San Juan 3:2 - Bible in Tzotzil de Chenalhó with Deuterocanon

² Li Nicodemoe i'ay sc'opan ta ac'ubaltic li Jesuse, jech laj yalbe: —Jchanubtasvanej, ta jna'cutic ti ta sventa Dios talemot, yu'un tal achanubtasuncutique. Yu'un li boch'o mu'yuc chi'inbil yu'un Diose, mu xu' yu'un tspas sq'uelubiltac stsatsal jech chac c'u cha'al chapase —xut.

Tzotzil Zinacantan

² Ti Nicodemoe ay scꞌopon ta acꞌubaltic ti Jesuse. ―Jchanubtasvanej, jnaꞌojticotic ti stacojot tal ti Rioxe ti tal achanubtasoticotique. Ti manchuc xchiꞌinojot ti Rioxe, mu xuꞌ chavacꞌ iluc alequilal ayuꞌelal ti yechuque ―xi ti Nicodemoe.

Bible in Tzotzil de Chamula

² Xi laj yal ti Nicodemo c'alal bat sc'opon ta ac'ubaltic ti Jesuse: —Jchanubtasvanej, jna'ojcutic lec ti tacbilot talel yu'un ti Dios yo' jech tal achanubtasuncutique, yu'un mu'yuc buch'u junucal xu' ti jech ta xac' iluc smuc'ul stsatsal Dios jech c'u cha'al ta xapase ti mi mu'yuc chi'inbil yu'un ti Diose.

LEQUIL ACH' C'OP

² Ti Nicodemoe ay sc'opon ta ac'ubaltic ti Jesuse, ja yech iyalbe chac li'i: ―Jchanubtasvanej, jna'ojticotic ti vo'ot stacojot tal ti Rioxe ti tal achanubtasoticotique, yu'un ti much'u muc'bu chi'inbil yu'un ti Rioxe, mu xu' yu'un chac' iluc slequilal syu'elal chac c'u cha'al chapase. —Xut.

Tzotzil San Andres

² Li Nicodemoe a scꞌopon ta acꞌubal li Jesuse. Jech laj yalbe: ―Jchanubtasvanej, jnaꞌojcutic ti jaꞌ stacojot talel li Diose ti tal achanubtasuncutique. Ti manchuc chiꞌinbilot yuꞌun li Diose, mu xuꞌ chavacꞌ ta ilel atsatsal ajuꞌel ti jechuque ―xi li Nicodemoe.

Tzotzil de Huixtán

² Ti ac'ubaltic tal sc'opon ti Jesuse ti Nicodemoe. Hech laj yalbe: ―Maestro, ti jna'tutic ti laj stacot talel ti Diose yu'un chachanubtasuntutic. Yu'un ti manchuc achi'inoj ti Diose, mu xu' chapas ti jchop o abteletic chapase ―xchi ti Nicodemoe.

San Juan 3:2 Iomraidhean Croise

1 Reyes 17:24

Li me'on antse jech laj yalbe li Eliase: —Li' ta orae laj xa jna' ti vo'ot yaj'alc'opot Dios ta melele, xchi'uc ti ja' chaval c'usi melel yaloj stuc li Muc'ul Diose —xut.

Isaías 51:7

“A'yo ava'yic, vo'oxuc ti xana'ic c'usi tuq'ue, vo'oxuc li jun lumoxuc ti oy ta avo'ntonic jmantaltaque. Mu me xaxi'ic li chopolc'optael yu'un cristianoetique; mu me xchibaj avo'ntonic yu'un li na'leel chaq'uique.

Jeremías 38:16

Li ajvalil Sedequiase oy c'usi laj yalbe ta mucul ta stojol Dios li Jeremiase, jech laj yalbe: —Jamal chacalbot ta stojol Muc'ul Dios ti ja' chac' cuxicutique; mu'yuc chacac'ot ta milel, mu'yuc chacac'ot ta sc'ob li boch'otic tsc'an chasmilicote —xut.

San Mateo 22:16

Jech la stac tal yajchanc'optaquic xchi'uc svinictac Herodes. Jech vul sjac'beic li Jesuse: —Jchanubtasvanej, ta jna'cutic ti ja' melel scotol c'usi chavale, xchi'uc ti ja' chachanubtasvan ta sbe Diose, xchi'uc ti co'ol lec chavil scotole, ti muc ta sbauc no'ox chaq'uel c'u x'elan li cristianoetique.

San Mateo 23:7

Ja' tsc'anic noxtoc ti nupbil sc'obic ta xoraltique, xchi'uc ti ‘Jchanubtasvanej’ xi sc'oplalique.

San Mateo 23:8

“Pero li vo'oxuque mu me ja'uc lec xava'yic ti ‘Jchanubtasvanej’ xi ac'oplalique. Yu'un jun no'ox li Jchanubtasvanej avu'unique. Li vo'oxuque achi'il no'ox aba acotolic.

Marcos 12:14

C'alal ivulic ta stojol li Jesuse, jech vul yalbeic: —Jchanubtasvanej, ta jna'cutic ti ja' melel scotol c'usi chavale, ti co'ol lec chavil scotole, ti muc ta sbauc no'ox chaq'uel c'u x'elan li cristianoetique; solel lec chachanubtas ta sbe li Diose. Alo ca'icutic c'usi chanop. ¿Me xu' ta xcac'be jpatancutic li Cesare, o me mu xu'? —xutic.

San Juan 1:38

Ijoyij li Jesuse, laj yil ti te nabalic batele, jech la sjac'be: —¿C'usi chasa'ic? —xut. Itac'ovic: —Jchanubtasvanej, ¿bu to oy anae? —xutic.

San Juan 10:38

Pero me ja' yabtel ta jpasbe chavilique, ac'o me mu xach'unicun li vu'une, ch'unic ta sventa li cabtel ta jpase, yu'un jech chana'ic o ti li' oy ta jtojol li Jtote, xchi'uc ti oyun ta stojol eq'ue —xi li Jesuse.

San Juan 12:37

Ac'o me ep sq'uelubil stsatsal la spas li Jesuse, pero muc ono'ox xch'unic ti ja' Jcoltavaneje.

San Juan 14:10

¿Me mu xach'un ti vu'un jun oyuncutic jchi'uc li Jtote? Li c'usi ta xcalboxuc ava'yique mu jc'opuc jtuc. Ja' sc'op li Jtot ti li' jchi'uque. Ja' stuc tspas li abteletic ta jpase.

San Juan 15:24

Ti mu'yucuc la jpas sq'uelubil jtsatsal ta stojolic ti mu'yuc boch'o yan xu' yu'un jech tspase, mu'yuc smulic ti jechuque. Pero li' ta orae laj xa yilic, pero la sbajicun, xchi'uc laj xa sbajic li Jtote.

San Juan 2:11

Le'e ja' sba sq'uelubil stsatsal laj yac' ta ilel Jesús ti c'alal te oy ta Caná ta Galilea banamile. Jech ivinaj o slequilal yutsilal. Jech i'ayin lec xch'unojel yo'ntonic ta stojol li yajchanc'optaque.

San Juan 20:16

Li Jesuse jech laj yalbe: —¡María! —xut. Li Mariae ijoyij, jech laj yalbe: —¡Raboni! —xut. (Jchanubtasvanej, xi smelol.)

San Juan 3:26

Jech ibatic ta stojol li Juane, jech laj yalbeic: —Jchanubtasvanej, li boch'o ital ta atojol le' ta jot uc'um Jordán ti laj avalbe sc'oplale, ta xac' ich' vo' ec. Scotol cristianoetic te ta xbatic ta stojol —xutic.

San Juan 4:31

C'alal ja'o batem li antse, li yajchanc'optaque jech laj yalbeic li Jesuse: —Jchanubtasvanej, ve'an —xutic.

San Juan 5:36

Li Juane ja' no'ox laj yalboxuc ava'yic jc'oplal. Pero li vu'une ta sventa cabtel ta xac'bun jpas li Jtote ja' ta svinajes ti ja' tacbilun tal yu'une.

San Juan 6:2

Bats'i ep cristianoetic la sts'aclin batel li Jesuse, yu'un laj yilic ti ep sq'uelubil stsatsal la spas ta stojol jchameletique.

San Juan 7:31

Oy ono'ox ep cristianoetic la xch'unic li Jesuse, jech laj yalic: —C'alal ta xtal li Cristoe, ¿me yu'un ech'em to jech ta spas sq'uelubil stsatsal jech chac c'u cha'al ta spas li'i? —xiic.

San Juan 9:16

Oy jayibuc fariseoetic jech laj yalic: —Muc tacbiluc tal yu'un Dios li vinic chavale, yu'un mu xchabi sc'ac'alil ta jcux co'ntontic —xutic. Oy yantic jech laj yalic: —Pero ¿c'u x'elan xu' yu'un ta spas sq'uelubil stsatsal Dios li jun jpasmulile? —xiic. Jech cha'oxvoc' ic'otic li fariseoetique.

Hechos 10:38

Xchi'uc xana'ic noxtoc ti i'ac'bat yich' Ch'ul Espíritu yu'un Dios li Jesús liquem tal ta Nazarete, xchi'uc ti i'ac'bat ep stsatsale. Buyuc no'ox ixanov la scoltaan ep cristianoetic, xchi'uc la scoltaan li boch'otic uts'intabilic yu'un pucujetique. Scotol ivu' yu'un, yu'un chi'inbil yu'un Dios.

Hechos 2:22

“Jchi'iltac israeletic, a'yo ava'yic c'usi ta xcal. Li Jesús liquem tal ta Nazarete, laj avilic lec ti ja' jun vinic t'ujbil yu'un Dios ta melele, yu'un la spas tsots sq'uelubil, tsots senyail xchi'uc c'usi labalic sba ta jtojoltic ta sventa li Diose. Lec xana'ic ti ja' jeche.

Filipenses 1:14

Ep xa jch'unolajeletic itsatsub yo'ntonic ta stojol Cajvaltic ta sventa ti li' chuculune. Lec tsots yo'ntonic jamal chalic batel li sc'op Diose, mu'yuc xi'el cha'yic.

Jueces 6:27

Jech li Gedeone laj yic' batel lajuneb smozo, bat spas jech chac c'u cha'al i'albat yu'un li Muc'ul Diose. Ja' no'ox ti muc ta c'ac'alticuc la spase; ta ac'ubaltic bat spas yu'un ta xi' yu'un li xchi'iltac ta voq'uele xchi'uc li cristianoetic te ta lume.