San Juan 21:23 - Bible in Tzotzil de Chenalhó with Deuterocanon

²³ Li lo'il le'e ipuc batel ta stojol jch'unolajeletic. Jech la snopic ti mu'yuc chcham li jun yajchanc'op Jesuse. Pero li Jesuse ma'uc laj yal ti mu'yuc ta xchame. Ja' no'ox jech laj yal: “Me ta jc'an ti li' oy o chvul jta c'alal chitale, mu aventauc”, xi no'ox.

Tzotzil Zinacantan

²³ Ora iyaꞌiic ti jchiꞌiltactic ta yichꞌel ta mucꞌ ti Cajvaltic Jesucristoe ti muc bu chicham ti yalojique. Ti Jesuse muc xal ti muc bu chichame. Jaꞌ noꞌox iyal: “Mi scꞌan coꞌon ti cuxul chul jta ti cꞌalal xichaꞌsut tale, mu acuentauc”, xꞌutat ti Pedroe.

Bible in Tzotzil de Chamula

²³ Ti jech taj une, xpuquet no'ox sc'oplal yu'unic ti mu'yuc la ta xcham ti jun jchanc'ope. Ja'uc le' une, ma'uc laj yal ti Jesús ti mu'yuc ta xchame. “Mi ta jc'an ti c'uxul ta jta c'alal ta xicha'sut talele, ¿c'usi aventa?” naca xi laj yale.

LEQUIL ACH' C'OP

²³ Ti x'elan iyale, ora ivinaj ech'el ta stojol li xchi'ilic ta ch'unolajele, ti muc' bu ta xcham li jun yajchanc'ope. Pero ti Jesuse muc'bu iyal ti muc'bu ta xchame. Li c'usi iyale ja' chac li'i: Mi sc'an co'on ti cuxul chul jta ti c'alal xi sutale, ¿mu c'usi acuenta o li vo'ote?» X'utat no'ox ti Pedroe.

Tzotzil San Andres

²³ Ta ora ipuc jcꞌoplal ta stojol li quermanotactic, jaꞌ li buchꞌutic coꞌol quichꞌojtic ta mucꞌ li Jtotic Diose. Iyaꞌiic ti muc bu chicham ti yalojique. Li Jesuse muc bu iyal ti muc bu chichame. Jaꞌ noꞌox jech laj yal: “Mi ta jcꞌan ti cuxul to chjul jta cꞌalal chichaꞌtal nojtoque, mu aventauc”, ti xi li Jesuse.

Tzotzil de Huixtán

²³ Hech yu'un laj ya'yic ti quermanotique ti mu xicham ho'oni. Mu xcham, mu xchiuc jc'opilal yu'un ti Jesuse. Ja' no'ox laj yal: “Mi ti jc'an ti cuxul chul jtae, mu aventauc”, xchi no'ox jc'opilal.

San Juan 21:23 Iomraidhean Croise

Job 28:28

Jech laj yalbe li cristianoetique: ‘A'yo ava'yic, me chavich'icun lec ta muq'ue, ja' abijilic chc'ot; me chacomtsanic li c'usi chopole ja' sjamubil aba asatic chc'ot’, xi.

Job 33:13

¿C'u yu'un ti tsots chatsac ta c'op li Diose? Yu'un chaval ti mu'yuc xastac'bot li c'usi chajaq'ue.

Daniel 4:35

Scotol li jnaclumetic li' ta banamile mu'yuc c'usi xu' yu'un ch-ilatic. Li stuque ta spas c'usi tsc'an ta stojol li boch'otic te oy ta vinajele xchi'uc li jnaclumetic li' ta banamile. Mu'yuc boch'o xu' yu'un tspajes; mu'yuc boch'o xu' yu'un jech chalbe: ¿C'u yu'un jech chapas? mu'yuc boch'o xu' xut.’

San Mateo 16:27

Yu'un ta to sta sc'ac'alil chital xchi'uc xojobal Jtot, vu'un ti Xnich'on cristiano lic'ote. Ta jchi'in yalel tal li j'almantaletic cu'une, ja' ta xtal cac'be stojol jujun cristiano ti c'u x'elan la spasique.

Hechos 1:15

C'alal jech orae, te lic sva'an sba ta o'lol jch'unolajeletic li Pedroe. Oy van vacvinicuc (120) ta scotolic ti te tsobolique. Te lic c'opojuc li Pedroe, jech laj yal:

Hechos 28:14

Te la jtacutic jayibuc jch'unolajeletic, laj yalbuncutic ti te ac'o jchi'incutic vucubuc c'ac'ale. Ts'acal libatcutic ta Roma.

Hechos 6:3

Ja' yu'un quermanotac, t'ujic vucub viniquetic li' ta atojolic ti bu lec sc'oplalique, ti ventainbil yo'ntonic yu'un Ch'ul Espiritue, xchi'uc ti oy sbijilique, yu'un ja' ta xcac'betic sventainic li abtele li'i.

1 Corintios 11:26

Ja' yu'un c'alal chave'ic jujun velta li pane, c'alal chavuch'ic jujun velta li ya'lel ts'usube, ja' chavaq'uic ta ilel ti vo'oxuc ta acojic icham li Cajvaltique. Ja' to chlaj sc'oplal ta pasel c'alal me ital li Cajvaltique.

1 Corintios 4:5

Ja' yu'un li vo'oxuque ma'uc avabtelic chachapanvanic ti c'alal mu to ja'uc sc'ac'alile. Ja' to me ital li Cajvaltique, ja' chtal yac' ta ilel scotol li c'usitic mucule, xchi'uc ja' tsvinajes c'usi oy ta yo'nton li cristianoetique. Jech ta jujuntal chich'ic albel sc'oplalic yu'un Dios ti c'u x'elan yabtelique.

Deuteronomio 29:29

“Li c'usitic mu jna'tique, ja' sna'oj stuc li Muc'ul Dios cu'untique. Pero li c'usitic ac'bil quiltic xchi'uc calab jnich'nabtique ja' sventa ac'o jch'untic, ac'o jpasilantic batel scotol c'ac'al li smantaltac Muc'ul Diose.

Santiago 5:7

Ja' yu'un quermanotac, ts'iquic me, oyuc me smuc'ul avo'ntonic o c'alal to chtal li Cajvaltique. Q'uelavilic c'u x'elan li boch'o ta x'abteje, jun yo'nton ta smala chloc' li c'usi ta sts'un li' ta banamile. Jun yo'nton ta smala c'usi ora chyal li vo'e.

Apocalipsis 2:25

Ja' no'ox chacalboxuc, li c'usi ach'unojique ja' me ch'unic o c'alal to chital.