San Juan 3:29 - Bible in Tzotzil de Chenalhó with Deuterocanon

²⁹ Li malalile ja' chic' li yajnile; yan li boch'o ja' no'ox chchi'in li malalile ja' no'ox te va'al tsq'uel. C'alal cha'ay c'usi chal li malalile, toj xcuxet no'ox yo'nton. Ja' no'ox jech ec li vu'une toj bats'i xcuxet no'ox co'nton chca'ay.

Tzotzil Zinacantan

²⁹ Anaꞌojic ti cꞌalal chicꞌ yajnil li vinique, li tsebe maꞌuc chicꞌ sba xchiꞌuc li yajacꞌoltac li slecome; jaꞌ onox chicꞌ li slecome. Li jacꞌoletique tsqꞌuelic noꞌox ti chnupunique. Cꞌalal chaꞌiic ti scꞌanoj sbaique, xmuyubajic xa. Jaꞌ noꞌox yechon uc, ximuyubaj xa ti jaꞌ chba staic Jesús li crixchanoetique.

Bible in Tzotzil de Chamula

²⁹ Ti jun jlecomajele, ti buch'u ta x'och ta yoc ta sc'ob ti tsebe, ja' ti jlecomajel vinique. Ti vinic ti buch'u lec ta xil sbaic xchi'uc ti jlecomajele xmuyubaj xa ta xa'ibe ti sc'ope. Ja' jechun ec, ximuyubaj xa yu'un.

LEQUIL ACH' C'OP

²⁹ C'alal oy nupunele: Li creme ja' ch-och ta yoc ta sc'ob li tsebe, yan li jac'ole ja' no'ox cha'i c'usi chal li creme; xmuyubaj xa tajmec ti c'alal cha'i c'usi chal li creme. Ja' no'ox yechon li vo'on lavi uque; ximuyubaj xa tajmec.

Tzotzil San Andres

²⁹ Xanaꞌic li cꞌalal ta xicꞌ yajnil jun vinique, li antse maꞌuc ta xicꞌ sba schiꞌuc li buchꞌu yutsꞌ yalal li slecom vinique. Jaꞌ ta xicꞌ sbaic schiꞌuc li slecom vinique. Li yutsꞌ yalaltac li slecom vinique naca noꞌox ta sqꞌuelic ti ta xnupunique. Cꞌalal chaꞌiic ti lec scꞌanoj sbaique, xmuybajic noꞌox. Jaꞌ noꞌox jechun eꞌuc, ximuybaj noꞌox ti jaꞌ chba schiꞌinic Jesús li crixchanoetique.

Tzotzil de Huixtán

²⁹ Chana'ic ti c'alal chic' yajnil jun vinic, ti antse muc un ja' chba yic' sba xchi'uc ti much'u ch'amumbil yu'un ti jnupunele. Ja' chba sta ti smalale. Ti much'u ch'amumbil yu'un ti jnupunele ja' no'ox te va'al tsq'uel ti jnupunele. C'alal cha'ibe sc'op ti jnupunele, nichim no'ox yo'nton yu'un oy xa yajnil ti xchi'ile. Ja' no'ox hechun ti ho'one, nichim no'ox co'nton yu'un chba xchi'in ti Jesuse ti crixchanoetique.

San Juan 3:29 Iomraidhean Croise

Cantares 3:11

Tsebetic ta Sión, loc'anic tal, la' q'uelavilic li ajvalil Salomone; oy scoronail sjol, ja' i'ac'bat yu'un sme' ti c'alal inupine, ti c'alal yorail xcuxet no'ox yo'ntone.

Cantares 5:1

Cunin ixlal, cunin elub, li' xa oyun ta ts'unubaltic cu'une. I'och xa ta jc'ob li mirra xchi'uc muil poxiletic cu'une; laj xa jlo' li spom muc'ta pom cu'une; laj xa cuch' li ya'lel ts'usub xchi'uc li ya'lel xchu' vacaxe. Vo'oxuc ti lec jc'anojoxuque, ve'an uch'anic vo'; loq'ueso avo'ntonic ti c'u yepal chac'anique.

Isaías 54:5

Li amalal c'oteme, ja' li Boch'o la spasote, ja' Muc'ul Dios ech'em svu'el xi sbi. Li Jpojvanej avu'une ja' Ch'ul Dios yu'un Israel, Dios yu'un sbejel banamil xi sbi.

Isaías 66:11

Yu'un li stuque ja' jech chc'ot jech chac c'u cha'al jun me'il ti chac'be xchu' yole, ti jun yo'nton chcom c'alal lec noj xch'ut yu'une.

Jeremías 2:2

“Batan, bat c'opano li lum Jerusalene; tsots xac'opan yu'un jech ac'o ya'ay lec, jech xavalbe: ‘Jech chayalbot li Muc'ul Diose: Ta to jna' c'u x'elan ti c'alal tsebot to'oxe, lec to'ox tuc' avo'nton ta jtojol. C'alal laj to'ox quic'ote, lec to'ox ac'anojun; te xana'pnun batel cu'un ta xocol banamil yo' bu mu'yuc c'usi xch'ie, xayutot’, uto.

Ezequiel 16:8

‘Ts'acal lijelov yan velta ta ats'el, la jq'uelot; laj quil ti ja' xa yorail chamalije. Te lic jlambot jnatil c'u', la jmacot lec. Te lic jam que ta atojol, lic jchaptic ti chacu'uninot o, vu'un li Muc'ul Diosune.

Oseas 2:19

J'ech'el chaquic'ot o sbatel osil; bats'i jnup jchi'il jbatic o jech chac c'u cha'al chal li leye, yu'un scotol co'nton jc'anojot.

San Mateo 22:2

“Ti c'u x'elan chventainvan li Diose ja' jech chac c'u cha'al jun ajvalil la spas q'uin nupinel ta sventa squerem.

San Mateo 25:1

“Ja' yu'un ti c'u x'elan chventainvan li Diose ja' jech chac c'u cha'al lajuneb tojol tsebetic ti laj yich'ic batel scandilic, yu'un bat snupic ta be li jnupinele.

San Mateo 9:15

Itac'ov li Jesuse: —C'alal yorail nupinele, ¿me smelol ta xictaic ixim li yuts' yalaltac malalil ti c'alal te to xchi'uquic li malalile? Ta melel ta ono'ox sta yorail ta xpojbatic loq'uel li malalile, ja' to xu' ta xictaic ixim.

San Lucas 15:6

C'alal chvul ta snae, ta stsob scotol li yuts' yalaltaque xchi'uc li boch'otic noch' nacalic xchi'uque, jech ta xalbe: ‘Cuxetuc me avo'ntonic ec, yu'un laj xa jta li jcot jchij ich'aye’, xut.

San Juan 15:11

“Ti jech laj calboxuc scotole, yu'un jech xu' chavich'ic o li xcuxetel co'ntone. Jech xcuxet no'ox avo'ntonic scotol c'ac'al; mu'yuc c'usi sc'an chava'yic o.

San Juan 16:24

Tana mu'yuc to c'usi ac'anojbeic ta jbi. C'anbeic, jech chayac'boxuc. Jech toj xcuxet no'ox avo'ntonic scotol c'ac'al.

San Juan 17:13

“Li' ta orae ta xa xital ta atojol. Ti jech laj cal c'alal li' to oyun ta banamile, yu'un jech j'ech'el ac'o cuxetuc no'ox yo'ntonic o.

San Juan 3:30

Tsots sc'oplal chca'ay ac'o epajuc boch'otic chbat xchi'inic li Jesuse; ja' ac'o bic'tajuc boch'otic chtalic ta jtojol li vu'une —xi.

2 Corintios 11:2

Ti jech toj juteb co'nton ta atojolique ja' ta sventa li Diose. Yu'un jun no'ox vinic laj cac' amalinic ya'yel, ja' yu'un tsots sc'oplal chca'ay ti chc'ot jva'anoxuc ta stojol Cristo jech chac c'u cha'al jun tojol tsebe.

Filipenses 2:2

toj xcuxet co'nton avu'unic. Pero ta jc'an ti ech'em to chavac'bicun xcuxetel co'ntone: co'oluc me c'usi xanop acotolic, co'ol me xac'anan abaic, co'oluc me avo'nton acotolic, co'oluc me ac'opic acotolic.

1 Juan 1:4

Ja' yu'un ta jts'ibabotcutic tal li'i, yu'un jech co'ol xcuxet no'ox co'ntontic.

2 Juan 1:12

Oy to ep c'usitic ta jc'an ta xcalboxuc tal, pero mu jc'an ta jts'ibaboxuc tal, yu'un ta jc'an ta xtal jq'ueloxuc jtuc, jech xu' ta jc'opan jbatic lec ta quetic, yu'un jech xcuxet no'ox co'ntontic.

Apocalipsis 21:9

Li vucub j'almantaletic yich'oj jujun stazaic nojemic ta slajeb li yan vucub tsatsal vocole, ital sc'opanun jun, jech laj yalbun: “La' li'i, chacac'bot avil yajnil li Ch'ium Chij ti chapal xa sventa chic' oe”, xiyutun.