja' chvinaj ta sventa ti tuc' c'usi ta jpastique, ti jun co'ntontique, ti xcuxet no'ox co'ntontic ta sventa li Ch'ul Espiritue.

Romanos 8:2

Yu'un li mantal yu'un Espíritu ti chac' jcuxlejaltic ta sventa li Cristo Jesuse, ja' la scoltautic loq'uel ta sventa li mantal yu'un mulil xchi'uc lajele.

1 Corintios 15:50

Chacalboxuc ava'yic quermanotac: Mu xu' chbat jchi'intic yo' bu tspas mantal Dios xchi'uc li jbec'taltic, li jch'ich'altic li'i. Yu'un mu xu' chchi'in sbaic xchi'uc c'usi sna' xc'a' xchi'uc li c'usi mu sna' xc'a'e.

1 Corintios 2:12

Li vu'utique ma'uc laj quich'tic li espíritu li' ta banamile. Ja' quich'ojtic li Espíritu liquem tal ta stojol Diose, yu'un jech ac'o jna'tic li c'usi snopoj Dios chijyac'butique.

1 Corintios 6:11

Oy to'ox boch'o jech la spas avu'unic, pero li' ta orae pocbiloxuc xa, lecubtasbiloxuc xa. Tuc' xa avo'ntonic chayiloxuc Dios ta sventa li Cajvaltic Jesuse xchi'uc ta sventa li Espíritu yu'un Dios cu'untique.

Gálatas 6:15

Yu'un ta stojol Cristoe, ma'uc tsots sc'oplal me quich'ojtic circuncisión, o me mu quich'ojticuc circuncisión. Ja' tsots sc'oplal ti ac'o ach'ubuc jtaleltique.

Efesios 5:26

Yu'un jech la slecubtas, la spoc ta sventa li sc'ope.

1 Pedro 1:2

Vo'oxuc ti t'ujbiloxuc ono'ox yu'un Dios Totil ta sventa ti jech ono'ox snopoje, xchi'uc ta sventa ti laj xa slecubtasoxuc li Ch'ul Espiritue, yu'un jech ac'o ach'unic, ac'o avich'ic lecubtasel ta sventa xch'ich'al li Cajvaltic Jesucristoe. Ac'o ataic ep c'uxubinel xchi'uc ac'o ataic o jun avo'ntonic.

1 Pedro 3:21

Li vo' le'e ja' senyail li vo' chquich'tique, jech chijcolutic. Li vo' chquich'tique mu ja'uc sventa chispocbutic jbec'taltic. Ja' sventa ti lecuben xa jol co'ntontic ta stojol Dios ta sventa ti icha'cuxi li Jesucristoe.

1 Juan 2:29

Yu'un xana'ic xa ti tuc' yo'nton stuc li Cristoe, jech tsc'an chana'ic noxtoc ti ja' xnich'nab Dios scotol li boch'otic tuc' c'usitic ta spasique.

1 Juan 5:1

Scotol li boch'o ta xch'un ti ja' Cristo li Jesuse, ja' xa xnich'nab Dios. Li boch'o lec sc'anoj li Stote, lec sc'anojbe noxtoc li yantic xnich'nabe.