San Juan 3:27 - Bible in Tzotzil de Chenalhó with Deuterocanon

²⁷ Itac'ov li Juane: —Mu xu' chich' yabtel jun cristiano me muc ac'biluc yu'un li boch'o oy ta toyole.

Tzotzil Zinacantan

²⁷ Itacꞌav la ti Juane: ―Jaꞌ smantal stuc Riox ti cꞌusitic chacꞌ jpastic jujune.

Bible in Tzotzil de Chamula

²⁷ Xi laj stac' ti Juane: —Mu'yuc c'usi xu' yu'un jun vinic mi ma'uc ac'bil yabtel yu'un ti Diose.

LEQUIL ACH' C'OP

²⁷ Itac'av ti Juane: —Muc' much'u xu' chich' yabtel ta stuc no'ox ti mi muc' bu ac'bil yu'un ti Rioxe.

Tzotzil San Andres

²⁷ Itacꞌav li Juane: ―Jaꞌ ta smantal stuc Dios ti cꞌusi abtelal chijyacꞌbutic li jujunutique.

Tzotzil de Huixtán

²⁷ Itac'av ti Juane, hech laj yalbe: ―Stuc smantal ti Diose ti c'utic abtelal chac'be jujun.

San Juan 3:27 Iomraidhean Croise

Jeremías 1:5

“C'alal mu'yuc to'ox chana'p ta yut xch'ut ame'e, t'ujbilot ono'ox cu'un; c'alal mu'yuc to'ox chavoq'ue, voc'bilot ono'ox cu'un sventa cha'och ta j'alc'op ta jujun banamil”, xiyutun.

Jeremías 17:16

Mu'yuc jech jc'anojbot me xu' chavac'be stoj smulic; mu'yuc la jc'an ti ac'o sta tsots svocolique. Xana' lec ti mu'yuc jech co'ntone; li c'usi loq'uem ta quee, te oy ta atojol.

Amós 7:15

Pero li Muc'ul Diose laj yic'un ti c'alal te nabalun ta spat jchijtaque, jech laj yalbun: ‘Batan, bat alo c'usi chc'ot ta pasel ta stojol li jteclumale, ja' li Israele’, xiyutun.

Números 17:5

Li boch'o t'ujbil cu'une ja' ta xcac' q'uelumajuc li snamte'e. Jech xu' ta xpajic o ta yalel c'usi chopol li achi'iltac ta israelale”, x'utat.

San Mateo 21:25

Li ich'vo' laj yac' Juane, ¿boch'o i'ac'bat yabtel ti jech la spase? ¿Me ac'bil yu'un Dios, o me ac'bil yu'un cristiano? —xut. Jech te lic snopilan c'usi chalic. Jech lic yalilanbe sbaic: “Me ta xcaltic ti ja' i'ac'bat yabtel yu'un Diose, ‘¿C'u yu'un muc xach'unic cha'e?’, xijyututic.

San Mateo 25:15

Li june laj yac'be comel vo'ob talento, li yane laj yac'be comel chib, li yane laj yac'be comel jun; ja' ti c'u yepal xu' yu'un jujunique. C'alal laj yac' comel ta c'abal li staq'uine, iloc' batel ta nom.

Marcos 13:34

Jech chac c'u cha'al jun vinic c'alal ta xbat ta nome, ta xac'be comel ta sc'ob smozotac li snae. Ta xalbe comel c'usi yabtel jujun. Li boch'o ja' yabtel ta xchabi ti'nae ta xalbe comel ti ac'o viq'uiluc o sat ta xchabiele.

San Juan 10:41

Ep boch'otic te ic'otic ta stojol li Jesuse. Jech laj yalic: —Li Juane mu'yuc bu la spas sq'uelubil stsatsal Dios, pero li c'usitic laj yal ta sventa li jchi'iltic li'i ja' melel scotol —xiic.

San Juan 6:65

Jech to laj yal li Jesuse: —Ja' yu'un laj calboxuc ava'yic ti mu'yuc boch'o xu' ta xtal ta jtojol me muc ja'uc ic'bil tal yu'un li Jtote —xiyutuncutic.

Romanos 1:5

Ja' li boch'o ta slequil no'ox yo'nton laj yic'uncutic ta yajtacbolal, yu'un jech xu' chlic xch'unic Cajvaltic li yanlum cristianoetique, jech ich'bil ta muc' chc'ot.

Romanos 12:6

Pero yantic o c'usi xu' cu'untic ec li jujunutique, ja' ti c'usi jbijiltic laj yac'butic ta slequil yo'nton jujunutique. Ja' yu'un, me ja' amoton yu'un Dios chaval c'usi tsc'ane, ja' me xaval ti c'u yepal xu' avu'un ta sventa xch'unojel avo'ntone.

1 Corintios 1:1

Vu'un Pabloun, ic'bilun ta sventa yajtacbolal li Jesucristoe, yu'un jech la sc'an li Diose. Ta jc'opanoxuc tal ta carta jchi'uc li quermanotic Sóstenes,

1 Corintios 12:11

Scotol le'e jun no'ox li boch'o tspase. Jun no'ox li Ch'ul Espíritu chac' ta na'ele, ja' ti c'u x'elan lec chil stuque.

1 Corintios 15:10

Pero ta sventa slequil yo'nton li Diose, vu'un laj yac'bun cabtel. Pero mu alticuc li slequil yo'nton ta jtojole, yu'un vu'un xjelov xa yepal litun jech chac c'u cha'al li yantique. Pero muc ta jtsatsaluc jtuc, ja' ta sventa li slequil yo'nton Diose.

1 Corintios 3:5

¿C'usi yabtel li Apolose? ¿C'usi yabtel li Pabloe? Ja' no'ox chituncutic, ja' no'ox la jcholcutic ava'yic ti jech laj ach'unic Cajvaltique. Ja' no'ox la jpascutic jujununcutic li c'usi laj yac'bun jpascutic Cajvaltique.

1 Corintios 4:7

¿Boch'o laj yac' ti jech lec bijoxuque? ¿C'usi laj ata atuquic ti muc ja'uc laj yac'boxuc li Diose? ¿C'u yu'un ti chatoy aba achi'uquique?, yu'un xco'laj xchi'uc atuc laj ataic ti jech chapasique.

Gálatas 1:1

Vu'un Pabloun, vu'un yajtacbolalun Jesucristo. Muc cristianouc la stacun; muc cristianouc laj yac'bun cabtel. Ja' la st'ujun stuc li Jesucristoe xchi'uc li Diose, ja' li Totil ti la xcha'cuxes loq'uel ta smuquinal li Jesucristoe.

Efesios 1:1

Vu'un Pabloun, yajtacbolalun li Jesucristoe, yu'un jech la sc'an yo'nton li Diose. Ta jc'opanoxuc tal, vo'oxuc ti voc'biloxuc xa yu'un Dios te ta lum Éfeso ti jun avo'nton ach'unojic o li Cristo Jesuse.

1 Timoteo 2:7

Ta sventa le'e, vu'un la st'ujun ta spuquel batel, xchi'uc ta yajtacbolal. Laj yac'bun cabtel sventa ta jchanubtas li boch'otic mu ja'uc israeletique yu'un jech ac'o xch'unic, ac'o sna'ic li c'usi melele. Ja' melel li c'usi ta xcale, mu'yuc chi'epalc'opoj.

Santiago 1:17

Scotol li c'usi leque xchi'uc li c'usitic lec tuc' chij'ac'bate ja' te ta xlic tal ta vinajel. Ja' chistacbutic tal li Jtotic Dios ti la spas li c'usitic chac' xojobale. Li Diose ja' jech oy o; mu sna' sjelilan c'usi chijyac'butic.