San Juan 3:11 - Bible in Tzotzil de Chenalhó with Deuterocanon

¹¹ Ta melel, jamal ta xcalbot ava'ay, li vu'uncutique ja' ta xcalcutic li c'usi jna'cutique xchi'uc li c'usi quilojcutique. Pero li vo'oxuque mu xavich'ic ta muc' li c'usi ta xcalcutique.

Tzotzil Zinacantan

¹¹ Ta melel chacalbe, li voꞌone jaꞌ chcal ti cꞌusi jnaꞌe xchiꞌuc ti cꞌusi quiloje. Li voꞌoxuque mu xachꞌunic li cꞌusi chcale.

Bible in Tzotzil de Chamula

¹¹ Ta xcalbot ava'i ta melel, ja' ta xcalbecutic sc'oplal ti c'usi jna'cutique, ti c'usi quilojcutique. Ja'uc ti vo'oxuque, mu xac'an xach'unic ti c'usi ta xcalcutique.

LEQUIL ACH' C'OP

¹¹ Ta melel chacalbe ava'i, li vo'oticotique ja' ta xcalticotic li c'usi jna'ojticotique, xchi'uc li c'usi quilojticotique; pero li vo'oxuque mu xa ch'unic li c'usi chcalticotique.

Tzotzil San Andres

¹¹ Melel li cꞌusi chacalbee, li joꞌone jaꞌ chcal li cꞌusi jnaꞌe schiꞌuc li cꞌusi quiloje. Li joꞌoxuque mu xavichꞌic ta mucꞌ li cꞌusi chcale.

Tzotzil de Huixtán

¹¹ Melel ti c'usi chacalbee, ti ho'ontutique chcaltutic ti c'usi jna'ojtutic, ti c'usi quilojtutique. Ti ho'oxuque mu xapasic ti muc' jc'optutic.

San Juan 3:11 Iomraidhean Croise

Isaías 50:2

¿C'u yu'un ti mu junuc boch'o la jta ti c'alal litale? ¿C'u yu'un ti mu'yuc boch'o itac'ov ti c'alal li'ic'vane? ¿Me yu'un chanopic ti mu xu' cu'un chajcoltaoxuque? ¿Me yu'un chanopic ti mu xu' cu'un chajpojoxuc sutel tale? Li vu'une ta jbel no'ox jc'op xu' ta jtaquijes li nabe; xu' ta jc'atajes ta taqui banamil li uc'umetique. Jech te chc'a'ic o li choyetique; te chchamic o ta taqui-o'nal ta scoj ti mu'yuc ya'lele.

Isaías 53:1

¿Boch'o chch'un li c'usi chcaltic batele? ¿Boch'o ta stojol chac' ta ilel smuc'ul stsatsal li Muc'ul Diose?

Isaías 55:4

Ja' testigo ic'ot cu'un ta stojol li yantic banamile; ja' banquilal, ja' jpasmantal ic'ot ta stojol li yantic lume.

Isaías 65:2

Scotol c'ac'al te jbechoj o jc'ob chquic' li jbajmantal cristianoetique, yu'un ja' stamojic batel li chopol bee; ja' tspasic o batel li c'usi tsnop stuquique.

San Mateo 11:27

Jech lic yal yan velta li Jesuse: “Scotol li c'usitic oye, yac'ojbun ta jc'ob li Jtote. Mu'yuc boch'o yan sna'be c'u x'elan yo'nton li Nich'onile, ja' no'ox sna' stuc li Totile. Ja' no'ox jech ec li Totile, mu'yuc yan boch'o sna'be c'u x'elan yo'nton, ja' no'ox sna' li Nich'onile, xchi'uc ja' no'ox tsna'ic ec li boch'otic ta x'ac'bat sna'ic yu'un li Nich'onile.

San Mateo 23:37

“¡Jerusalén, Jerusalén, vo'ot ti atalel o chamil li yaj'alc'optac Diose, ti chavac'be ton li boch'otic tacbilic tal yu'un Dios li' ta atojole! Pero ep xa velta ta jc'an ta jtsob jnaclumetic avu'un jech chac c'u cha'al ta stsob yol ta yolon xic' jcot me'caxan, pero muc xac'anic.

San Lucas 10:22

Li Jesuse lic sc'opan yan velta li cristianoetique, jech laj yal: —Scotol li c'usitic oye, yac'ojbun ta jc'ob li Jtote. Mu'yuc boch'o sna'bun c'u x'elan co'nton vu'un li Nich'onilune. Ja' no'ox sna' stuc li Jtote. Ja' no'ox jech ec li Jtote mu'yuc boch'o sna'be c'u x'elan yo'nton. Vu'un no'ox jna', xchi'uc ta sna'ic ec li boch'otic ta xcac'be sna'ique —xi li Jesuse.

San Juan 1:11

Li' ivul ta stojol li yu'untaque, pero li yu'untaque muc sc'anic.

San Juan 1:18

Me junuc mu'yuc boch'o yiloj li Diose. Li jun no'ox Xnich'on Dios ti jun oyic xchi'uc Stote, ja' laj yac' cotquintic li Diose.

San Juan 12:49

Yu'un ma'uc laj cal c'usi oy ta co'nton jtuc. Ja' Jtot laj yalbun mantal c'usi xu' chcal, xchi'uc c'u x'elan chic'opoj, ja' li boch'o la stacun tale.

San Juan 14:24

Yan li boch'o mu xisc'anune mu xch'un li jc'ope. Li c'op laj calboxuc ava'yique, muc vu'cun jc'op; ja' sc'op li Boch'o la stacun tale.

San Juan 3:12

Li c'usi laj calbote, ja' li c'usi xu' chc'ot ta pasel li' ta banamile, pero mu xach'un. ¿C'uxi xu' chach'un me chacalbot li c'usitic sventa vinajele?

San Juan 3:13

“Mu'yuc boch'o ayem sq'uel tal ta vinajel ti xu' ta xalboxuque. Vu'un no'ox te liquemun tal; vu'un ti Xnich'on cristiano lic'ote.

San Juan 3:3

Itac'ov li Jesuse: —Ta melel, jamal ta xcalbot ava'ay, li boch'o mu'yuc chcha'voc' ta ach'e, mu xu' chich' ventainel yu'un Dios —xut.

San Juan 3:5

Itac'ov li Jesuse: —Ta melel, jamal ta xcalbot ava'ay: Li boch'o mu'yuc chcha'voc' ta sventa vo' xchi'uc ta sventa Ch'ul Espiritue, mu xu' chich' ventainel yu'un Dios.

San Juan 5:43

Li vu'une talemun ta sventa li Jtote, pero mu xavich'icun ta muc'. Yan me oy boch'o jech no'ox ta xtal ta yo'nton stuque, ja' chavich'ic ta muc'.

San Juan 7:16

Li Jesuse jech laj yalbe: —Muc vu'cun jc'op ti li' ta xcac' ta chanele. Ja' sc'op li Boch'o la stacun tale.

San Juan 8:14

Itac'ov li Jesuse: —Ac'o me vu'un no'ox ta xcal jc'oplal jtuc, pero oy stu li jc'oplal ta xcale. Yu'un jna'oj ti bu liquemun tale; jna'oj ti bu chibate. Yan li vo'oxuque mu xana'ic bu liquemun tal, xchi'uc mu xana'ic bu chibat noxtoc.

San Juan 8:26

Oy ep c'usi ta xcalboxuc ox, xchi'uc ta ox xcalboxuc c'u x'elan amulic, pero ja' no'ox ta xcal c'usi ca'yoj tal ta stojol li Jtot ti la stacun tale. Li Jtote melel scotol c'usi chal —xi li Jesuse.

San Juan 8:38

Li vu'une ja' ta xcal li c'usi quiloj tal ta stojol Jtote. Yan li vo'oxuque ja' chapasic c'usi chaxchanubtasoxuc ec li atotique —x'utatic.

Hechos 22:18

Laj quil jech laj yalbun: ‘Ac'bo yipal loq'uel ta ora li' ta Jerusalene. Yu'un li achi'iltac li'i mu xich'ic ta muc' li c'usi chavalbe ya'yic ta jventae’, xiyutun.

2 Corintios 4:4

Ti jech mu xch'unique, yu'un ja' macbil yo'ntonic yu'un li yajval banamile. Yu'un jech mu x'och xojobal ta stojolic li Lequil A'yej ta sventa li Jesucristo ti jun oyic xchi'uc Diose.

Apocalipsis 1:5

xchi'uc ta sventa li Jesucristoe, ja' li tuq'uil testigoe, ja' ti ba'yuc icha'cuxi loq'uel ta smuquinale, ja' li banquilal yu'un scotol ajvaliletic li' ta banamile, ti ep c'uxutic ta yo'ntone, ti la smanutic ta xch'ich'al ta sventa jmultique.

Apocalipsis 3:14

Jech laj yalbun noxtoc li Cajvaltique: “Jech xats'ibabe batel li j'almantal yu'un jtsob jch'unolajeletic ta lum Laodiceae: ‘Jech chal li Boch'o Jechuc, xi sbie, ja' li tuq'uil testigoe, ti melel c'usi chale, ti ja' la sliques scotol li c'usitic oye: